مرقس 3:7 - ثريفيث 2020

⁷ ئِفّغ عِيْسَى اَك يمحْضَارن نّس يهْوَا غَار شّطّ ن ڒبْحَر، ئِذْفَار-يثن يجّن ن لْعَدَد ذ اَمقّْرَان ن يِوْذَان زِي ثْمُوْرْث ن لْجَلِيل ذ ثْمُوْرْث ن يَهُوْذِيَا،

مرقس 3:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:23

مڒَا عَدّْبن-كنِّيو ذِي شَان ثنْدِينْت، اَروْڒم غَار ثْنّغْنِي. أَقَا تسْڒَام ڒْحَقّ: أَذ د يَاس مِّيس ن بْنَاذم، أَتَاف كنِّيو عَاذ وَار ثْكمّْڒم خ مِين كنِّيو وصِّيغ ذِي ثْندَّام ن أَيث-إِسْرَائِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:15

ئِسّن عِيْسَى مَانَاينِّي يُوْيُوْر سّنِّي. ذْفَارن-ث اَبرُّو ن يِوْذَان، ئِسْݣنْفَا مَارَّا يمهْڒَاش نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:16

ئِوصَّا-ثن ينَّا-ٱسن وَار تْخبَّارم حَدّ خَافِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:25

ذْفَارن عِيْسَى اَطَّاس ن ڒْغَاشِي زِي لْجَلِيل ذ لْإِقْلِيم ؤُمِي قَّارن دِيكَاپْـلِس ذ ثنْدِينْت ن لْقُدْس ذ يَهُوْذِيَا ذ جِّهث ن شَّرْق ن يِغْزَار ن لْأُرْدُن.

مرقس 1:39

ئِرُوْح يتْحدَّاث ذِي ثمْزِيذَاوِين ن أَيث-إِسْرَائِيل ذِي مَارَّا ثَمُوْرْث ن لْجَلِيل يسُوْفُوْغ جْنُوْن.

مرقس 1:45

وَلَكِن نتَّا مِين يݣَّا؟ ئِرُوْح يبْذَا يسَّاوَاڒ اَطَّاس، ئِسُوْفغ ڒخْبَار اَڒ وَامِي يذْوڒ عِيْسَى وَار يزمَّر اَذ يَاذف غَار شَا ن وبِيلَاج بْڒَا مَا ٱذ يسْنُوْفَّر يخف نّس. تُوْغَا لَابُد يتْغِيمَا ذݣ يمُوْشَان يخْوَان، وَلَكِن وَاخَّا اَمنِّي يوْذَان تَاسن-د غَارس ذِنِّي زِي مَارَّا يمُوْشَان.

مرقس 3:20

ئِروّح-د عِيْسَى غَار ثدَّارْث، مُوْنن-د عَاوذ ڒْغَاشِي اَڒ وَامِي وَار يزمَّر عِيْسَى ذ يمحْضَارن نّس اَذ شّن ؤُڒَا ذ اَغْرُوْم.

مرقس 4:1

عَاوذ يبْذَا عِيْسَى يسڒْمَاذ خ طَّارْف ن ڒبْحَر. مُوْنن-د خَاس اَطَّاس ن ڒْغَاشِي، ئِكَّر نتَّا ينْيَا ذݣ يِجّن ن ثْغَرَّابُوت ذِي ڒْوسْط ن وَامَان يقِّيم ذَايس، ئِوْذَان قِّيمن مَارَّا ذِي ڒْبَرّ خ طَّارْف ن ڒبْحَر.

لوقا 23:5

وَلَكِن نِثْنِي زيَّارن خَاس اَطَّاس نَّان-اَس: "ئِتݣّ ڒْفِتْنَا ذِي مَارَّا ثَمُوْرْث ن يَهُوْذِيَا س وسڒْمذ نّس. ئِبْذَا ذِي ثْمُوْرْث ن لْجَلِيل، ڒخُّو اَقَاث ذَا."

لوقا 6:12

ذݣ وُوْسَّان نِّي، ئِݣَعّذ عِيْسَى غَار وذْرَار اَذ يࢲَّادْج يقِّيم ذِنِّي دْجِيڒث ثكْمَاڒ يتْࢲَادْجَا إِ أَربِّـي.

لوقا 6:17

ئِهْوَا-د عِيْسَى يبدّ ذݣ يِجّن ن ومْشَان ذ ڒوْضَا. ذِنِّي اَطَّاس ن يمحْضَارن نّس ذ وَاطَّاس ن يِوْذَان زِي ثْمُوْرْث ن يَهُوْذِيَا ثكْمَاڒ، زِي لْقُدْس، عَاوذ زِي صُوْر ذ صَيْدَا إِݣ يدْجَان خ وغزْذِيس ن ڒبْحَر.

يوحنا 7:41

ينّغْنِي نَّان: "نتَّا ذ لمَسِيح." وَلَكِن ڒبْعَاض زَّايسن نَّان: "مَا ٱذ د يَاس لمَسِيح زِي ثْمُوْرْث ن لْجَالِيل؟

يوحنا 7:52

نَّان-اَس: "مَا شك عَاوذ زِي صْحَاب ن لْجَالِيل؟ ارْزُو ذِي لْكُتُب خْزَر، ؤُڒَا ذ يجّن ن نَّبِي وَار د يُوْسِي شَا زِي ثْمُوْرْث ن لْجَالِيل."

ڒخذايم 17:10

سّنِّي س دْجِيڒث نِّي اَيثْمَاثْنغ سّكّن بُوْلُس ذ سِيلَاس غَار ثنْدِينْت ؤُمِي قَّارن بِيرْيَا. وَامِي ؤُوْضن، ؤُذْفن غَار ثمْزِيذَا ن أَيث-إِسْرَائِيل.

ڒخذايم 17:14

ڒخْدّنِّي اَيثْمَاثْنغ سّكّن بُوْلُس غَار ڒبْحَر، ئِقِّيم سِيلَاس ذ تِيْمُوْتَاوُس ذِي ثنْدِينْت ن بِيرْيَا.