مرقس 12:16 - ثريفيث 2020

¹⁶ ؤُشِين-اَس-ث-يذ. ينَّا-ٱسن: "وِي يِڒَان تصْوِيرْث-أَ ذ يِيسم-أَ إِي ذَايس؟" نَّان-اَس: "ن قَيْصَر."

مرقس 12:16 ပူးပေါင်းရင်းမြစ်များ

مرقس 12:15

ئِسّن عِيْسَى يخَرْوِيضن نِّي إِي ذَايْسن ينَّا-ٱسن: "مَايمِّي ذَايِي ثْسوْجَاذم ثَخْشبْث؟ أَوِيم-اَيِي-د دِينَار نِّي ن ضَّرِيبَا حمَا اَث ࢲرغ."

مرقس 12:17

ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر. مِين يدْجَان ن أَربِّـي ؤُشم-اَس-ث إِ أَربِّـي." أُوْشَا قِّيمن تْعجّْبن ذَايس.

2 تيموتاوس 2:19

وَلَكِن دْسَاس يجهْذن ن أَربِّـي وَار يتنْهزِّي شَا، خَاس إِي نقْشنْت ثِيْرَا-يَا قَّارنْت قَا سِيذِي أَربِّـي قَا يسّن يوْذَان يدْجَان نّس. قَّارنْت عَاوذ قَا مَارَّا يِنِّي يشهّْذن س يِيسم ن سِيذِيثْنغ يتْخصَّا أُو لَابُد اَذ بعّْذن خ شَّرّْ.

لواحي ن يوحنا 3:12

قَا ونِّي غَا يربْحن اَث سْبدّغ اَم يِجّن ن وپِــيلَار ذِي ثمْزِيذَا ثَمقّْرَانْت ن أَربِّـي ينُو اَذ يقِّيم ذِنِّي إِ ڒبْدَا. أَخَاس اَرِيغ يسم ن أَربِّـي ينُو ذ يِيسم ن ثنْدِينْت ن أَربِّـي ينُو، يعْنِي لْقُدْس ن جْذِيذ إِي د غَا يهْوَان زݣ وجنَّا زِي أَربِّـي ينُو. أَخَاس اَرِيغ يسم ينُو ذ جْذِيذ.