مرقس 14:6 - ثريفيث 2020

⁶ ينَّا-ٱسن عِيْسَى: "اجّم-ت! مَايمِّي ت ثسْخيَّاقم؟ أَقَا مِين ذَايِي ثݣَّا ذ اَصبْحَان اَطَّاس.

مرقس 14:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:10

ئِسّن عِيْسَى مِينْخف سِّيوْڒن جَارَاسن ينَّا-ٱسن: "مَايمِّي ثسْخيَّاقم ثَمْغَارْث-أَ؟ أَقَا مِين ذَايِي ثݣَّا ذ اَصبْحَان اَطَّاس.

مرقس 14:5

أَتَاف اَمَان نِّي يڒِي منْزن س يِجّن ن تَّمَان ذ اَمقّْرَان كْتَار زِي ثڒْتمِيَّا ن ثْپيَّاسِين ن نُّقَارْث اَذ مُّوْشنْت إِ يمسْعَان!" قِّيمن نِثْنِي نهَّان-ت اَطَّاس.

مرقس 14:7

ئِمسْعَان اَقَاثن اَكِذْوم ڒبْدَا. مڒْمِي مَا ثخْسم ثْزمَّرم اَذَايْسن ثݣّم ڒْخِير، نش وَار كِذْوم تْغِيمِيغ شَا إِ ڒبْدَا.

ڒخذايم 9:36

ذِي ثنْدِينْت ن يَافَا ذِنِّي يجّن ن ثْمحْضَارْث قَّارن-اَس طَابِيتَا (ڒْمَعْنَا ن يِيسم-أَ، <ثِيغِيت ن وزْغَار>). تݣّ ڒْخِير اَطَّاس تْعَاوَان يمسْعَان.

22 أيث-كورينث 10:18

لِأَنَّا مَاشِي ونِّي يتْقدَّامن يخف نّس إِي غَا يتْوَاقبّْڒن؛ لَّا، ونِّي إِي غَا يتْوَاقبّْڒن ذ سِيذِي أَربِّـي إِي ث غَا يقدّْمن.

22 أيث-كورينث 9:8

أَربِّـي نتَّا يزمَّر اَكنِّيو يسْفيّض س لْبَرَاكَا بَاش اَتَاف ڒبْدَا اَغَارْوم يِيڒِي مِين تحْذَاجَام مَارَّا ثُمَّا اَذ تَرْنِيم اَطَّاس ذِي مَارَّا ڒْخذْمث ثَصبْحَانْت.

أيث-ؤفسوس 2:10

لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

1 تيموتاوس 5:10

لَابُد اَذ تِيڒِي مَعْرُوْفَا س لْحَسَانَاث نّس يعْنِي مڒَا ثربَّا ثَارْوَا نّس، تْرحَّاب س ينوْجِيون، ثْسِيڒِيذ يضَارن ن صَّالِحِين، تْعَاوَان يِنِّي يتْزيَّارن، ثْذفَّار مَارَّا ثِمسْڒَايِين ثِصبْحَانِين.

1 تيموتاوس 6:18

تْوصَّا-ثن اَذ ݣّن ڒْخِير اَذ يڒِين ذ تْوَاجَر عْلَاحْسَاب لْحَسَانَاث اَذ يڒِين صَاخِيِين اَذ يڒِين وجْذن بَاش اَذ صدّْقن اَذ ذبَّرن.

2 تيموتاوس 2:21

ونِّي يسِّيصْفَان يخف نّس زِي مَارَّا ثِمسْڒَايِين نِّي ثِعفَّانِين اَتَاف اَذ يِيڒِي اَم ڒقْشُوْع نِّي إِي تْوَاسْتعْمَالن إِ مِين يدْجَان ذ شَّان، نتَّا اَذ يِيڒِي يصْفَا اَذ يِيڒِي ينفّع إِ بَاب نّس، أَذ يِيڒِي يوْجذ إِ كُڒ ڒْخذْمث ثَصبْحَانْت.

2 تيموتاوس 3:17

حمَا اَرْيَاز ن أَربِّـي اَذ يِيڒِي يوْجذ اَذ يَاف يذبَّر-اَس س قَاع ثِمسْڒَايِين عْلَاحْسَاب كُڒ ڒْخذْمث ذ ثَصبْحَانْت.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

ثبرات غار تيتوس 2:7

ذِي مَارَّا ثِمسْڒَايِين اَغَارْسن ثِيڒِيذ شك ذ لْمِثَال س لْحَسَانَاث إِي تݣّذ. تَّعْلِيم نّش سخْذم-يث س صَّرَاحَا ذ لْمَعْقُوْل

ثبرات غار تيتوس 3:14

ئِوْذَان نّغ يتْخصَّا وَار تْعِيشن شَا بْڒَا نّْفَع، ئِتْخصَّا اَذ طوّْعن يخف نْسن س لْحَسَانَاث حمَا اَذ دبَّرن إِ يِيْنَا يتحْذَاجَان.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

يعيبرانيين 10:24

نشِّين أَ نْخمّم مْلِيح مَامّش إِي غَا نݣّ أَ نْوصَّا اَيَاوْيَا خ ڒمْحِبّث ذ لْحَسَنَاث.

يعيبرانيين 13:21

أَذَاوم يذبَّر أَربِّـي مَارَّا ثِمسْڒَايِين ثِصبْحَانِين بَاش اَذ تݣّم ڒْخَاضَر نّس. أَذَايْنغ يخْذم مِين ذَاس يتعْجِيبن زَّاثس، س سِيذِيثْنغ عِيْسَى لْمَسِيح إِي غَار غَا ثِيڒِي لْعَظَمَا إِ ڒبْدَا ن ڒبْدَاث. آمِين.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.