مرقس 1:27 - ثريفيث 2020

²⁷ ذهْشن مَارَّا يوْذَان نِّي نَّان إِ وَايَاوْيَا: "مِين يعْنَا مَانَايَا؟ أَسرْمذ-أَ ذ جْذِيذ، ذَايس سُّلْطَا! يتْأَمَر ؤُڒَا ذ جْنُون يعفَّانن، تݣّن-اَس اَرَّاي."

مرقس 1:27 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:31

تْعجّْبن يِوْذَان نِّي وَامِي ࢲْرِين يزيْنُوْنن سَّاوَاڒن، ئِنشْرُوْفن ݣنْفَان، ئِزحَّافن ݣُّوْرن، ئِضَرْغَاڒن تْوَاڒَان. كَّرن حمْذن أَربِّـي ن أَيث-إِسْرَائِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:9

ؤُڒَا ذ نش س يِيخف ينُو غَارِي يِنِّي خَافِي يحكّْمن. غَارِي ڒْعَسْكَار خ وفُوْس ينُو حكّْمغ خَاسن. أَذ ينِيغ إِ يِجّن: رُوْح، أَذ يرَاح. أَذ ينِيغ إِ يِجّن: أَرَاح-د، أَذ د يَاس. أَذ ينِيغ إِ وخدَّام ينُو: اݣّ ثَا، أَت يݣّ."

أَسڒْمذ ن سِيذِيثْنغ عِيْسَى لْكِتَاب ن مَتَّى 9:33

وَامِي يسُوْفغ عِيْسَى جّنّ نِّي، يبْذَا وزيْنُوْن نِّي يسَّاوَاڒ. قِّيمن تْعجّْبن ڒْغَاشي نِّي نَّان: "عمَّارْص مَا يوْقع مَانَايَا ذِي ثْمُوْرْث ن أَيث-إِسْرَائِيل."

مرقس 1:26

ئِسرْجِيجَاي-يث جّنّ نِّي اَعفَّان يعيّض س يِجّن ن ثْمِيجَّا ثمْغَر يفّغ زَّايس.

مرقس 1:28

ڒخْدّنِّي ينْتَاشَر ڒخْبَار نّس ذِي مْكُڒ اَمْشَان ذِي جْوَايه ن لْجَلِيل.

مرقس 10:24

ذهْشن يمحْضَارن نّس خ وَاوَاڒ نِّي. ينَّا-ٱسن عِيْسَى عَاوذ: "آ ثَارْوَا ينُو، مشْحَاڒ يقْسح اَذ يَاذف بْنَاذم ڒْمُلْك ن أَربِّـي!

مرقس 10:32

أَقَاثن خ وبْرِيذ تْݣَعَّاذن غَار ثنْدِينْت ن لْقُدْس، عِيْسَى اَقَاث زَّاث. ئِمحْضَارن نّس ذهْشن، يِنِّي ث يذْفَارن ݣّْوْذن. ئِرُوْح يُوْوِي ثنْعَاش نِّي ن يمحْضَارن نّس ثْوَاڒَا نّغْنِي وَاحذْسن، ئِبْذَا يسَّاوَاڒ اَكِذْسن خ مِين ذَاس غَا يوقْعن ينَّا:

مرقس 16:5

ؤُذْفنْت غَار يِيفْرِي ن ونْضڒ نِّي ؤُفِينْت يج وحنْجِير يقِّيم خ جِّهث ثَفُوْسِيث، يݣَّا اَرُّوْض ذ اَشمْڒَار أُو قِّيمنْت ذهْشنْت اَطَّاس.

مرقس 16:6

ينَّا-ٱسنْت: "وَار ذهّْشنْت شَا! كنِّينْت ثْرزُّونْت خ عِيْسَى نَاصِرِي يتْوَاصلّْبن. نتَّا وَار ذَا يدْجِي شَا، ئِكَّر-د زِي ڒْموْث. هَاقَا اَمْشَان نّس مَاني تُوْغَا ث سرْسن.

مرقس 7:37

تْعجّْبن اَطَّاس نَّان: مَارَّا مِين يتݣّ ذ اَصبْحَان. ئِتَارَّا حتَّا ذ يذهْشُوْرن تسْڒَان، حتَّا ذ يزيْنُوْنن سَّاوَاڒن."

لوقا 4:36

قِّيمن مَارَّا يوْذَان نِّي ذهّْشن نَّان إِ وَايَاوْيَا: "مِين يعْنَا مَانَايَا؟ ئِتْأَمَر ؤُڒَا ذ جْنُوْن يعفَّانن س يِجّن ن سُّلْطَا ذ ثْزمَّار نِثْنِي تفّْغن."

لوقا 9:1

ئِڒَاغَا-د عِيْسَى خ ثنْعَاش ن اَرُّسُل، يُوْشَا-ٱسن ثِزمَّار ذ سُّلْطَا اَذ حكْمن خ مَارَّا جْنُوْن أُو عَاوذ حمَا اَذ سْݣنْفَان ڒهْڒَاشَاث.

ڒخذايم 17:19

ؤُوِين بُوْلُس ندْهن-ث غَار لْمَجْلِس نْسن ؤُمِي قَّارن أَرْيُوْبَاݣُوْس نَّان-اَس: "نْرزُّو أَ نسّن تَّعْلِيم-أَ ن جْذِيذ إِي زِي ثْسڒْمَاذذ شك.