مرقس 4:17 - ثريفيث 2020

¹⁷ وَامِي وَار ؤُوْثِين بُو يࢲوْرَان مْلِيح ذغْيَا تْنقْڒَاعن. خْمِي د تَاسنْت شَان ڒمْحَاين نِغ ذ شَان وعدّب خ سَّبَاب ن وَاوَاڒ ن أَربِّـي، ذغْيَا تفّْغن اَبْرِيذ.

مرقس 4:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:6

سَّعْذ ن يِنِّي وَار ذَايِي يتْشكِّين شَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 12:31

أَقَا قَّارغ-اَوم: أَذ تْوَاغْفَرنْت مَارَّا ڒْمُعْصِيَاث إِي تݣّن يِوْذَان ذ كُڒ اَوَاڒ نِّي وَار يحْڒِين إِي قَّارن خ أَربِّـي. وَلَكِن ونِّي غَا يِينِين شَان وَاوَاڒ وَار يحْڒِين خ أَرُّوْح يقدّْسن، أَتَاف وَار ذَاس يغفَّر شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:21

وَامِي وَار يُوْوْثِي بُو يࢲوْرَان مْلِيح ذغْيَا تْنقْڒَاعن. خْمِي د تَاسنْت شَان ڒمْحَاين نِغ ذ شَان وعدّب خ سَّبَاب ن وَاوَاڒ ن أَربِّـي، ذغْيَا يتفّغ اَبْرِيذ.

مرقس 4:16

زَّرِّيعث نِّي إِݣ يوْضَان جَار يِزْرَا نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث س ڒفْرَاحْث.

مرقس 4:18

زَّرِّيعث نِّي إِݣ يوْضَان جَار يسنَّانن نتَّاث اَم يِوْذَان إِي تسْڒَان إِ وَاوَاڒ ن أَربِّـي

لوقا 12:10

ونِّي غَا يِينِين شَان وَاوَاڒ وَار يحْڒِين خ مِّيس ن بْنَاذم اَتَاف اَخَاس يغْفَر. ونِّي غَا يِينِين شَان وَاوَاڒ وَار يحْڒِين خ أَرُّوْح يقدّْسن اَتَاف وَار خَاس يغفَّر شَا عمَّارْص.

يوحنا 8:31

ينَّا-ٱسن عِيْسَى إِ يسْرَائِيلِيْن يِنِّي زَّايس يُوْمْنن: "مڒَا ثقِّيمم ذݣ وَاوَاڒ ينُو، أَذ تِيڒِيم ذ صَّح ذ يمحْضَارن ينُو.

أيث-ݣلاطيا 6:12

يِنِّي يرزُّوْن اَذ فْتَخَرن زِي دَّات، يعْنِي مِين وَار يدْجِين شَا زِي أَرُّوْح يقدّْسن، نِثْنِي تْبسَّاڒن خَاوم بَاش اَذ تݣّم طَّهَارث ن مُوْسَى. مَايمِّي؟ غِير رزُّوْن نِثْنِي وَار تْعدِّيبن شَا خ سَّبَاب ن صَّلِيب ن لْمَسِيح.

2 تيموتاوس 1:15

شك ثسّْنذ بلِّي مَارَّا يِنِّي يدْجَان ذِي لْإِقْلِيم ن آسْيَا سمْحن ذَايِي ؤُڒَا ذ فِيْخُوْلُوْس ذ هِيْرْمُوْجِيْنُوْس.

2 تيموتاوس 4:10

مِينْزِي دِيْمَاس يسْمح ذَايِي ثُوْوِي-ث ڒمْحِبّث ن دُّنشْت-أَ يرُوْح غَار ثنْدِينْت ن سَالُوْنِيك. ئِرُوْح كْرِيسْكُوْس غَار لْإِقْلِيم ن ݣَلَاطْيَا، ئِرُوْح تِيتُوْس غَار جِّهث ن دَلْمَاسْيَا.

2 تيموتاوس 4:16

وَامِي ذَافْعغ خ يِيخف ينُو ثْوَاڒَا ثَمزْوَارُوْت ذِي لْمَحْكَامَا مَارَّا سمْحن ذَايِي ؤُڒَا ذ يجّن مَا يبدّ اَكِذِي. وَار خَاسن ت يتْحِيسِيب شَا سِيذِي أَربِّـي.

يعيبرانيين 10:29

ئِي كنِّيو، مِين تْفكَّرم؟ مشْحَاڒ إِي غَا يِيڒِي لْعِقَاب إِݣ يسْذَاهدْج ونِّي يسحْقَارن مِّيس ن أَربِّـي، ئِسخْنز يذَامّن ن ڒْعَهذ نِّي إِي زِي يتْوَاسِّيصْفَا، يزبّڒ أَرُّوْح ن اَرْضَا!

1 يوحنا 2:19

فّْغن زَّايْنغ وَلَكِن تُوْغَا وَار دْجِين شَا زَّايْنغ. مَعْلِيك زَّايْنغ، أَتَاف قِّيمن اَكِذْنغ. نِثْنِي فّْغن بَاش اَد د يبَان بلِّي وَار دْجِين شَا زَّايْنغ.

لواحي ن يوحنا 2:10

وَار تݣّْوذ شَا زِي مَامّش إِي غَا تْوَاعدّْبذ. أَقَا إِبْڒِيس اَذ يسِيذف ڒبْعَاض زَّايْوم غَار ڒحْبس حمَا اَذ تْوَاجَرّْبم. أَذ تْسعْذُوْم ڒمْحَاين ذي عشْرَايَّام. اَرْنِي ذِي لْإيْمَان نّش وَاخَّا اَش نْغن، نش اَذَاش ؤُشغ تَّاج ن ثُوْذَارْث.

لواحي ن يوحنا 2:13

نش سّْنغ مَانِي ثْزدّْغذ، ذِنِّي لْعَرْش ن شِّيطَان. شك تطّْفذ ذݣ يِيسم ينُو. وَار ثنْكَرذ شَا لْإِيْمَان إِي زَّايِي ثݣِّيذ، وَاخَّا ذݣ وُوْسَّان نِّي إِي ذِي نْغِين يجّن ن شَّهِيذ ينُو ذَايس ڒَامَان قَّارن-اَس أَنْتِپَـاس. نْغِين-ث زَّاثْوم مَانِي يزدّغ شِّيطَان.