مرقس 13:11 - ثريفيث 2020

¹¹ خْمِي كنِّيو غَا اَوِين حمَا اَكنِّيو سلّْمن غَار شّْرَع، بْڒَا مَا ٱذ تيْسِيم اَمْنُوْس ذ اَمزْوَارُو ذِي ڒَعْقُوْڒَاث نْوم مين غَا ثِينِيم؛ لَّا، أَوَاڒن نِّي إِي غَا ثِينِيم ذ أَربِّـي إِي ذَاوم ثن غَا يُوْشن ذِي ثْسَعَّات نِّي. وَار يدْجِي بُو ذ كنِّيو إي غَا يسِّيوْڒن؛ لَّا، أَذ يسِّيوڒ أَرُّوْح يقدّْسن.

مرقس 13:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:17

حْضَام يخف نْوم زݣ يِوْذَان. أَكنِّيو سلّْمن إِ لْمَحْكَامَاث؛ أَكنِّيو ؤُوْثن ذِي ثمْزِيذَاوِين نْسن.

مرقس 13:12

ؤُمَاس اَذ يسلّم ؤُمَاس إِ ڒْموْث. بَابَاس اَذ يسلّم مِّيس. ثَارْوَا اَذ رَاحن ضد إ لْوَلِدِين نْسن، أَثن سلّْمن إِ يِنِّي إِي ثن غَا نْغن.

مرقس 13:9

حْضَام يخف نْوم! أَكنِّيو سلّْمن إِ لْمَحْكَمَاث، أَكنِّيو ؤُوْثن ذِي ثمْزِيذَاوِين نْسن. أَذ تْبدّم زَّاث إِ لْحُكَّام ذ يزدْجِيذن عْلَاحْسَاب يسم ينُو حمَا اَخَافِي ثْشهْذم.

لوقا 21:12

قْبڒ إِ مَارَّا مَانَايَا اَكنِّيو طّْفن، أَكنِّيو عدّْبن، أَكنِّيو سلّْمن إِ ثمْزِيذَاوِين نْسن. أَكنِّيو حبْسن، أَكنِّيو جَرّن غَار يزدْجِيذن ذ لْحُكَّام عْلَاحْسَاب يسم ينُو.

يوحنا 3:27

ينَّا-ٱسن يَحْيَى: "وَار يزمَّر بْنَاذم اَغَارس ثِيڒِي شَان ثْمسْڒَايْث مڒَا وَار ذَاس د تُوْسِي شَا زِي أَربِّـي.

ڒخذايم 2:4

شُّوْرن س أَرُّوْح يقدّْسن مَارَّا إِذْسن، بْذَان سَّاوَاڒن س لُّغَاث وَار يدْجِين بو نْسن اَمشْنَاو مَامّش ذَاسن يُوْشَا أَرُّوْح اَذ سِّيوْڒن.

ڒخذايم 3:13

لَّا، ذ أَربِّـي ن ڒجْذُوْذ نّغ يعْنِي أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يعْقُوْب. لِأَنَّا ذ نتَّا إِي د يسْبيّْنن لْعَظَمَا نّس ذݣ وخدَّام نّس عِيْسَى. وَلَكِن ذ كنِّيو إي ث يسلّْمن إ لْحُكَّام ثنْكَرم-ث زَّاث إِ بِيلَاطُوْس وَامِي تُوْغَا يرزُّو اَذَاس يضْڒق.

ڒخذايم 4:31

وَامِي كمّْڒن ثْࢲَادْجِيث نِّي ينْهزّ ومْشَان نِّي مَانِي مُوْنن، شُّوْرن نِثْنِي مَارَّا س أَرُّوْح يقدّْسن سَّاوَاڒن س وَاوَاڒ ن أَربِّـي س يِجّن ن زْعَامث.

ڒخذايم 6:10

وَلَكِن وَار زمَّرن اَذ قَاوّْمن ڒفْهَامث ذ أَرُّوْح إِي زِي يسَّاوَاڒ.

ڒخذايم 6:15

خزَّرن ذَايس ذِي سْتِيفَان مَارَّا يِنِّي إِي ذِنِّي يدْجَان ذِي جْمَاعث ن لْحُكَّام ن أَيث-إِسْرَائِيل، ؤُفِين اَغمْبُوْب نّس اَم وغمْبُوْب ن لْمَلَائِكَا.

ڒخذايم 7:55

سْتِيفَان يشُّوْر س أَرُّوْح يقدّْسن، يخْزَر غَار وجنَّا يࢲْرَا لْعَظَمَا ن أَربِّـي يُوْفَا عِيْسَى يبدّ خ وفُوْسِي ن أَربِّـي.

1 أيث-كورينث 2:13

نسَّاوَاض مَانَايَا س وَاوَاڒن إِي وَار ثن ثْسڒْمِيذ شَا ڒفْهَامث ن بْنَاذم؛ لَّا، نسَّاوَاض-يث س وَاوَاڒن إِݣ يسڒْمَاذ اَرُّوْح ن أَربِّـي. أَوَاڒن-أَ تْشَرَّاحن لْحَقِيقَاث رُوْحِيَاث إِ يِنِّي ؤُمِي غَار يدْجَا اَرُّوْح ن أَربِّـي.

أيث-ؤفسوس 3:5

ڒْمَعْنَا-يَا وَار ثِيذ يسْمظْهَار شَا أَربِّـي إِ ثَارْوَا ن آدَم ذِي زْمَانَاث إِي يعْذُوْن اَم مَامّش ثِيذ يسْمظْهَار ڒخُّو س أَرُّوْح يقدّْسن إِ اَرُّسُل صَّالِحِين اَك لْأَنْبِيَا.

ثبرات غار يعقوب 1:5

مڒَا شَان يِجّن زَّايْوم يتْخصَّا-يَاس ڒفْهَامث، أَذَاس ت يتَّار إِ أَربِّـي نتَّا اَذَاس ت يُوْش. مِينْزِي نتَّا يفَاسّن نّس رزّْمن وَار يتْحݣَّر حَدّ.

1 بطرس 1:12

ئِسْمظْهَار-اَسن-د إِ لْأَنْبِيَا بلِّي مَانَايَا وَار ث خدّْمن شَا إِ يِيخف نْسن، خدّْمن-ث إِ كنِّيو وَامِي سَّاوَاڒن س ثْمسْڒَايِين-أَ. أُو ڒخُّو نَّان-اَوم ثِمسْڒَايِين-أَ يِنِّي إِ كنِّيو يتْبشَّارن س لْإِنْجِيل س جّْهذ ن أَرُّوْح يقدّْسن إِي ذَاوم د يتْوَاسّكّن زݣ وجنَّا. وَاخَّا ذ لْمَلَائِكَاث ذَايْسنْت مزْڒِي اَذ خْزَرنْت ذِي ثْمسْڒَايِين-أَ.