مرقس 10:18 - ثريفيث 2020

¹⁸ ينَّا-ٱس عِيْسَى: "مَايمِّي ثقَّارذ قَا نش ذ اَصبْحَان؟ وَار يدْجِي حَدّ ذ اَصبْحَان إِلَّا أَربِّـي وَاحْذس.

مرقس 10:18 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 19:17

ينَّا-ٱس عِيْسَى: "مَايمِّي إِي ذَايِي تسّقْسِيذ خ مِين يصبْحَان؟ غِير يجّن إِݣ يدْجَان ذ اَصبْحَان. مڒَا ثخْسذ اَذ تَاذْفذ ثُوْذَارْث ن ڒبْدَا، اݣّ اَرَّاي س ڒُوْصِيَاث."

مرقس 10:17

عِيْسَى وَامِي يݣُّوْر خ وبْرِيذ، يُوْسَا-د غَارس يجّن يتَازّڒ يوْضَا خ يفَادّن زَّاثس ينَّا-ٱس: "آ لْمُعَلِّم اَصبْحَان، مِين غَا ݣّغ حمَا اَغَارِي ثِيڒِي ثُوْذَارْث ن ڒبْدَا؟"

مرقس 10:19

ثسّْنذ ڒُوْصِيَاث: وَار نقّ، وَار زنَّا، وَار تَاشَار، وَار شهّذ بُو ࢲُّوْر، وَار شمّث، وقَّر بَابَاش ذ يمَّاش."

لوقا 18:19

يَارَّا خَاس عِيْسَى ينَّا-ٱس: "مَايمِّي ثقَّارذ قَا نش ذ اَصبْحَان؟ وَار يدْجِي حَدّ ذ اَصبْحَان إِلَّا أَربِّـي وَاحْذس.

أيث-روما 3:12

فّْغن اَبْرِيذ مَارَّا إِذْسن، ذوْڒن مَارَّا وَار نفّْعن. وَار يدْجِي حَدّ يتݣّ مِين يصبْحَان.

ثبرات غار يعقوب 1:17

مَارَّا ثِمُوْشَا ثِيصبْحَانِين ذ لْهَدِيَاث يكمْڒن تكّنْت-يد زݣ وجنَّا، تَاسنْت-يد زِي أَربِّـي بَابَاس ن نُّوْر. نتَّا وَار يتْبدِّيڒ شَا اَم ثِيڒِي نِّي إِݣ يݣُّوْرن.

1 يوحنا 4:16

أَمُّو إِي د نُوْوض أَ نسّن ڒمْحِبّث ن أَربِّـي أَ نَامن زِي ثنِّي إِي ذَانغ د يُوْشَا إِ نشِّين. أَربِّـي ذ ڒمْحِبّث إِݣ يدْجَا. ونِّي يقِّيمن ذِي ڒمْحِبّث نتَّا يقِّيم ذِي أَربِّـي، أَربِّـي يقِّيم ذَايس.

1 يوحنا 4:8

ونِّي وَار يتخْسن شَا وَار يسِّين شَا أَربِّـي ڒَاحقَّاش أَربِّـي ذ ڒمْحِبّث إِݣ يدْجَا.