مرقس 2:17 - ثريفيث 2020

¹⁷ ئِسْڒَا-يَاسن عِيْسَى ينَّا-ٱسن: "ئِوْذَان يصحَّان وَار تحْذِيجِين بُو وضْبِيب، أَضْبِيب تحْذَاجَان-ث يمهْڒَاش." ينَّا-ٱسن: "نش وَار د ؤُسِيغ شَا اَذ ڒَاغِيغ إِ يِنِّي يدْجَان نِيشَان، ؤُسِيغ-د غَار يِنِّي يعصَّان."

مرقس 2:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 18:10

غَارْوم اَذ تْحݣَّرم شَان حَدّ زݣ يمزْيَانن-أَ. قَّارغ-اَوم: لْمَلَائِكَاث نْسن ذݣ وجنَّا ڒبْدَا خزَّرنْت بَابَا يدْجَان ذݣ وجنَّا.

لوقا 15:10

أَذَاوم ينِيغ: أَمنِّي يجّن مڒَا يعْصَا منْبَعْد يتُوْب، أَتَاف اَكِذس فَرْحنْت لْمَلَائِكَاث ن أَربِّـي."

لوقا 15:29

ينَّا-ٱس إِ بَابَاس: نش مشْحَاڒ ن يسݣّوُسَا اَقَايِي خدّْمغ اَكِذش ڒبْدَا تْطَاعَاغ-اَش، عمَّارْص وَار ذَايِي ثُوْشِيذ ؤُڒَا ذ يغِيْذ حمَا اَذ فَرْحغ زَّايس اَك يمدُّوْكَاڒ ينُو.

لوقا 15:7

أَذَاوم ينِيغ: أَذ فَرْحن ذݣ وجنَّا اَطَّاس خ يِجّن مڒَا يذْوڒ-د غَار وبْرِيذ كْتَار زِي مِن غَا فَرْحن خ تسْعَا أُو تسْعِين نِّي وَار فِّيغن شَا اَبْرِيذ.

لوقا 16:15

ينَّا-ٱسن عِيْسَى: "كنِّيو ذ يِنِّي إِي يرزُّوْن اَذ ؤُشن ڒْحَقّ خ يِيخف نْسن زَّاث إِ يِوْذَان، وَلَكِن أَربِّـي يسّن مِين غَارْوم ذݣ وُوْڒَاون نْوم. مِين يتَارَّان بْنَاذم غَارس لْقِيمَا، أَتَاف مَانَاينِّي ذ اَعفَّان اَطَّاس غَار أَربِّـي.

لوقا 19:10

مِّيس ن بْنَاذم يُوْسَا-د حمَا اَذ يرْزُو اَذ يسنْجم يِنِّي يودَّرن."

يوحنا 9:34

نَّان-ٱس: "شك ذ لْعَاصِي زݣ وَامِي د ثْخڒْقذ، مَا ثْرزُّوْذ اَذَانغ ثسْڒمْذذ نشِّين؟" ڒخْدّنِّي طرْدن-ث زِي ثمْزِيذَا.

يوحنا 9:40

سْڒِين-اَس ڒبْعَاض زݣ يفَرِّيسِيْين إِي يدْجَان ذِنِّي نَّان-اَس: "مَا ؤُڒَا ذ نشِّين ذ يضَرْغَاڒن نِغ؟"

ڒخذايم 20:21

عدْجْمغ إِ يسْرَائِيلِيْين ذ ييُوْنَانِيْين بَاش اَذ تُوْبن غَار أَربِّـي اَذ اَمْنن س سِيذِيثْنغ عِيْسَى.

ڒخذايم 26:20

لَّا، تْبشَّارغ ذ اَمزْوَارُو يمزْذَاغ ن ثنْدِينْت ن دِمَشق، عَاذ ذ يمزْذَاغ ن ثتْدِينْت ن لْقُدْس ذ مَارَّا جْوَايه ن ثْمُوْرْث ن يَهُوْذِيَا، ذ اَنݣَّارُو مَارَّا يِنِّي وَار يدْجِين شَا زِي أَيث-إِسْرَائِيل. تْبشَّارغ-ثن اَذ تُوْبن اَذ ذوْڒن غَار أَربِّـي، أَذ خذْمن ڒخْذَايم ن تُّوْبَا يدْجَان ن صَّح.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.