مرقس 16:19 - ثريفيث 2020

¹⁹ ئِسِّيوڒ اَكِذْسن سِيذِيثْنغ عِيْسَى سّنِّي يتْوَارْفع غَار وجنَّا يقِّيم خ وفُوْسِي ن أَربِّـي.

مرقس 16:19 ပူးပေါင်းရင်းမြစ်များ

مرقس 16:20

نِثْنِي فّْغن بشَّرن يوْذَان ذِي مْكُڒ اَمْشَان. سِيذِيثْنغ اَقَاث اَكِذْسن، ئِسْمظْهَار-د ڒْحَقّ ن يِنِّي يتْبشَّارن س وَاطَّاس ن لْعَلَامَاث إِي ثن يذفَّارن.}

لوقا 22:69

وَلَكِن زِي سَّا اَڒ ثْسَاونْت اَذ يقِّيم مِّيس ن بْنَاذم خ وفُوْسِي ن لْقَوِي."

لوقا 9:51

عِيْسَى وَامِي د تُوْوض ڒْوقْث نّس إِي ذِي غَا يتْوَارْفع غَار وجنَّا، ئِكَّر يوجّه اَغمْبُوْب نّس بَاش اَذ يرَاح غَار ثنْدِينْت ن لْقُدْس.

يوحنا 13:1

قْبڒ إِ ڒْعِيذ اَمقّْرَان، نتَّا عِيْسَى يسّن قَا ڒْوقْث نّس ثُوْوض-د اَذ يمُوْتِّي زِي دُّنشْت-أَ غَار بَابَاس. نتَّا يحِبّ يِنِّي يدْجَان اَكِذس ذِي دُّنشْت، ئِحِبّ-يثن اَڒ ونݣَّارُو.

يوحنا 16:28

فّْغغ-د زِي بَابَا وْضغ-د غَار دُّنشْت-أَ. أَذ ؤُيُوْرغ زِي دُّنشْت-أَ اَذ عقْبغ عَاوذ غَار بَابَا."

يوحنا 17:13

ڒخُّو ݣُّوْرغ-د غَارك. سَّاوَاڒغ اَوَاڒن-أَ أُو نش عَاذ اَقَايِي ذِي دُّنشْت حمَا اَغَارْسن ثِيڒِي ڒفْرَاحث ينُو ثكْمَاڒ.

يوحنا 20:17

ينَّا-ٱس عِيْسَى: "وَار ذَايِي تطّف شَا، قَا نش عَاذ وَار ݣَعّْذغ شَا غَار بَابَا. رُوْح غَار اَيثْمَا ينُو، إِن-اَسن قَا نش اَذ ݣَعّْذغ غَار بَابَا ذ بَابَاثْوم، غَار أَربِّـي ينُو ذ أَربِّـي نْوم."

يوحنا 21:15

وَامِي ريّْقن، ينَّا-ٱس عِيْسَى إِ سِمْعَان بُطْرُس: "آ سِمْعَان آ مِّيس ن يُوْحَنَّا، مَا تْحِبِّيذ-اَيِي كْتَار زِي يِيْنَا؟" ينَّا-ٱس سِمْعَان بُطْرُس: "وَاه آ سِيذِي، شَك ثسّْنذ قَا نش تخْسغ-ش." ينَّا-ٱس عِيْسَى: "سشّ يزْمَارن ينُو."

يوحنا 21:22

ينَّا-ٱس عِيْسَى إِ بُطْرُس: "نش مڒَا خْسغ وِيْن اَذ يدَّر اَڒ غَا د ذوْڒغ، وَار ذَاش يرُوْح بُو ڒْحَاڒ. شك ذْفَار-اَيِي-د!"

يوحنا 6:62

ئِي مڒَا ثࢲْرِيم مِّيس ن بْنَاذم يتْوَارْفع غَار مَانِي يقِّيم ذ اَمزْوَارُو؟

ڒخذايم 1:22

يعْنِي زݣ وَامِي إِي ث يطهَّار يَحْيَى س وَامَان اَڒ وَامِي يتْوَارْفع خَانغ غَار وجنَّا. أَرْيَاز-أَ يتْخصَّا اَكِذْنغ يشْهذ قَا عِيْسَى يكَّر-د زِي ڒْموْث."

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

ڒخذايم 3:21

ئِتْخصَّا نتَّا اَذ يقّيم ذݣ وجنَّا اَڒ ڒْوقْث إِي ذِي غَا يتْوَاعْذڒ كُڒْشِي عْلَاحْسَاب اَوَاڒن ن لْأَنْبِيَا صَّالِحِين إِي ذَاسن ينَّا أَربِّـي ذݣ يِجّن ن زْمَان.

أيث-روما 8:34

وِي يزمَّرن اَخَاسن يحْكم؟ ؤُڒَا ذ يجّن! لِأَنَّا نتَّا عِيْسَى لْمَسِيح إِݣ يمُّوْثن. أُو كْتَار، يكَّر-د زِي ڒْموْث أُو ذ نتَّا إِي يدْجَان خ وفُوْسِي ن أَربِّـي، ئِتْشَافَاعن ذَايْنغ.

أيث-كولوس 3:1

إِذن فَا وَامِي تْوَاسْنكَّارم كنِّيو اَك لْمَسِيح أُو لَابُد اَذ ترْزُوْم س وُوْڒَاون نْوم ثِمسْڒَايِين نِّي يدْجَان ذݣ وجنَّا مَانِي يقِّيم لْمَسِيح غَار وفُوْسِي ن أَربِّـي.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

يعيبرانيين 4:14

إِذن نشِّين أَ نطّف مْلِيح ذِي لْإِيمَان نّغ إِي خف نْشهّذ مِينْزِي غَارْنغ يجّن ن ڒفْقِي اَمقّْرَان يمْغر يُوْذف ذݣ يجنَّاثن يعْذُو-ثن، نتَّا ذ عِيْسَى مِّيس ن أَربِّـي.

يعيبرانيين 6:20

ذݣ ومْشَان نِّي يُوْذف عِيْسَى ذِنِّي ذ اَمزْوَارُو عْلَاحْسَاب نشِّين، ئِذْوڒ ذ ڒفْقِي اَمقّْرَان إِ ڒبْدَا اَمشْنَاو لْفِرْقَا نِّي ن ڒفْقِي ؤُمِي قَّارن مَلِكِيصَادِق.

يعيبرانيين 7:26

شُوْف، ئِجّن ن ڒفْقِي اَمقّْرَان اَم وَانِيتَا ذ نتَّا إِي نحْذَاج. نتَّا عَظِيم، بْڒَا ڒْعِيب، ئِصْفَا، ئِنعْزڒ زݣ يِوْذَان إِي ݣِّين ڒْمُعْصِيّث، ئِتْوَاسمْغَار يُوْعْڒَا خ يجنَّاثن.

يعيبرانيين 8:1

إِيوَا، مِين يدْجَان مُهِم ذِي مِين نقَّار؟ يعْنِي يجّن ن ڒفْقِي اَمقّْرَان اَم ونِّي إِي خف نسِّيوڒ اَقَاث غَارْنغ نشِّين. ئِقِّيم نتَّا خ وفُوْسِي ن لْعَرْش ن أَربِّـي سُبْحَانَا وَتَعَالَى ذݣ وجنَّا.

يعيبرانيين 9:24

شُوْف، لْمَسِيح وَار يُوْذِيف شَا اَخَّام نِّي اَمْقدّس اَطَّاس إِي يبْنَان س يفَاسّن ن بْنَاذم يتْشَابَّاهن وَاهَا ذݣ ونِّي ن صَّح؛ لَّا، نتَّا يُوْذف ذݣ وجنَّا نِّيث اَذ يحْضَار زَّاث إِ أَربِّـي عْلَاحْسَاب نشِّين.

1 بطرس 3:22

ذ نتَّا يݣَعّْذن غَار وجنَّا اَقَاث خ وفُوْسِي ن أَربِّـي، يَارَّا لْمَلَائِيكَاث سْوَادَّاي ن لْحُكم نّس ذ يِنِّي يحكّْمن ذ يِنِّي يجهْذن.