مرقس 2:20 - ثريفيث 2020

²⁰ وَلَكِن اَذ د اَسن وُوْسَّان اَذ يميْسِي مُوْڒَاي زِي ڒْوسْط نْسن، ڒخْدّنِّي اَذ ࢲُوْمّن ذي نْهَار نِّي.

مرقس 2:20 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:31

ينَّا-ٱسن عِيْسَى إِ يمحْضَارن نّس: "دْجِيڒث-أَ ثَانِيتَا اَذَايِي ثْسمْحم مَارَّا إِذْوم مِينْزِي يقَّار لْكِتَاب: أَذ ؤُوْثغ ونِّي يرَاسّن يحُوْڒِيْين، كُڒ يجّن زِي ثْحِيمرْث مَانِي غَا يَرْوڒ.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:15

ينَّا-ٱسن عِيْسَى: "ئِمدُّوْكَاڒ ن مُوْڒَاي، مَا زمَّرن اَذ خيّْقن ذِي نْهَار نِّي ن ڒْفَارْح نّس؟ لَّا، وَلَكِن اَذ د اَسن وُوْسَّان اَذ يميْسِي مُوْڒَاي زِي ڒْوسْط نْسن. ڒخْدّنِّي اَذ ࢲُوْمّن!

مرقس 2:19

ينَّا-ٱسن عِيْسَى: "ئِمدُّوْكَاڒ ن مُوْڒَاي، مَا زمَّرن اَذ ࢲُوْمّن ذِي نْهَار نِّي ن ڒْفَارْح نّس؟ لَّا، خْمِي يتِيڒِي مُوْڒَاي اَكِذْسن وَار زمَّرن اَذ ࢲُوْمّن.

مرقس 2:21

وَار يدْجِي حَدّ يتْرقَّاع اَرُّوْض ذ ڒْبَاڒِي س يِجّن ن ثْرقِّيعْث ن تُّوْب ذ جْذِيذ، مَايمِّي؟ ڒَاحقَّاش ثَرقِّيعْث نِّي ن تُّوْب ذ جْذِيذ اَذ تْنجْمع اَذ تْوَاكّس زݣ وَارُّوْض نِّي ذ ڒْبَاڒِي. ڒخْدّنِّي اَذ يقِّيم وشَارِّيݣ يمْغَر!

لوقا 17:22

ينَّا-ٱسن إِ يمحْضَارن نّس: "أَذ د اَسنْت ڒِيَّام اَذَايْسنْت ثْرزُّوْم اَذ تࢲرم يجّن ن نْهَار زي نْهُوْرَاث ن مِّيس ن بْنَاذم وَلَكِن وَار ث تْࢲرّم شَا.

لوقا 5:35

ينَّا-ٱسن: "لَّا، وَلَكِن عَاذ اَذ د اَسن وُوْسَان اَذ يميْسِي مُوْڒَاي زِي ڒْوسْط نْسن، ڒخْدّنِّي اَذ ࢲُوْمّن ذݣ وُوْسَان نِّي."

يوحنا 12:8

ئِمسْعَان اَقَاثن اَكِذْوم ڒبْدَا، نش وَار كِذْوم تْغِيمِيغ شَا إِ ڒبْدَا."

يوحنا 13:33

آ ثَارْوَا ينُو، ثقِّيم ذْرُوْسْت ن ڒْوقْث بَاش اَذ يڒِيغ اَكِذْوم. أَخَافِي ثْرزُّوْم. مِين نِّيغ نش إِ يسْرَائِيلِيْين اَذَاوم ت ينِيغ ڒخُّو إِ كنِّيو: مَانِي غَا رَاحغ نش، وَار ثْزمَّرم شَا اَذ د تَاسم ذِنِّي.

يوحنا 16:28

فّْغغ-د زِي بَابَا وْضغ-د غَار دُّنشْت-أَ. أَذ ؤُيُوْرغ زِي دُّنشْت-أَ اَذ عقْبغ عَاوذ غَار بَابَا."

يوحنا 16:7

أَقَا تسْڒَام ڒْحَقّ: حْسن إِ كنِّيو اَذ رَاحغ. مڒَا وَار رُوْحغ شَا، أَتَاف وَار غَارْوم د يتِيس شَا لْمُعَاوِن نِّي. وَلَكِن مڒَا رُوْحغ، أَتَاف اَذَاوم ثِيذ سّكّغ.

يوحنا 17:11

وَار تْغِيمِيغ شَا نش ذِي دُّنشْت، أَذ قِّيمن نِثْنِي ذَايس أُو نش ݣُّوْرغ-د غَارش. آ بَابَا اَمْقدّس، حْضَا-ثن س يِيسم نّش إِي ذَايِي ثُوْشِيذ حمَا اَذ يڒِين ذ يجّن اَم نشِّين.

يوحنا 17:13

ڒخُّو ݣُّوْرغ-د غَارك. سَّاوَاڒغ اَوَاڒن-أَ أُو نش عَاذ اَقَايِي ذِي دُّنشْت حمَا اَغَارْسن ثِيڒِي ڒفْرَاحث ينُو ثكْمَاڒ.

يوحنا 3:29

ونِّي غَار ثدْجَا ثسْڒِيث، نتَّا ذ مُوْڒَاي. أَوْزِير ن مُولَاي يعْنِي ونِّي يتْبدَّان زَّاثس يتْسْڒَا-يَاس، نتَّا يفَرّح اَطَّاس إِ وَاوَاڒ ن مُوْڒَاي. أَمُّو ؤُڒَا ذ نش فَرْحغ اَطَّاس.

ڒخذايم 1:9

غِير يكمّڒ عِيْسَى اَوَاڒ نّس، ئِتْوَارْفع غَار وجنَّا. قِّيمن تْخزَّرن ذَايس أُوْشَا يودَّار-اَسن ذݣ وسيْنُو.

ڒخذايم 14:23

بُوْلُس ذ بَرْنَابَا يخْضَرن يمقّْرَانن ذِي مْكُڒ جْمَاعث ن ڒْمُوْمِنِين ڒخْدّنِّي ࢲُّوْدْجن، ࢲُوْمّن، جِّين-ثن ذݣ وفُوْس ن سِيذِي أَربِّـي إِي زِي ؤُمْنن.

ڒخذايم 3:21

ئِتْخصَّا نتَّا اَذ يقّيم ذݣ وجنَّا اَڒ ڒْوقْث إِي ذِي غَا يتْوَاعْذڒ كُڒْشِي عْلَاحْسَاب اَوَاڒن ن لْأَنْبِيَا صَّالِحِين إِي ذَاسن ينَّا أَربِّـي ذݣ يِجّن ن زْمَان.

1 أيث-كورينث 7:5

ئِتْخصَّا وَار ثْقطّْعم شَا خ وَايَاوْيَا إِلَّا مڒَا ثْتَافْقم اَك وَايَاوْيَا يجّن ن لْمُدَّا وَاهَا حمَا اَذ تُوْشم ڒْوقْث نِّي إِ ثْࢲَادْجِيث نْوم. منْبَعْد اَذ تْمُوْنم حمَا وَار كنِّيو يتْغَارِّي شَا شِّيطَان ڒَاحقَّاش اَتَاف وَار ثْزمَّرم شَا اَذ تْحكْمم مْلِيح خ شّهْوث نْوم.

22 أيث-كورينث 11:27

خدّْمغ، شَّاثغ تَمَارَا، تْنُوْسغ اَطَّاس ن دْجِيَاڒِي بْڒَا يضص. فُوْذغ دْجُوْزغ، قِّيمغ اَطَّاس ن ثْوَاڒَاثِين بْڒَا لْمَكْلَا. ثْنقّ-اَيِي ثسْمض اَرُّوْض ينُو ذ ؤُقْلِيل.

22 أيث-كورينث 6:5

نشِّين تْمَرَّاثن-اَنغ، تْحبَّاسن-اَنغ، تݣّن-اَنغ ڒْفَوْضَا؛ نشِّين نشَّاث تَمَارَا، نقِّيم ذِي دْجِيَاڒِي بْڒَا يضص، ندْجُوْز.

لواحي ن يوحنا 19:7

يَالَّاهم أَ نْفَرْحث، أَ نزْهُوْث، أَث نْسمْغَارث! ڒْفَارْح ن يِزْمَار اَقَّا يُوْوض-د، ثَسْڒِيث نّس قَا ثْسوْجذ يخف نّس.

لواحي ن يوحنا 21:9

يُوْسَا-د غَارِي يجّن زِي سبْعَا ن لْمَلَائِكَاث نِّي إِي غَار دْجَانْت سبْعَا ن ثْمجْمَارِين إِݣ يعمَّرن س سبْعَا ن لْمُصِيبَاث نِّي ثِنْݣُّوْرَا، ينَّا-ٱيِي: "أَرَاح-د، أَذَاش د سْمظْهَارغ ثَسْڒِيث، يعْنِي ثنِّي غَا يَاوِين يزْمَار."