مرقس 16:1 - ثريفيث 2020

¹ وَامِي يعْذُو نْهَار ن سّبْث ن لْعِبَادَا، مَرْيَم ثَمَݣْدَالِيث، ذ سَالُوْمِي، ذ مَرْيَم يمَّاس ن يَعْقُوب رُوْحنْت سْغِينْت لْعِطَر ؤُوِينْت-ث-يد اَذَاس ذهْننْت.

مرقس 16:1 ပူးပေါင်းရင်းမြစ်များ

مرقس 14:3

عِيْسَى اَقَاث ذݣ وبِيلَاج ن بَيْت عَنْيَا ذِي ثدَّارْث ن يِجّن قَّارن-اَس سِمْعَان بُو-جْذَام. وَامِي يقِّيم ذِنِّي يتتّ، ثقَارّب-د غَارس يجّن ن ثمْغَارْث غَارس يجّن ن ثْزيَّات ذَايس اَمَان ن لْوَرْذ يصْفَان، ئِغْڒَان س وَاطَّاس. ثرْزم-يت ثْفرّغ-اَس-ثن خ وزدْجِيف نّس.

مرقس 14:8

ثݣَّا مِين خَاس. ثْفرّغ-اَيِي اَمَان-أَ ن لْوَرْذ خ دَّات ينُو حمَا اَذَايِي ثْسوْجذ إِ ثنْضڒْث ينُو.

مرقس 15:40

ذِنِّي شَان ن ثمْغَارِين خزَّرنْت-يد زِي ڒݣّْوَاج، ذَايْسنْت مَرْيَم ثَمَݣْدَالِيث، ذ سَالُوْمِي، ذ مَرْيَم يمَّاس ن يَعْقُوْب اَمزْيَان ذ يُوْسِيس.

مرقس 15:42

نْهَار نِّي سوْجَاذن إِ نْهَار ن سّبْث ن لْعِبَادَا. وَامِي د ثُوْوض ثْمدِّيث،

مرقس 15:47

مَرْيَم ثَمَݣْدَالِيث ذ مَرْيَم يمَّاس ن يُوْسِيس خزَّرنْت مَانِي ينْضڒ.

مرقس 16:2

نْهَار اَمزْوَارُو ن سِّيمَانَا زِيش اَك ڒفْجَر رُوْحنْت غَار ونْضڒ نّس.

مرقس 16:8

ثِمْغَارِين نِّي ترْجِيجِينْت ذهّْشنْت، كَّرنْت رُوْحنْت ذغْيَا زݣ ونْضڒ نِّي اَروْڒنْت. وَار عَاوْذنْت مَانَاينِّي إِ حَدّ مِينْزِي نِثنْتِي ݣّْوْذنْت.

لوقا 23:54

نْهَار نِّي تُوْغَا ذ جّمْعَا، ئِسْرَائِيلِيْين سوْجَاذن إِ نْهَار ن سّبْث ن لْعِبَادَا إِي تُوْغَا عْڒَاين اَذ يبْذَا.

لوقا 23:56

ذوْڒنْت غَار ثدَّارْث سوْجَاذنْت لْعِيطَر ذ وَامَان ن لْوَرْذ. ذِي نْهَار ن لْعِبَادَا قِّيمنْت ريّْحنْت عْلَاحْسَاب ڒُوْصِيّث نِّي ن مُوْسَى.

لوقا 24:1

نْهَار اَمزْوَارُو ن سِّيمَانَا يعْنِي ذ ڒْحَد، ثِمْغَارِين نِّي رُوْحنْت غَار صْبَاح زِيش غَار يِيفْرِي ن ونْضڒ نِّي، ؤُوِينْت لْعِطَر إِي تُوْغَا سْوجْذنْت.

يوحنا 19:25

زَّاث إِ صَّلِيب ن عِيْسَى ثْبدّ يمَّاس ذ خَاتْشس ذ مَرْيَم ثَمْغَارْث ن كْرِيفَاس ذ مَرْيَم ثَمَݣْدَالِيث.

يوحنا 19:31

يوْقع مَانَاينِّي إِضنَّاظ ن ڒْعِيذ اَمقّْرَان. خ مَانَايَا يسْرَائِيلِيْين تَّارن-اَس إِ بِيلَاطُوْس اَذَاسن رْزن يضَارن إِ يِنِّي يتْوَاصلّْبن اَذ د سهْوَان دَّات نْسن زِي صَّلِيب. ݣِّين-اَسن اَمنِّي حمَا وَار تْغِيمِي دَّات نْسن خ صَّلِيب ذِي نْهَار ن سّبْث ن لْعِبَادَا مِينْزِي نْهَار ن سّبث نِّي ذ اَمقّْرَان اَطَّاس.