مرقس 12:6 - ثريفيث 2020

⁶ ئِقِّيم-اَس ممِّيس يعِيزّن وَاحْذس. غَار ونݣَّارُو يسّكّ-يث غَارْسن ينَّا: أَقَا اَذ ݣّْوْذن ممِّي.

مرقس 12:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 1:23

<أَقَا ثَعْزْرِيث اَذ تيْسِي اَعدِّيس، أَذ تجّ يجّن ن وحنْجِير اَذَاس سمَّان إِمَّانْوِيل.> (ڒْمَعْنَا نّس: أَربِّـي اَقَاث اَكِذْنغ.)

أَسڒْمذ ن سِيذِيثْنغ عِيْسَى لْكِتَاب ن مَتَّى 11:27

ئِمُّوْش-ٱيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 17:5

عَاذ يسَّاوَاڒ بُطْرُس يهْوَا-د خَاسن يِجّن ن وسيْنُو يتْسقْسِيق. ثنْدق-د يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي يعِيزّن، نش فَرْحغ زَّايس. صنّْطث غَارس."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:63

ئِقِّيم عِيْسَى يسْقَر وَار ذَاس يِينِّي وَالُو. أُوْشَا ينَّا-ٱس اَرَّايس نِّي: "تتَّارغ زَّايش اَذَانغ ثجَّادْجذ س أَربِّـي يدَّرن حمَا اَذَانغ ثِينِيذ: مَا شك ذ لْمَسِيح، ذ مِّيس ن أَربِّـي؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 3:17

سّنِّي يڒَاغَا-د يجّن ن صُّوْت زݣ وجنَّا ينَّا-د: "وَا ذ ممِّي يعِيزّن، نش فَرّْحغ زَّايس."

مرقس 1:11

ذ يجّن ن ثْمِيجَّا زݣ وجنَّا ثقَّار: "شك ذ ممِّي يعِيزّن، نش فَرّْحغ زَّايَك."

مرقس 12:5

ئِسّكّ-اَسن يجّن نّغْنِي، نْغِين-ث. ئِسّكّ-اَسن ينّغْنِي اَطَّاس، ئِجّن ؤُوْثِين-ث يجّن نْغِين-ث.

مرقس 12:7

ئِخمَّاسن نِّي مِين ݣِّين؟ كَّرن نَّان إِ وَايَاوْيَا: أَقَا ونِّي إِي غَا يوَرْثن! أَث نْنغ بَاش اَذَاس نَاوِي اَمَرْجع-أَ ن وضِير!

مرقس 9:7

يُوْسَا-د يجّن ن وسيْنُو يهْوَا-د خَاسن. ثنْدق-د زَّايس يجّن ن ثْمِيجَّا ثنَّا-ٱسن: "قَا ذ وَانِيتَا ذ مِّي يعِيزّن، صنّْطث غَارس."

لوقا 3:22

يهْوَا-د أَرُّوْح يقدّْسن ذِي صِّفث ن ثذْبِيرْث يَرْسَا-د خ عِيْسَى. ذ يجّن ن ثْمِيجَّا زݣ وجنَّا ثقَّار-اَس قَا شك ذ ممِّي يعِيزّن، نش فَرّْحغ زَّايك.

لوقا 9:35

ثنْدق-د زَّايس يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي إِي يخْضَرغ، صنّْطث غَارس."

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 1:18

ؤُڒَا ذ يجّن وَار يࢲْرِي أَربِّـي عَمَّارْص. مِّيس وَاحْذس إِݣ يدْجَان ذݣ وُوْڒ ن بَابَاس ذ نتَّا إِي ذَانغ د يسْمظْهَارن سِيذِي أَربِّـي.

يوحنا 1:34

نش ࢲْرِيغ مَانَايَا س يِيخف ينُو، شهّْذغ خَاس بلِّي نتَّا ذ مِّيس ن أَربِّـي."

يوحنا 1:49

ينَّا-ٱس نَاثْنَاهِيل إِ عِيْسَى: "آ لْمُعَلِّم، قَا شك ذ مِّيس ن أَربِّـي، شك ذ اَزدْجِيذ ن أَيث-إِسْرَائِيل."

يوحنا 3:35

بَابَاس يعِيزّ خَاس مِّيس، يݣّا-ٱس كُڒْشِي ذݣ وفُوْس نّس.

يوحنا 5:23

حمَا مَارَّا اَذ كَرْمن مِّيس اَمش تْكَرَّامن بَابَاس. ونِّي وَار يتْكَرِّيمن شَا مِّيس وَار يتْكَرِّيم شَا ؤُڒَا ذ بَابَاس إِي ثِيذ يسّكّن.

يعيبرانيين 1:6

أُو عَاوذ أَربِّـي وَامِي د يتَاوِي مِّيس اَمنْزُو غَار دُّنشْت-أَ يقَّار: أَذَاس سجّْذنْت مَارَّا لْمَلَائِكَاث.

1 يوحنا 4:9

أَمُّو إِي د ثْمظْهَار ڒمْحِبّث ن أَربِّـي جَارَانغ وَامِي د يسّكّ مِّيس اَوحْذَانِي غَار دُّنشْت-أَ حمَا اَزَّايس ندَّر.

3 يوحنا 1:1

نش ذ اَمْغَار، تَارِيغ ثَبْرَات-أَ إِ غَايُوْس ونِّي إِي خَافِي يعِيزّن ذِي لْحَقِيقَا.