مرقس 12:1 - ثريفيث 2020

¹ ئِبْذَا عِيْسَى يسَّاوَاڒ اَكِذْسن س ڒمْعَانِي ينَّا-ٱسن: "ئِجّن ن سِّيّد يࢲُّو اَضِيڒ ذݣ يِجّن ن ومَرْجع نّس. ئِنّض-اَس-د ڒْحِيض، يݣَّا ذَايس ثَسِيرْث وضِيڒ. ئِبْنَا ذَايس يجّن ن ثْسُوْمْعث إِ ڒْعَسّث. يجَّا ذَايس يخمَّاسن صَافِي يرُوْح يسَفر.

مرقس 12:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:3

ئِقَّار-اَسن اَطَّاس ن ثْمسْڒَايِين س ڒمْعَانِي ينَّا-ٱسن: "صنّْطث! ئِفّغ وفدْجَاح اَذ يزْرع.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:28

"مِين ذَاوم يمظْهَارن؟ ئِجّن ن بْنَاذم غَارس ثْنَاين ن ثَارْوَا نّس. ئِرُوْح غَار ومزْوَارُو ينَّا-ٱس: آ مِّي، رُوْح اَذ تْخذْمذ نْهَارَا ذݣ ومَرْجع ينُو وضِيڒ.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:33

"صنّْطث إِ يِجّن ن ڒْمَعْنَا نّغْنِي. ئِجّن ن بَاب ن ثدَّارْث يࢲُّو اَضِيڒ ذݣ يِجّن ن ومَرْجع نّس. ئِنّض-اَس-د ڒْحِيض، ئِݣَّا ذَايس ثَسِيرْث وضِيڒ. ئِبْنَا ذَايس يجّن ن ثْسُوْمْعث إِ ڒْعَسّث. ئِݣَّا ذَايس يخمَّاسن يرُوْح يسَفَر.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:34

وَامِي د يُوْوض ڒْوقْث ن وڒْقض ن وضِيڒ، ئِكَّر يسّكّ يخدَّامن نّس غَار يخمَّاسن نِّي بَاش اَذَاس د ؤُشن ڒْحَقّ نّس ن وضِيڒ.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:14

نْهَار نِّي اَذ يِيڒِي اَم يِجّن ن سِّيّد يرزُّو اَذ يسَفر. ئِڒَاغَا-د إِ يخدَّامن نّس يكلّف-يثن خ وَاݣْڒَا نّس.

مرقس 11:33

أُوشَا نَّان-اَس إِ عِيْسَى: "نشِّين وَار نسِّين شَا." ئِنْدق-د عِيْسَى ينَّا-ٱسن: "إِيوَا ؤُڒَا ذ نش وَار ذَاوم قَّارغ شَا مَانِيس ذَايِي د تكَّا سُّلْطَا-يَا إِي زِي تݣّغ ثِمسْڒَايِين-أَ."

مرقس 13:34

نْهَار نِّي اَذ يِيڒِي اَم يِجّن ن سِّيّد يرزُّو اَذ يسَفر. ئِفّغ زِي ثدَّارْث نّس، ئِخدَّامن نّس يكلّف-يثن خ وَاݣْڒَا نّس كُڒ يجّن خ ڒْخذْمث نّس. ئِوصَّا اَعسَّاس ن ثوَّارْث اَذ يقِّيم يفَاق.

مرقس 3:23

ئِڒَاغَا-د خَاسن عِيْسَى يسِّيوڒ اَكِذْسن س ڒمْعَانِي ينَّا-ٱسن: "مَامّش يݣَّا شِّيطَان اَذ يسُوْفغ شِّيطَان؟

مرقس 4:2

ئِسڒْمَاذ-اَسن اَطَّاس ن ثْمسْڒَايِين س ڒمْعَانِي. ينَّا-ٱسن ذݣ وسڒْمذ نّس:

لوقا 15:13

وَامِي عْذُوْن شْوَايت ن وُوْسَّان، أَحنْجِير نِّي اَمزْيَان ييْسِي مَارَّا مِين غَارس ذ اَݣْڒَا يرُوْح غَار يِجّن ن ثْمُوْرْث ثِݣّْوج يسْـپـرْذر ذِنِّي تْمنْيَاث نّس ذِي تفْلَايس.

لوقا 19:12

ئِنَّا-ٱسن: "ئِجّن ن سِّيّد لْأَصل نّس زݣ يمقّْرَانن يسَفَر زِي ثْمُوْرْث نّس غَار يِجّن ن ثْمُوْرْث ثِݣّْوج حمَا اَذ ييْسِي تسْرِيح اَذ يذْوڒ اَذ يحْكم خ ثْمُوْرْث نّس.

لوقا 22:9

نَّان-اَس: "مَانِي ثخْسذ اَ نْرَاح اَث نْسوْجذ؟"

لوقا 8:10

ينَّا-ٱسن: "ئِتْوَاسْمح إِ كنِّيو اَذ تسّْنم مِين ينُوْفَّرن ذِي ڒْمُلْك ن أَربِّـي، وَلَكِن إِ يِوْذَان نّغْنِي لَّا. سَّاوَاڒغ اَكِذْسن س ڒمْعَانِي حمَا اَذ خْزَرن وَلَكِن وَار تْوِيڒِين شَا، حمَا اَذ سْڒن وَلَكِن وَار فهّْمن إِ شَا.

ڒخذايم 7:38

ذ نتَّا مُوْسَى إِي يݣُّوْرن اَك جْمَاعث ن أَيث-إِسْرَائِيل إِݣ يمُوْنن ذِي صَّحْرَا. ذ نتَّا مِيكذ ثسِّيوڒ لْمَلَائِكَا خ وذْرَار ن سِينَا ذ ڒجْذُوْذ نّغ. ذ نتَّا إي خف د هْوَان وَاوَاڒن يدَّرن حمَا اَذَانغ ثن يُوْش.