مرقس 16:18 - ثريفيث 2020

¹⁸ أَذ يْسِين يفِيْغرَان س يفَاسّن نْسن. مڒَا سْوِين مِين ينقّن، أَتَاف وَار ثن يضَرِّي شَا. أَذ سرْسن يفَاسّن نْسن خ يمهْڒَاش اَذ ݣنْفَان."

مرقس 16:18 ပူးပေါင်းရင်းမြစ်များ

مرقس 5:23

يحشّم-يث اَطَّاس ينَّا-ٱس قَا يدْجِي ثَمزْيَانْت اَقَّا تْمتَّا. أَرَاح-د سرْس خَاس يفَاسّن نّش حمَا اَذ تْݣنْفَا اَذ تدَّر.

لوقا 10:19

أَقَا تِيشّغ-اَوم جّْهذ إِي زِي غَا ثْعفّْسم خ يفِيغرَان ذ ثْغِرْذمِيوِين ذ مَارَّا جّْهذ ن ڒَعْذُو، وَار كنِّيو يتْضَرِّي وَالُو.

ڒخذايم 19:12

ئِوْذَان كسِّين ڒزْيُوْف ذ ثِبَانْتِيوِين تْحَاذَان زَّايْسنْت بُوْلُس سْرُوْسَان-ثنْت خ يمهْڒَاش. ڒخْدّنِّي ڒهْرَاشَاث نِّي تْݣنْفَان، عَاوذ تفّْغن زَّايْسن جْنُوْن نِّي يعفَّانن إِي ذَايْسن.

ڒخذايم 3:12

وَامِي ثن يࢲْرَا بُطْرُس ينَّا-ٱسن: "آي يرْيَازن ن أَيث-إِسْرَائِيل، مَايمِّي ثتْعجّْبم خ مَانَايَا؟ مَايمِّي ذَايْنغ تْخزَّرم اَمُّو؟ مَا تْفكَّرم س جّْهذ نّغ نِغ س طَّاعَا نّغ إِي زِي نَارَّا اَرْيَاز-أَ يݣُّوْر؟

ڒخذايم 3:16

ذݣ يِيسم ن عِيسى يعْنِي ذ لْإِيمَان س يِيسم نّس، أَقَا اَرْيَاز-أَ إِي تْوَاڒَام إِي ثسّْنم يذْوڒ يجْهذ. س لْإِيمَان نّس ذِي عِيْسَى إِي زِي يݣنْفَا قَاع مَامّش تْوَاڒَام مَارَّا كنِّيو.

ڒخذايم 4:10

إِيوَا يتْخصَّا اَذ تسّْنم كنِّيو ذ مَارَّا أَيث-إِسْرَائِيل بلِّي اَرْيَاز-أَ إِي ذَا يبدّن زَّاثْوم يݣّنْفَا س يِيسم ن عِيْسَى لْمَسِيح زِي نَاصِرَا. كنِّيو ثْصلّْبم-ث، وَلَكِن أَربِّـي يسكَّر-يث-يذ زِي ڒْموْث.

ڒخذايم 4:22

أَرْيَاز-أَ يݣنْفَان س لْمُعْجِيزَا نِّي غَارس كْتَار زِي اَرْبعِين يسݣّْوُوْسَا.

ڒخذايم 4:30

سَرّح فُوْس نّش بَاش اَذ تسْݣنْفِيذ اَذ تسْبيّْنذ لْمُعْجِزَاث ذ لْبُرْهَانَاث عْلَاحْسَاب يسم ن عِيْسَى اَخدَّام نّش يقدّْسن."

ڒخذايم 9:34

ينَّا-ٱس بُطْرُس: "آ عِيْنْيَاس، قَا شك يسْݣنْفَا-شك عِيْسَى لْمَسِيح! كَّر جْمع ثَاسُّوْث نّش." ڒخْدّنِّي يكَّر يبدّ خ يضَارن.

أيث-روما 16:20

أَربِّـي ن ڒهْنَا نتَّا عْڒَاين اَذ يڒْبࢲ شِّيطَان سْوَادَّاي إِ يضَارن نْوم. أَكِذْوم يِيڒِي اَرْضَا ن سِيذِيثْنغ عِيْسَى لْمَسِيح.

1 أيث-كورينث 12:9

ئِجّن يمُّوْش-اَس لْإِيمَان يجْهذ س وفُوْس ن أَرُّوْح-أَ وَانِيتَا. ئِجّن مُّوْشنْت-اَس شَان لْقُدْرَاث بَاش اَذ يسْݣنْفَا س وفُوْس ن أَرُّوْح-أَ وَانِيتَا.