مرقس 1:32 - ثريفيث 2020

³² وَامِي ثغْڒِي ثْفُوْشْت غَار ثْمدِّيث، ؤُوِين-د غَارس مَارَّا يِنِّي يهڒْشن ذ يِنِّي ذِي دْجَان جْنُون،

مرقس 1:32 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 4:24

ئِفّغ ڒخْبَار نّس ذِي سُوْرْيَا اَمن-ثكْمَاڒ. تَّاوْين-د غَارس مَارَّا يِنِّي يهڒْشن تْعدَّابن س لْأَنْوَاع ن ڒهْڒَاشَاث ذ ڒحْڒِيقَاث، مْكُڒ يمَرْيَاحن ذ يمجْنُوْنن ذ ينشْرُوْفن نتَّا يسْݣنْفَا-ثن.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:16

وَامِي ثغْڒِي ثْفُوْشْت غَار ثْمدِّيث، ؤُوِين-د غَار عِيْسَى اَطَّاس ن يِنِّي ذِي دْجَان جْنُوْن. س لْأَمَر نّس يسُوْفُوْغ زَّايْسن جْنُوْن يسْݣنْفَا مَارَّا يِنِّي يهڒْشن.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:17

مَانَاينِّي حمَا اَذ يكمّڒ وَاوَاڒ إِي ينَّا سِيذِي أَربِّـي إِ نَّبي إِشَعْيَا ذݣ يِجّن ن زْمَان: "ئِيْسِي خَانغ ڒحْرِيقَاث نّغ، يَرْبُو ڒهْڒَاشَاث نّغ."

مرقس 1:21

ؤُذْفن غَار وبِيلَاج ن كَفرْنَاحُوْم. ذِي نْهَار ن سّبْث ن لْعِبَادَا يُوْذف عِيْسَى ذِي ثمْزِيذَا ن أَيث-إِسْرَائِيل يبْذَا يسڒْمَاذ ذِنِّي.

مرقس 1:31

ئِقَارّب غَارس يطّف-يت زݣ وفُوْس نّس يسْݣَعّذ-يت-يد. ثفّغ-يت ثْمسِّي، ثكَّر ثبْذَا تْسخَّار خَاسن.

مرقس 3:2

تْلَاحَاضن خَاس مَا ٱث يسْݣنْفَا مَا لَّا ذِي نْهَار ن سّبْث ن لْعِبَادَا حمَا اَث تَاهْمن.

لوقا 4:40

وَامِي ثغْڒِي ثْفُوْشْت غَار ثْمدِّيث، ئِوْذَان ؤُوِين غَار عِيْسَى يمهْڒَاش نْسن كُڒ يجّن مَامش يݣَّا ڒهْڒَاش نّس. مْكُڒ يجّن زَّايْسن يسْرُوْسَا خَاس فُوْس نّس يسْݣنْفَا-ث.

لوقا 4:41

زݣ وَاطَّاس ن يِوْذَان عَاوذ تفّْغن جْنُوْن سْنكَّرن ثْغُوْيّث قَّارن-اَس قَا شك ذ مِّيس ن أَربِّـي." وَلَكِن نتَّا يتْزيَّار-يثن، وَار ثن يتجِّي شَا اَذ سِّيوْڒن مِينْزِي سّْنن نتَّا ذ لْمَسِيح.