مرقس 14:22 - ثريفيث 2020

²² وَامِي عَاذ تتّن، ئِيْسِي-د اَغْرُوْم يشكَّر أَربِّـي يرْزَا اَغْرُوْم نِّي يُوْشَا-ٱسن-ث إِ يمحْضَارن نّس ينَّا-ٱسن: "يْسِيم-ث، ذ وَا إِݣ يدْجَان ذ دَّات ينُو."

مرقس 14:22 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 14:19

يُوْمَر ڒْغَاشِي نِّي اَذ قِّيمن خ اَرْبِيع. يطّف خمْسَا ن ثْخبَّازِين نِّي ذ ثْنَاين ن يسڒْمَان نِّي، ييْسِي ثِيطَّاوِين نّس غَار وجنَّا يشكَّر أَربِّـي. يرْزَا ثِخبَّازِين نِّي خ ثْنَاين يُوْشَا-ٱسن-ثنْت إِ يمحْضَارن نّس، ڒخْدّنِّي فرْقن-ثنْت خ يِوْذَان نِّي مَارَّا.

مرقس 10:16

ئِذرّع-اَسن عِيْسَى يݣَّا خَاسن يفَاسّن نّس يبَرك-يثن.

مرقس 14:21

ينَّا-ٱسن: "مِّيس ن بْنَاذم اَذَاس يوْقع عْلَاحْسَاب مَامش خَاس يقَّار لْكِتَاب، وَلَكِن يَا ڒفْضِيحث ن بْنَاذم نِّي إِي ث غَا يزّنْزن! حْسن إِ نتَّا مْڒِي وَار د يخْڒِيق شَا."

مرقس 14:23

ئِيْسِي-د ڒْكَاس يشكَّر أَربِّـي يُوْشَا-اَسن-ث، سْوِين زَّايس مَارَّا إِذْسن.

مرقس 14:24

ينَّا-ٱسن: "ڒْكَاس-أَ ذَايس يذَامّن ن ڒْعَهذ، يعْنِي ذ يذَامّن ينُو إِي غَا يَازّْڒن عْلَاحْسَاب اَطَّاس ن يِوْذَان.

مرقس 6:41

ئِيْسِي خمْسَا نِّي ن ثْخبَّازِين ذ ثْنَاين نِّي ن يسڒْمَان ييْسِي ثِيطَّاوِين نّس غَار وجنَّا أُوشَا يشكَّر أَربِّـي. يرْزَا اَغْرُوْم نِّي يُوْشَا-اَسن-ث إِ يمحْضَارن نّس اَك ثْنَاين ن يسڒْمَان نِّي حمَا اَثن فرْقن خ يِوْذَان نِّي مَارَّا.

لوقا 22:17

ئِيْسِي-د عِيْسَى ڒْكَاس يشكَّر أَربِّـي ينَّا-ٱسن: "إِيْسِيم ڒْكَاس-أَ، فرْقم-ث جَارَاوم.

لوقا 24:30

وَامِي اَكِذْسن يقِّيم اَذ يشّ، ئِكَّر ييْسِي اَغْرُوْم يشكَّر أَربِّـي يرْزِي-ث يبْذَا يفَرّق-اَسن-ث.

يوحنا 6:23

سّنِّي ؤُسِينْت-يد ثْغَرُّوْبَا نّغْنِي زِي ثنْدِينْت ن طَبَرْيَا غَار ومْشَان نِّي مَانِي شِّين اَغْرُوْم نِّي مَانِي يشكَّر عِيْسَى أَربِّـي.

1 أيث-كورينث 10:4

مَارَّا نِثْنِي سْوِين زݣ يِجّن ن ثْسسِّي رُوْحِيَا. لِأَنَّا نِثْنِي سْوِين زݣ وغْبَاڒ نِّي ن وزْرُو رُوْحِيَا إِي ثن يذفَّارن، أَغْبَاڒ نِّي ن وزْرُو تُوْغَاث نتَّا ذ لْمَسِيح.

أيث-ݣلاطيا 4:25

إِيوَا هَاجَر نتَّاث اَمشْنَاو اَذْرَار ن سِينَا إِي د يتَاسن ذِي ثْمُوْرْث ن وَاعْرَابن. نتَّاث ثتْوَاحْسَاب ذ ثَنْدِينْت ن لْقُدْس ذِي ڒْوقْث-أَ لِأَنَّا نتَّاث ذ ثَارْوَا نّس إِݣ يدْجَان ذ يسمْغَان.