مرقس 3:5 - ثريفيث 2020

⁵ ئِخْزَر غَارْسن يعصّب، ئِخيّق ڒَاحقَّاش ؤُڒَاون نْسن قسْحن. ينَّا-ٱس إِ ورْيَاز نِّي: "سَرّح فُوْس نّش." يسَرّح-يث أُوْشَا يذْوڒ وفُوْس نّس يݣنْفَا.

مرقس 3:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:13

ڒخْدّنِّي ينَّا-ٱس عِيْسَى إِ لْمُعَاق نِّي: "سَرّح فُوْس نّش." ئِسَرّح-يث أُوْشَا يذْوڒ وفُوْس نّس يݣنْفَا، مْلِيح اَم وفُوْس نّغْنِي.

مرقس 3:4

ئِسّقْسَا-ثن عِيْسَى ينَّا-ٱسن: "نْهَار ن لْعِبَادَا مَا حَلَال أَ نݣّ ڒْخِير نِغ أَ نݣّ شَّرّْ؟ أَ نْسنْجم نّفْس نِغ اَث نْنغ؟" وَلَكِن نِثْنِي سْقَارن.

لوقا 13:15

ينَّا-ٱس سِيذِيثْنغ: "آ لْمُنَافِقِين، مَا وَار ثْضدْجْقم شَا يفُوْنَاسن ذ يغْيَاڒ نْوم زِي ڒْكُوْرِي ذِي نْهَار ن لْعِبَادَا حمَا اَثن ثْسسّْوم؟

لوقا 17:14

ئِخْزَر ذَايْسن ينَّا-ٱسن: "رُوْحم غَار ڒْفُقَهَا سظْهَارم-اَسن يخف نْوم!" نِثْنِي وَامِي يُوْيُوْرن ذݣ وبْرِيذ نْسن صَافِي ݣنْفَان.

لوقا 6:10

ئِخْزَر غَارْسن مَارَّا ئِج-يج، ينَّا-ٱس إِ ورْيَاز نِّي: "سَرّح فُوْس نّش!" ئِسَرّح-يث أُوْشَا يذْوڒ وفُوْس نّس يݣنْفَا.

يوحنا 9:7

ينَّا-ٱس عِيْسَى: "رُوْح اَذ تسِّيرْذذ ذِي صَّرِيج ن سِيلْوَام." (أَوَاڒ-أَ سِيلْوَام يخس اَذ يِينِي <ونِّي إِي د يتْوَاسّكّن.>) ئِرُوْح يسِّيرذ، يروّح يتْوَاڒَا.

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

22 أيث-كورينث 3:14

نِثْنِي ڒَعْقُوْڒَاث نْسن تْوَاقْسْحن وَار فهّْمن شَا. أَڒ نْهَارَا خْمِي غَا غَرن ذِي ڒْعَهذ نِّي اَقْذِيم تَافن لْتَام نِّي عَاذ ذَايس. لْتَام نِّي وَار يتْوَاكّس شَا، غِير س لْمَسِيح إِي غَا يتْوَاكّس.

أيث-ؤفسوس 4:18

نِثْنِي ثْطمّص-يثن ڒفْهَامث زَعْمَا إِي ذَايْسن. نِثْنِي ݣّْوْجن زِي ثُوْذَارْث ن أَربِّـي عْلَاحْسَاب ڒقْفَاڒث نِّي إِي ذَايْسن س ثْغنَّانْت ن وُوْڒَاون نْسن.

أيث-ؤفسوس 4:26

عصّْبث بْڒَا مَا اَذ تݣّم ڒْمُعْصِيّث. وَار تجَّاث شَا ثْفُوْشْت اَخَاوم ثغْڒِي كنِّيو عَاذ تْعصِّيبم.

أيث-ؤفسوس 4:30

وَار سْخيَّاقم شَا أَرُّوْح يقدّْسن ن أَربِّـي يعْنِي ونِّي إِي زِي ثتْوَاضبْعم إِ نْهَار نِّي إِي غَا ثْنجّْمم.

يعيبرانيين 3:10

خ مَانَاينِّي سْعصّْبن-اَيِي يِوْذَان ن زْمَان نِّي. نِّيغ نش قَا ڒبْدَا تْبعَّاذن خَافِي س وُوْڒَاون نْسن، ئِبْرِيذن ينُو وَار ثن سِّينن شَا نِثْنِي.

يعيبرانيين 3:17

مِين عْنَان يِنِّي يسْعصَّابن أَربِّـي ذِي اَرْبعِين يسْݣُّوُوْسَا نِّي؟ يَاش ذ يِنِّي يعْصَان أَربِّـي منْضَارن ذِنِّي ذِي ڒخْڒَا نِّي اَم يمُّوْضَاس نِغ؟

يعيبرانيين 5:9

وَامِي يعْذُو اَعدّب نِّي بْڒَا ڒْمُعْصِيّث، ئِذْوڒ نتَّا ذ ڒْعُنْصَر ن وسنْجم يعْنِي يزمَّر اَذ يسنْجم مَارَّا يِنِّي إِي ث يتْطَاعَان.

لواحي ن يوحنا 6:16

نِثْنِي قَّارن إِ يذُوْرَار ذ يِزْرَا: "وْضَام-د خَانغ، سْنُوْفَّرم-اَنغ زݣ وُوْذم ن ونِّي يقِّيمن خ لْعَرْش ذ لْعِقَاب إِي غَا يݣّ يِزْمَار.