مرقس 3:8 - ثريفيث 2020

⁸ ذ ثنْذِينْت ن لْقُدْس ذ ثْمُوْرْث ن إِدُوْمْيَا ذ ؤُجمَّاض-ين إِ يغْزَار ن لْأُرْدُن، عَاوذ زِي جْوَايه ن صُّوْر ذ صَيْدَا. ؤُسِين-د غَارس اَطَّاس ن ڒْغَاشِي وَامِي د اَرِّين ڒخْبَار إِ مَارَّا مِين يݣَّا.

مرقس 3:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:21

ينَّا عِيْسَى: "يَا ڒفْضِيحث نّش يَا أَبِيلَاج ن كُوْرَزِيم! يَا ڒفْضِيحث نّش يَا أَبِيلَاج ن بَيْت صَيْدَا! مَعْلِيك لْمُعْجِزَاث-أَ إِي ذَايْوم يوقْعن، وقْعنْت ذِي ثْندَّام ثِعفَّانِين ن صُوْر ذ صَيْدَا، أَتَاف اَيثْبَاب نْسنْت تُوْبن مشْحَاڒ زݣ وَامِي، ئِڒِي ݣِّين اَرُّوْض ن لْحُزن قِّيمن خ يِيغّذ حمَا اَذ د تْبَان تُوْبَا نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:25

ذْفَارن عِيْسَى اَطَّاس ن ڒْغَاشِي زِي لْجَلِيل ذ لْإِقْلِيم ؤُمِي قَّارن دِيكَاپْـلِس ذ ثنْدِينْت ن لْقُدْس ذ يَهُوْذِيَا ذ جِّهث ن شَّرْق ن يِغْزَار ن لْأُرْدُن.

مرقس 7:24

ئِكَّر عِيْسَى يُوْيُوْر سّنِّي يرُوْح غَار جْوَايه ن ثنْدِينْت ن صُوْر يُوْذف ذݣ يِجّن ن ثدَّارْث. يرزُّو وَار يتسّن حَدّ بلِّي اَقَاث ذِنِّي وَلَكِن يوْذَان اَرِّين-د ڒخْبَار.

مرقس 7:31

يفّغ عِيْسَى عَاوذ زي جْوَايه نِّي ن صُوْر يكَّا خ ثْمُوْرْث ن صَيْدَا، ئِرُوْح غَار ڒبْحَر ن لْجَلِيل ذ لْإِقْلِيم نِّي ؤُمِي قَّارن دِيكَاپْـلِس.

لوقا 6:17

ئِهْوَا-د عِيْسَى يبدّ ذݣ يِجّن ن ومْشَان ذ ڒوْضَا. ذِنِّي اَطَّاس ن يمحْضَارن نّس ذ وَاطَّاس ن يِوْذَان زِي ثْمُوْرْث ن يَهُوْذِيَا ثكْمَاڒ، زِي لْقُدْس، عَاوذ زِي صُوْر ذ صَيْدَا إِݣ يدْجَان خ وغزْذِيس ن ڒبْحَر.