مرقس 12:36 - ثريفيث 2020

³⁶ ينَّا-ٱسن: "قَا دَاود ينَّا نتَّا س يِيخف نّس س أَرُّوْح يقدّْسن: <سِيذِي أَربِّـي ينَّا-ٱس إِ سِيذِي: قِّيم-د خ وفُوْسِي ينُو، أَڒ د غَا ݣّغ ڒْعَذْيَان نّش سْوَادَّاي إِ يضَارن نّش.>

مرقس 12:36 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:35

ؤُڒَا س ثْمُوْرْث ڒَاحقَّاش خَاس يتْمَارْسن يضَارن نّس؛ وَاخَّا س ثنْدِينْت ن لْقُدْس ڒَاحقَّاش نتَّاث ذ ثَنْدِينْت ن وزدْجِيذ اَمقّْرَان.

ڒخذايم 1:16

"آي اَيثْمَا، تُوْغَا يتْخصَّا اَذ يكمّڒ وَاوَاڒ ن أَرُّوْح يقدّْسن إِي د يُوْسِين خ يِيڒس ن نَّبِي دَاود ذݣ يِجّن ن زْمَان وَامِي يسِّيوڒ خ يَهُوْذَا يعْنِي ونِّي يزنْزن عِيْسَى يسْبيّن-اَسن اَبْرِيذ يُوْوِي يِنِّي إِي ث يطّْفن.

ڒخذايم 28:25

نِثْنِي وَار مسْفْهِيمن شَا اَك وَايَاوْيَا. قْبڒ مَا ٱذ فّْغن سّنِّي، ينَّا-ٱسن بُوْلُس اَوَاڒ-أَ ذ اَنݣَّارُو: "أَرُّوْح يقدّْسن ينَّا ڒْحَقّْ إِ ڒجْذُوْذ نْوم س يِيڒس ن نَّبِي إِشَعْيَا، ينَّا:

1 أيث-كورينث 15:25

أَقَا يتْخصَّا اَذ يحْكم لْمَسِيح اَڒ غَا يݣّ أَربِّـي مَارَّا ڒْعَذْيَان نّس سْوَادَّاي ن سُّلْطَا ن يضَارن نّس.

2 تيموتاوس 3:16

أَقَا مَارَّا ثِيْرَا مُقدّْسِين ؤُسِينْت-يد زِي أَرُّوْح ن أَربِّـي، نفّْعنْت حمَا اَزَّايْسنْت نْسڒْمذ اَزَّايْسنْت ننْهَا اَزَّايْسنْت نْصحّح اَزَّايْسنْت نْربَّا عْلَاحْسَاب صُّلْح.

يعيبرانيين 1:13

إِيوَا عمَّارْص أَربِّـي وَار ينِّي إِ شَان ن لْمَلَاك زِي لْمَلَائِكَاث: <قِّيم-د خ وفُوْسِي ينُو اَڒ د غَا ݣَّغ ڒْعَذْيَان نّش سْوَادَّاي يضَارن نّش.>

يعيبرانيين 4:7

س مَانَايَا تُوْغَا يسجّل أَربِّـي يجّن ن ڒْوقْث نّغْنِي بَاش أَ نَاذف ذِي اَرَّاحث نّس، ڒْوقْث نِّي يسمَّا-يَاس أَربِّـي <نْهَارَا.> منْبَعْد إِ وَاطَّاس ن لْقُرُوْن إِݣ يسِّيوڒ أَربِّـي س نَّبِي دَاود وَامِي ينَّا مَامش ننَّا قْبڒ: <نْهَارَا مڒَا ثسْڒِيم إِ صُّوْت ن أَربِّـي، وَار سقْسِيحث شَا ؤُڒَاون نْوم.>

1 بطرس 1:11

تُوْغَا رزُّوْن خَاس بَاش اَذ سّْنن مڒْمِي د غَا يمظْهَار وسنْجم-أَ ذ ظُّرُوْف نّس. رزُّوْن اَذ سّْنن مِينْخف يسَّاوَاڒ أَرُّوْح ن لْمَسِيح إِي يدْجَان ذَايْسن وَامِي أَرُّوْح-أَ يعْڒم-اَسن زِي قْبڒ مشْحَاڒ إِي غَا يتْوَاعدّب لْمَسِيح، سّنِّي مشْحَاڒ إِي غَا يتْوَاسمْغَار منْبَعْد.

2 بطرس 1:21

لِأَنَّا اَوَاڒن ن لْأَنْبِيَا تُوْغَا عمَّارْص وَار تفِّيغن شَا زِي لْأَفْكَار نْسن؛ لَّا، نِثْنِي سَّاوَاڒن زِي مِين ذَاسن د يتَاسن زِي أَربِّـي مَامش إِي خَاسن د يهوَّا أَرُّوْح يقدّْسن.