3 قِّيمن ذِنِّي اَرُّوْيَاس ن ڒْفُقَهَا تَهَامن-ث اَطَّاس.
وَامِي ث تَهَامن اَرُّوْيَاس ن ڒْفُقَهَا ذ يمقّْرَانن ن أَيث-إِسْرَائِيل، وَار خَاسن يَارِّي شَا.
ئِسّقْسَا-ث بِيلَاطُس ينَّا-ٱس: "مَا ذ شك ذ اَزدْجِيذ ن أَيث-إِسْرَائِيل؟" ينَّا-ٱس عِيْسَى: "أَقَا ثنِّيذ-ت شك."
ينَّا-ٱس بِيلَاطُس إِ عِيْسَى: "مَا وَار ثْقَّارذ وَالُو؟ قَا خْزَر مشْحَاڒ خَاك تْشثْشَان!"
ئِقِّيم بِيلَاطُس يتْعجّب وَامِي وَار خَاسن يَارِّي بُو وَاوَاڒ عِيْسَى.
سّنِّي يرزُّو بِيلَاطُوْس اَذَاس يضْڒق. وَلَكِن يسْرَائِيلِيْين تْعيَّاضن س جّْهذ قَّارن: "مڒَا ثْضڒْقذ إِ ورْيَاز-أَ اَتَاف وَار ثدْجِيذ شَا ذ اَمدُّوْكڒ ن قَيْصَر. مَارَّا ونِّي يتَارَّان يخف نّس ذ اَزدْجِيذ نتَّا ضد إِ قَيْصَر."
