مرقس 13:34 - ثريفيث 2020

³⁴ نْهَار نِّي اَذ يِيڒِي اَم يِجّن ن سِّيّد يرزُّو اَذ يسَفر. ئِفّغ زِي ثدَّارْث نّس، ئِخدَّامن نّس يكلّف-يثن خ وَاݣْڒَا نّس كُڒ يجّن خ ڒْخذْمث نّس. ئِوصَّا اَعسَّاس ن ثوَّارْث اَذ يقِّيم يفَاق.

مرقس 13:34 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:19

أَذَاش ؤُشغ ڒمْفَاتَح ن ڒْمُلْك وجنَّا. مِين غَا ثْشدّذ ذِي ثْمُوْرْث اَذ يِيڒِي يتْوَاشدّ ذݣ وجنَّا. مِين غَا ثرْزْمذ ذِي ثْمُوْرْث اَذ يِيڒِي يتْوَارْزم ذݣ وجنَّا."

يوحنا 10:3

أَعسَّاس ن ڒْكُوْرِي اَذَاس يرْزم ثَوَّارْث إِ ونِّي إِي يَروّْسن، ئِحُوْڒِيْين نّس تسْڒَان إِ صُّوْت نّس. ئِتْڒَاغَا خ يحُوْڒِيْين نّس س يِيسمَاون نْسن، أَثن يسُوْفغ.

أيث-روما 13:6

عَاوذ ذ وَانِيتَا ذ سَّبَاب إِي خف تْخدْجَاسم ضَّرِيبَا لِأَنَّا يِنِّي يحكّْمن نِثْنِي ذ يخدَّامن ن أَربِّـي، خدّْمن ذِي مَانَايَا.

1 أيث-كورينث 15:58

س مَانَايَا آي أَيثْمَا يمْعِيزّن ينُو، بدّث نِيشَان مَاشِي اَكنِّيو سنْهزّن. ݣّث لْمجْهُوْد نْوم ڒبْدَا ذِي ڒْخذْمث ن سِيذِيثْنغ، قَا ثسّْنم بلِّي ڒْخذْمث نْوم ذِي سِيذِيثْنغ مَاشِي ذ ڒْبَاطڒ.

أيث-كولوس 3:24

كنِّيو ثسّْنم لْجَائِزَا نْوم اَذ تِيڒِي ذ يجّن ن لْوَارث زِي سِيذِيثْنغ. نتَّا ؤُمِي ثْخدّْمم نتَّا ذ سِيذِيثْنغ لْمَسِيح.

أيث-كولوس 4:1

آي أَيثْبَاب ن يسمْغَان، ذبَّرم خَاسن خ يسمْغَان نْوم س مِين يدْجَان نِيشَان ذ ڒْحَقّ نْسن اَقَا كنِّيو ثسّْنم إِلَّا غَارْوم بَاب نْوم ذݣ وجنَّا.

لواحي ن يوحنا 3:7

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن فِيلَادَلْفْيَا، إِنِي-يَاس قَا ونِّي يمْقدّْسن ذ ڒْحَقّ، غَارس ڒْمفْتَاح ن دَاود؛ مڒَا يرْزم اَتَاف وَار ث يتْبلِّيع حَدّ؛ مڒَا يبلّع اَتَاف وَار ث يرزّم حَدّ، ئِقَّار-اَش: