مرقس 1:26 - ثريفيث 2020

²⁶ ئِسرْجِيجَاي-يث جّنّ نِّي اَعفَّان يعيّض س يِجّن ن ثْمِيجَّا ثمْغَر يفّغ زَّايس.

مرقس 1:26 ပူးပေါင်းရင်းမြစ်များ

مرقس 1:25

ئِنْهَا-ث عِيْسَى ينَّا-ٱس: "سْتُوْك شك، فّغ زَّايس!"

مرقس 1:27

ذهْشن مَارَّا يوْذَان نِّي نَّان إِ وَايَاوْيَا: "مِين يعْنَا مَانَايَا؟ أَسرْمذ-أَ ذ جْذِيذ، ذَايس سُّلْطَا! يتْأَمَر ؤُڒَا ذ جْنُون يعفَّانن، تݣّن-اَس اَرَّاي."

مرقس 9:20

ؤُوِين-ث-يد غَار عِيْسَى، جّنّ نِّي يَالَّاه يࢲْرَا عِيْسَى يسرْجِيجِي اَحنْجِير نِّي يوْضَا غَار ثْمُورْث، ئِترْجِيجِي يتكّ-اَس-د كُوْفُّو زݣ وقمُّوْم.

مرقس 9:26

ئِسْنكَّر ثْغُوْيّث جّنّ نِّي يسرْجِيجِي اَحنْجِير نِّي اَطَّاس ڒخْدّنِّي يفّغ زَّايس. أَحنْجِير نِّي يذْوڒ اَخْمِي يمُّوْث، نَّان اَطَّاس ن يِوْذَان اَقَا يمُّوْث صَافِي.

لوقا 11:22

وَلَكِن مڒَا يهْجم خَاس ونِّي خَاس يجهْذن، أَتَاف اَث يغْڒب اَذَاس يكّس مَارَّا ڒسْنَاح إِي خف يعوّڒ اَذَاس يَاوِي اَݣْڒَا نّس مَارَّا."

لوقا 9:39

ممِّي يخطّف-يث يجّن ن جّنّ، ذغْيَا يسْنكَّر ثْغُوْيّث. جّنّ نِّي يسرْجِيجِي-ث اَڒ د غَا يسُوْفغ نتَّا كُوْفُّو زݣ وقمُّوْم نّس، وَار ذَاس يرخُّو حتَّا ٱڒ ث غَا يسَالَا.

لوقا 9:42

وَامِي د يقَارّب وحنْجِير نِّي غَار عِيْسَى، ئِسرْجِيجِي-ث جّنّ نِّي يغْضڒ-يث غَار ثْمُورْث. ئِسْبدّ عِيْسَى جّنّ نِّي اَعفَّان، ئِسْݣنْفَا اَحنْجِير نِّي يَارِّي-ث إِ بَابَاس.