مرقس 11:23 - ثريفيث 2020

²³ أَقَا تسْڒَام ڒْحَقّ: مڒَا شَان يجّن ينَّا-ٱس إِ وذْرَار-أَ: نقْڒع-د شك سَّانِيتَا ثْمنْضَارذ ذِي ڒبْحَر أُو ذݣ وُوْڒ نّس وَار ذَايس بُو شّكّ يُوْمن اَذ يوْقع مَانَاينِّي، أَتَاف مَانَاينِّي اَذ يِيڒِي.

مرقس 11:23 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 14:13

وَامِي د يَارَّا عِيْسَى ڒخْبَار نِّي، ئِرُوْح سّنِّي وَاحْذس ذِي ثْغَرَّابُوْت غَار يِجّن ن ومْشَان يخْڒَا. أَرِّين-د ڒخْبَار ڒْغَاشِي، ذْفَارن-ث زِي ثْندَّام خ يضَارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 17:20

ينَّا-ٱسن عِيْسَى: "ڒَاحقَّاش لْإِيمَان نْوم ذ ؤُقْلِيل. أَقَا تسْڒَام ڒْحَقّ: مْڒِي ذَايْوم لْإِيمَان غِير اَنشْت يجّن ن ثْحبُّوْشْت ن بُوْݣَرْذَاڒ، أَذ تِينِيم إِ وذْرَار-أَ: نقْڒع-د شك سَّانِيتَا رُوْح غَار ذِيهَا اَتَاف اَذ د ينقْڒع. وَار خَاوم يتقْسِيح وَالُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:21

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: مْڒِي ذَايْوم لْإِيمَان وَار ثْشكِّيم شَا، أَتَاف اَذ تݣّم كْتَار زِي مِين يتْوَاݣّن إِ ثْشجَّارْث-أَ. مڒَا ثنِّيم إِ وذْرَار-أَ: نقْڒع-د شك سَّانِيتَا ثْمنْضَارذ ذِي ڒبْحَر، أَتَاف اَذ ينقْڒع.

لوقا 17:6

يَارَّا خَاسن سِيذِيثْنغ ينَّا-ٱسن: "مْڒِي ذَايْوم لإِيمَان غِير اَنشْت يجّن ن ثْحبُّوْشْت ن بُوْݣَرْذَاڒ، أَتَاف اَذَاس ثِينِيم إِ ثْشجَّارْث-أَ ن تُّوْث: نقْڒع-د شم س يࢲوْرَان رُوْح اَذ تࢲُّوْذ يخْف نّمْ ذِي ڒبْحَر، أَتَاف اَذَاوم ثݣّ اَرَّاي."

يوحنا 14:13

مَارَّا مِين غَا ثتَّارم عْلَاحْسَاب يسم ينُو اَث خذْمغ حمَا اَذ يتْوَاسمْغَار بَابَا س مِّيس.

يوحنا 15:7

مڒَا ثقِّيمم ذَايي ثݣِّيم زݣ وَاوَاڒ ينُو، أَتَاف مِين مَا ثتَّارم اَغَارْوم يِيڒِي.

1 أيث-كورينث 13:2

نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.