مرقس 10:39 - ثريفيث 2020

³⁹ نَّان-اَس: "وَاه، نْزمّر-اَس!" ينَّا-ٱسن عِيْسَى: "وَاه، أَتَاف اَذ تسْوم زِي ڒْكَاس نِّي إي زِّي غَا سْوغ نش، أَذ تْغضْسم ذِي ڒَعْذَاب نِّي إِي ذِي غَا غضْسغ نش.

مرقس 10:39 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:25

بَرَكَا غِير اَذ يِيڒِي ومحْضَار اَم لْمُعَلِّم نّس، أَذ يِيڒِي وخدَّام اَم ؤُوقَّاف نّس. مڒَا ڒَاغَان إِ بَاب ن ثدَّارْث <آ إِبْڒِيس>، إِيوَا مَامّش غَا ڒَاغَان إِ ڒحْبَاب ن ثدَّارْث نّس؟

أَسڒْمذ ن سِيذِيثْنغ عِيْسَى لْكِتَاب ن مَتَّى 3:6

تعْتَارَافن س ڒْمُعْصِيَاث نْسن، يَحْيَى يتْطهَّار-يثن س وَامَان ذݣ يِغْزَار ن لأُرْدُن.

مرقس 14:31

ينَّا-ٱس بُطْرُس نتَّا متْأَكَّاد: "نش وَار ش نكَّرغ شَا وَاخَّا اَكِذش إِي غَا مّْثغ." أَمنِّي إِي نَّان مَارَّا يمحْضَارن.

مرقس 14:36

ينَّا: "آ بَابَا، شك كُڒْشِي ثْزمَّرذ-اَس، سْبعّذ-يث خَافِي ڒْكَاس-أَ ن ڒَعْذَاب. مَاشِي مَامش خْسغ نش؛ لَّا، مَامّش يخس ڒْخَاضَر نّش شك."

يوحنا 13:37

ينَّا-ٱس بُطْرُس: "آ سِيذِي، مَايمّي وَار زمَّرغ شَا اَش ذْفَارغ ڒخُّو؟ نش اَخَاك صدّْقغ ثُوْذَارْث ينُو!"

يوحنا 15:20

فكَّرث ذݣ وَاوَاڒ إِي ذَاوم نِّيغ يعْنِي اَخدَّام وَار يدْجِي شَا ذ اَمقّْرَان زݣ ؤُوقَّاف نّس. مڒَا عدّْبن-اَيِي، أَتَاف اَكنِّيو عدّْبن. مڒَا سْڒِين إِ وَاوَاڒ ينُو، أَتَاف اَذ سْڒن عَاوذ إِ وَاوَاڒ نْوم.

يوحنا 17:14

سِّيوْضغ-اَسَن اَوَاڒ نّش إِ يمحْضَارن ينُو، نِثْنِي عِيفّن-ثن يِوْذَان مِينْزِي وَار دْجِين شَا زِي دُّنشْت-أَ اَمشْنَاو نش وَار دْجِيغ شَا زِي دُّنشْت.

ڒخذايم 12:2

نتَّا يُوْمَر أُوْشَا نْغِين س سِّيف يَعْقُوْب ؤُمَاس ن يُوْحَنَّا.

أيث-كولوس 1:24

ڒخُّو نش فَرّْحغ خ مِينْخف تْعدَّابغ عْلَاحْسَاب كنِّيو. لِأَنَّا ذِي دَّات-أَ ينُو كسِّيغ ڒْحَقّ ينُو زِي مِين عَاذ ينقّْصن زݣ وعدّب نِّي ن لْمَسِيح عْلَاحْسَاب دَّات نّس يعْنِي جْمَاعث ن ڒْمُوْمِنِين.

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.