مرقس 12:12 - ثريفيث 2020

¹² لْحُكَّام ن أَيث-إِسْرَائِيل رزُّوْن اَذ طّْفن عِيْسَى، وَلَكِن ݣّْوْذن زِي شَّعْب. فهْمن بلِّي يسَّاوَاڒ خَاسن عِيْسَى س ڒْمَعْنَا-يَا. جِّين-ث ؤُيُوْرن سّنِّي.

مرقس 12:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:26

مڒَا ننَّا-ٱس سُّلْطَا نِّي ثكَّا-د زݣ يِوْذَان، أَتَاف نشِّين أَ نݣّْوذ زِي شَّعْب مِينْزِي مَارَّا شَّعْب تْوَاڒَان بلِّي يَحْيَى نتَّا ذ نَّبِي."

أَسڒْمذ ن سِيذِيثْنغ عِيْسَى لْكِتَاب ن مَتَّى 22:22

وَامِي سْڒِين إِ وجَاوَب نِّي قِّيمن تْعجّْبن ذَايس. سّنِّي سمْحن ذَايس ؤُيُوْرن.

مرقس 11:18

سْڒِين-اَس اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا، بْذَان تْفكَّرن مَامّش ث غَا نْغن. ݣّْوْذن زَّايس وَامِي مَاَّرا ڒْغَاشِي قِّيمن ذهّْشن س وسڒْمذ نّس.

مرقس 11:32

وَلَكِن مڒَا ننَّا-ٱس سُّلْطَا نِّي قَا ثكَّا-د زݣ يِوْذَان؟؟؟" ݣّْوْذن نِثْنِي زِي شَّعْب اَذ ينِين اَمنِّي مِينْزِي قَاع تْوَاڒَان بلِّي يَحْيَى نتَّا ذ نَّبِي.

لوقا 20:19

ڒخْدّنِّي يمْسڒْمَاذن ن شَّرِيعَا ذ اَرُّوْيَاس ن ڒْفُقَهَا رزُّوْن اَذ طّْفن عِيْسَى، فهْمن بلِّي يسَّاوَاڒ خَاسن س ڒْمَعْنَا-يَا وَلَكِن ݣّْوْذن زِي شَّعْب.

لوقا 20:6

وَلَكِن مڒَا ننَّا-اَس سُّلْطَا نِّي قَا ثكَّا-د زݣ يِوْذَان، أَتَاف مَارَّا يوْذَان اَذَانغ رجْمن مِينْزِي ؤُمْنن بلِّي يَحْيَى ذ نَّبِي."

يوحنا 7:25

ڒبْعَاض زِي ثنْدِينْت ن لْقُدْس نَّان، ذ وَانِيتَا يمْكن إِي يرزُّوْن اَث نْغن نِغ لَّا؟

يوحنا 7:30

ڒخْدّنِّي رزُّوْن اَث طّْفن، وَلَكِن وَار خَاس يسرْس فُوْس حَدّ زَّايْسن مِينْزِي ڒْوقْث نّس عَاذ وَار د تُوْوِيض.

يوحنا 7:44

ڒبْعَاض رزُّوْن اَث طّْفن، وَلَكِن وَار خَاس يسرْس فُوْس حَدّ زَّايْسن.