مرقس 14:41 - ثريفيث 2020

⁴¹ ئِذْوڒ-د غَارْسن وِيس ثڒْت-مَرَّاث ينَّا-ٱسن: "عَاذ ثطّْصم، عَاذ ثْريّْحم؟ صَافِي، بَرَكَا! أَقَا ثُوْوض-د ڒْوقْث نِّي إِي ذِي غَا يتْوَاسلّم مِّيس ن بْنَاذم غَار يفَاسّن ن يِنِّي يعصَّان.

مرقس 14:41 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:2

"ثسّْنم بلِّي ڒْعِيذ اَمقّْرَان ن أَيث-إِسْرَائِيل يقِّيم-اَس يُوْمَاين. ذَايس إِي غَا يتْوَاسلّم مِّيس ن بْنَاذم اَذ يتْوَاصلّب."

مرقس 14:10

أُوْشَا يكَّر يَهُوْذَا إِسْخَريُوْطِي ونِّي زِي ثنْعَاش ن اَرُّسُل يرُوْح نتَّا غَار أَرُّوْيَاس ن ڒْفُقَهَا حمَا اَذَاسن يزّنْز عِيْسَى.

مرقس 14:18

قِّيمن تتّن ينَّا-ٱسن عِيْسَى: "أَقَا تسْڒَام ڒْحَقّ: ئِجّن زَّايْوم يتتّ اَكِذِي اَذَايِي يزّنْز."

مرقس 14:35

ئِبعّذ خَاسن شْوَايْت، ئِسجّذغَار ثْمُوْرْث يبْذَا يتتَّار إِ أَربِّـي يرزُّو اَخَاس تْوَاكّس ثْسَعَّات نِّي.

مرقس 14:40

ئِذْوڒ-د عَاوذ غَارْسن يُوْفِي-ثن طّْصن ڒَاحقَّاش يغلّب خَاسن يِضص. نِثْنِي عَاوذ وَار ؤُفِين مِين ذَاس غَا ينِين.

مرقس 14:42

كَّرم أَ نُوْيُوْرم، قَا ونِّي إِي ذَايِي غَا يزّنْزن اَقَاث يُوْسَا-د."

مرقس 7:9

ينَّا-ٱسن عَاوذ: "إِيوَا! تْبطَّاڒم ڒُوْصِيّث ن أَربِّـي حمَا اَذ قِّيمنْت لْعَادَاث نْوم!

مرقس 9:31

مِينْزِي يرزُّو اَذ يسڒْمَاذ إِ يمحْضَارن نّس. ينَّا-ٱسن: "مِّيس ن بْنَاذم اَذ يتْوَاسلّم غَار يفَاسّن ن يِوْذَان. أَث نْغن، نْهَار وِيس ثڒْتِيَّام منْبَعْد إِ ڒْموْث نّس اَذ د يكَّر."

يوحنا 12:23

ئِنْدق-د عِيْسَى ينَّا-ٱسن: "ثُوْسَا-د ڒْوقْث اَذ يتْوَارْفع مِّيس ن بْنَاذم.

يوحنا 12:27

ڒخُّو ڒَعْمَر ينُو يخيّق. مَا ٱذ ينِيغ: آ بَابَا سنْجم-اَيِي زِي ڒْوقْث-أَ؟ لَّا، خ سَّبَاب ن ڒْوقْث-أَ مِينْخف إِي د ؤُسِيغ.

يوحنا 17:1

وَامِي يسِّيوڒ عِيْسَى خ مَانَايَا، ئِيْسِي ثِيطَّاوِين نّس غَار وجنَّا ينَّا: "آ بَابَا، ثُوْوض-د ڒْوقْث. سمْغَار مِّيش حمَا اَش يسمْغَار.

يوحنا 7:30

ڒخْدّنِّي رزُّوْن اَث طّْفن، وَلَكِن وَار خَاس يسرْس فُوْس حَدّ زَّايْسن مِينْزِي ڒْوقْث نّس عَاذ وَار د تُوْوِيض.

يوحنا 8:20

ينَّا اَوَاڒ-أَ ذِي ثمْزِيذَا ثَمقّْرَانْت نْسن مَانِي جمّْعن صَّدَقَا، ئِسڒْمَاذ ذِنِّي. وَار ث يطِّيف ؤُڒَا ذ يجّن مِينْزِي ڒْوقْث نّس عَاذ وَار د تُوْوِيض.

ڒخذايم 7:52

مَا ينْجم شَان ن نَّبِي وَار ث عدّْبن شَا ڒجْذُوْذ نْوم؟ نِثْنِي نْغِين ؤُڒَا ذ لْأَنْبِيَا نِّي ن زْمَان إِي ينَّان قَا ٱذ د يَاس ونِّي يدْجَان صَّالِح، يعْنِي ونِّي ڒخُّو ثْخذْعم كنِّيو ثنْغِيم-ث.