مرقس 16:17 - ثريفيث 2020

¹⁷ ذ ثِيْنَا ذ لْعَلَامَاث إِي د غَا يمظْهَارن اَك يِنِّي يتَامْنن: أَقَّا نِثْنِي اَذ سُوْفْغن جْنُوْن عْلَاحْسَاب يسم ينُو، أَذ سِّيوْڒن س يِيڒسَاون ذ جْذِيذ.

مرقس 16:17 ပူးပေါင်းရင်းမြစ်များ

مرقس 9:38

ينَّا-ٱس يُوْحَنَّا: "آ لْمُعَلِّم، قَا نࢲْرَا يجّن يسُوْفُوْغ جْنُوْن عْلَاحْسَاب يسم نّش. نشِّين نرْزُو اَث نسْبدّ وَامِي وَار يدْجِي شَا ذ اَمحْضَار اَكِذْنغ."

لوقا 10:17

ذوْڒن-د ثْنَاين أُو سبْعِين نِّي ن يمحْضَارن فَرّْحن. نَّان-اَس إِ عِيْسَى: "آ سِيذِي، قَا ؤُڒَا ذ جْنُوْن تݣّن-اَنغ اَرَّاي عْلَاحْسَاب يسم نّش."

يوحنا 14:12

أَقَا تسْڒَام ڒْحَقّ: ونِّي زَّايي يُوْمْنن، أَتَاف اَذ يݣّ ڒخْذَايم إِي خدّْمغ نِغ كْتَار مِينْزِي نش ݣُّوْرغ غَار بَابَا.

ڒخذايم 10:46

ڒَاحقَّاش سْڒِين-اَسن سَّاوَاڒن س لُّغَاث وَار يدْجِين بُو نْسن حمّْذن أَربِّـي. أُوْشَا ينَّا بُطْرُس:

ڒخذايم 16:18

ثݣَّا مَانَاينِّي اَطَّاس ن نْهُوْرَاث، بُوْلُس وَار ذَاس يعْجِيب بُو ڒْحَاڒ. ئِنقْڒب-د غَارس ينَّا-ٱس إِ جّنّ نِّي إِي ذَايس: "نش تَامَرغ-شك عْلَاحْسَاب يسم ن عِيْسَى لْمَسِيح اَزَّايس ثفّْغذ." ڒخْدّنِّي يفّغ جّنّ نِّي زَّايس ذݣ ومْشَان.

ڒخذايم 19:6

وَامِي خَاسن يسرْس بُوْلُس يفَاسّن نّس، ئِهْوَا-د خَاسن أَرُّوْح يقدّْسن. بْذَان سَّاوَاڒن س لُّغَاث وَار يدْجِين بُو نْسن، سَّاوَاڒن س مِينْزِي عڒْمن زِي أَربِّـي.

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

ڒخذايم 5:16

تَاسن-د اَطَّاس ن يِوْذَان زِي ڒدْشُوْرَاث إِي يُوْذْسن غَار لْقُدْس، تَاوِين-د يمهْرَاش نْسن ذ يِنِّي يتْعدَّابن جْنُوْن يعفَّانن نِثْنِي تْݣنْفَان مَارَّا.

ڒخذايم 8:7

جْنُوْن يعفَّانن فّْغن زݣ وَاطَّاس ن يِوْذَان سْنكَّرن ثْغُوْيّث س جّْهذ. أَطَّاس ن يزحَّافن ذ يِنِّي ؤُمِي مُّوْثن يضَارن ݣنْفَان.

1 أيث-كورينث 12:10

ئِجّن يمُّوْش-اَس اَذ يݣّ لْمُعْجِيزَاث. ئِجّن يمُّوْش-اَس اَذ يسِّيوڒ س مِين يعْڒم زِي أَربِّـي. ئِجّن مُّوْشنْت-اَس ثِزمَّار اَذ يميّز جَار ن اَرُّوْحَاث. ئِجّن يمُّوْش-اَس اَذ يسِّيوڒ س ڒبْعَاض ن لُّغَاث رُوْحِيَاث. ئِجّن يمُّوْش-اَس اَذ يسْتَرْجم لُّغَاث نِّي.

1 أيث-كورينث 12:28

ذِي جْمَاعث-أَ ن ڒْمُوْمِنِين يرتّب أَربِّـي ذ اَمزْوَارُو أَرُّسُل، وِيس ثْنَاين لْأَنْبِيَا، وِيس ثْڒَاثَا يمْسڒْمَاذن، منْبَعْد يِنِّي يسْخدَّامن لْمُعْجِيزَاث ذ يِنِّي غَار دْجَانْت لْقُدْرَاث بَاش اَذ سْݣنْفَان يوْذَان، ذ يِنِّي يتْعَاوَانن، ذ يِنِّي يتْكلَّافن س ڒْخذْمث، ذ يِنِّي يسَّاوَاڒن س ڒبْعَاض ن لُّغَاث رُوْحِيَاث.

1 أيث-كورينث 12:30

مَا مَارَّا إِذْسن غَارْسن لْقُدْرَاث اَذ سْݣنْفَان؟ مَا مَارَّا إِذْسن سَّاوَاڒن س لُّغَاث رُوْحِيَاث؟ مَا مَارَّا إِذْسن سْتَرْجَامن؟

1 أيث-كورينث 13:1

مَعْلِيك سَّاوَاڒغ س يِيڒسَاون ن يثَرَّاسن س لُّغَا، مَعْلِيك سَّاوَاڒغ س لُّغَا ن لْمَلَائِكَاث يعْنِي رُوْحِيَا، مَاشَا ڒمْحِبّث وَار ذَايِـي تِيڒِي شَا، إِڒِي تْسدَّاعغ اَم يِج ن دَرْبُوْݣَا، تمْقرْقَابغ اَم ڒقْرَاقب وَاهَا.

1 أيث-كورينث 14:2

شُوْف، ونِّي يسَّاوَاڒن س لُّغَا رُوْحِيَا، مَا يسَّاوَاڒ اَك يِوْذَان؟ لَّا، ئِسَّاوَاڒ اَك أَربِّـي. وَار ذِنِّي حَدّ إِي ذَاس يفهّْمن، ئِقَّار ثِمسْڒَايِين س أَرُّوْح يقدّْسن ذَايْسنْت ڒْمَعْنَاث ينُوْفَّرن.