أَسڒْمذ ن سِيذِيثْنغ عِيْسَى لْكِتَاب ن مَتَّى 7:21 - ثريفيث 2020

²¹ مَاشِي مَارَّا يِنِّي إِي ذَايِي يقَّارن آ سِيذِي آ سِيذِي اَذ اَذْفن غَار ڒْمُلْك وجنَّا؛ لَّا، وَار ث تِيذْفن شَا إِلَّا يِنِّي يتݣّن مِين يخس بَابَا إِݣ يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:21 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:50

ينَّا-ٱس: "ونِّي يتݣّن س مِين يخس بَابَا إِي يدْجَان ذݣ وجنَّا، أَتَاف نتَّا ذ ؤُمَا ذ ؤُتْشْمَا ذ يمَّا."

أَسڒْمذ ن سِيذِيثْنغ عِيْسَى لْكِتَاب ن مَتَّى 16:17

ڒخْدّنِّي ينَّا-ٱس عِيْسَى: "سَّعْذ نّش آ سِمْعَان، آ مِّيس ن يُوْنَا! وَار يدْجِي بُو ذ شَا ن بْنَاذم إِي ذَاش د يسْمظْهَارن مَانَايَا منْغِير بَابَا يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:10

غَارْوم اَذ تْحݣَّرم شَان حَدّ زݣ يمزْيَانن-أَ. قَّارغ-اَوم: لْمَلَائِكَاث نْسن ذݣ وجنَّا ڒبْدَا خزَّرنْت بَابَا يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:19

قَّارغ-اَوم عَاوذ: مڒَا ثْتَافْقم ثْنَاين زَّايْوم خ ثْمُوْرْث ثتَّارم شَان ڒْحَاجث إِ بَابَا يدْجَان ذݣ وجنَّا، أَتَاف اَذَاوم ت يسْتَاجب.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:3

ينَّا-ٱسن: "أَقَا تسْڒَام ڒْحَقّ: لَابُد إِ كنِّيو اَذ تْذوْڒم اَذ تِيڒِيم اَمشْنَاو يحنْجِيرن يمزْيَانن. مڒَا لَّا، أَتَاف عمَّارْص اَذ تَاذْفم ذِي ڒْمُلْك وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:35

أَمُّو إِي كِذْوم غَا يݣّ بَابَا إِي يدْجَان ذݣ وجنَّا مڒَا وَار يسْمِيح مْكُڒ يجّن زَّايوم س وُوْڒ نّس إِ وُوْمَاس.

أَسڒْمذ ن سِيذِيثْنغ عِيْسَى لْكِتَاب ن مَتَّى 19:24

قَّارغ-اَوم عَاوذ: أَقَا يسْهڒ اَذ يعْذُو يجّن ن وڒْغم زِي ثِيطّ ن ثْسيْنفْث قْبڒ مَا ٱذ يَاذف يِجّن ن تَّاجَر ذِي ڒْمُلْك ن أَربِّـي."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:10

وَامِي رُوْحنْت ثفْغَاڒ اَذ سْغنْت زّشْت، ئِخْضڒ-د مُوْڒَاي. ؤُذْفنْت اَكِذس ثِنِّي يسْوجْذن غَار ڒْفَارْح، ثْبلّع ثوَّارْث.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:21

ينَّا-ٱس سِيذس: ثݣِّيذ مْلِيح آي اَخدَّام اَصبْحَان، شك ذَايك ڒَامَان. ذَايك ڒَامَان خ ذْرُوْس، ڒخُّو اَش كلّْفغ خ وَاطَّاس. أَذف اَذ تْفَرْحذ اَك سِيذش.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:39

ئِبعّذ خَاسن شْوَايْت، ئِسجّذ غَار ثْمُوْرْث يبْذَا يتتَّار إِ أَربِّـي ينَّا: "آ بَابَا، مڒَا مُمْكِن سْبعّذ-يث خَافِي ڒْكَاس-أَ ن ڒَعْذَاب. مَاشِي مَامش خْسغ نش؛ لَّا، مَامش يخس ڒْخَاضَر نّش شك."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:42

ئِبعّذ خَاسن ثْوَاڒَا وِيس ثْنَاين، ئِتَّار إِ أَربِّـي ينَّا: "آ بَابَا، مڒَا ڒْكَاس-أَ ن ڒَعْذَاب وَار خَافِي ثسْبعّْذذ شَا سْوِيغ-ث، أَتَاف اَذ يِيڒِي مِين يخس ڒْخَاضَر نّش."

مرقس 3:35

ينَّا-ٱسن: "ونِّي يتݣّن س مِين يخس أَربِّـي، أَتَاف نتَّا ذ ؤُمَا ذ وتْشْمَا ذ يمَّا."

مرقس 9:47

مڒَا ثِيطّ نّش تْسبَّاب-اَش ذِي شَان ڒفْضِيحث، قْڒع-يت زَعْمَا. حْسن إِ شك اَذ تَاذْفذ جّنّث س يِجّن ن ثِيطّ زِي مڒَا قِّيمنْت غَارك ثْنَاين ثِيطَّاوِين اَذ تْمنْضَارذ ذِي جَهنَّمَا.

لوقا 11:28

وَلَكِن نتَّا ينَّا: "لَّا، سَّعْذ ن يِنِّي يتْسْڒَان إِ وَاوَاڒ ن أَربِّـي، تْطَاعَان-اَس."

لوقا 13:25

بَاب ن ثدَّارْث اَذ يكَّر اَذ يبلّع ثَوَّارْث صَافِي. كنِّيو مڒَا ثقِّيمم غَار بَارَّا ثسْقرْقُوْبم ذِي ثوَّارْث ثقَّارم: آ سِيذِي، اَرْزم-اَنغ! أَذَاوم يِينِي: نش وَار سِّينغ شَا زِي مَانِيس د تُوْسِيم!

لوقا 18:25

أَقَا يسْهڒ اَذ يعْذُو وڒْغم زِي ثِيطّ ن ثْسيْنفْث قْبڒ مَا ٱذ يَاذف تَّاجَر ذِي ڒْمُلْك ن أَربِّـي!"

لوقا 6:46

مَايمِّي ذَايِي ثقَّارم آ سِيذِي، آ سِيذِي أُو كنِّيو وَار تݣّم مِين ذَاوم قَّارغ؟

يوحنا 14:7

مڒَا ثسّْنم-اَيِي، أَتَاف اَذ تسّْنم ؤُڒَا ذ بَابَا عَاوذ. قَا ڒخُّو ثسّْنم-ث ثࢲْرِيم-ث."

يوحنا 15:23

ونِّي إِي ذَايِي يتْعِيفَّان، أَتَاف يتْعِيفَّا ؤُڒَا ذَ بَابَا عَاوذ.

يوحنا 3:5

ينَّا-ٱس عِيْسَى: "أَقَا تسْڒِيذ ڒْحَقّ: مڒَا شَان يِجّن وَار د يخْڒِيق شَا س وَامَان ذ أَرُّوح ن أَربِّـي، وَار يزمَّر اَذ يَاذف ذِي ڒْمُلْك ن أَربِّـي.

يوحنا 5:17

ينَّا-ٱسن عِيْسَى: "بَابَا يخدّم ڒبْدَا، ؤُڒَا ذ نش خدّْمغ اَم نتَّا."

يوحنا 6:40

مِين يخس بَابَا؟ يخس بلِّي كُڒ ونِّي يࢲْرِين مِّيس يُوْمن زَّايس، أَغَارس ثِيڒِي ثُوْذَارْث ن ڒبْدَا نش اَثِيذ سكَّرغ ذِي نْهَار اَنݣَّارُو."

يوحنا 7:17

ونِّي يخْسن اَذ يݣّ زِي مِين يخس أَربِّـي اَتَاف اَذ يسّن اَسڒْمذ-أَ ينُو مَا زَّايِي نِغ زِي أَربِّـي.

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

أيث-روما 12:2

وَار تݣّم شَا مِين تݣّن يِوْذَان ذِي ڒْوقْث-أَ ثَانِيتَا. ئِتْخصَّا اَغَارْوم يِيڒِي يجّن ن ڒَعْقڒ ذ جْذِيذ حمَا اَذ تْوَابدّْڒم، سّنِّي اَذ تسّْنم كنِّيو مِين يخس أَربِّـي، يعْنِي مِين يصبْحَان ذ مِين ذَاس يتعْجِيبن وَار ذَايس بُو وخطِّي.

أيث-روما 2:13

لِأَنَّا يوْذَان وَار تْمصْڒِيحن شَا اَك أَربِّـي مڒَا تْصنَّاطن وَاهَا إِ وَاوَاڒ ن شَّرِيعَا؛ لَّا، يِنِّي يتݣّن اَرَّاي س مِين ذَايس ذِي شَّرِيعَا، أَتَاف ذ يِنِّي إِي يتْمصْڒَاحن اَك أَربِّـي.

أيث-ؤفسوس 6:6

طَاعم-اَسن مَاشِي غِير خْمِي ذَاوم تْبدَّان غَار وزدْجِيف وَاهَا اَذَاسن ثْعجْبم؛ لَّا، أَذ تِيڒِيم اَم يسمْغَان ن لْمَسِيح اَذ تݣّم س ڒْخَاضَر نْوم مِين يخس أَربِّـي.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

1 أيث-سلونيك 4:3

أَقَا ڒْخَاضَر ن أَربِّـي يتْخصَّا-كنِّيو اَذ تِيڒِيم ثصْفَام اَذ تْبعّْذم زِي لْفَسَاد.

1 أيث-سلونيك 5:18

شكَّرم-ث ذِي مَارَّا ثِمسْڒَايِين. لِأَنَّا ذ مَانَايَا إِݣ يتْرَاجَا أَربِّـي زَّايْوم ذِي عِيْسَى لْمَسِيح.

ثبرات غار تيتوس 1:16

قَّارن قَا نسّن أَربِّـي وَلَكِن نكَّرن-ث س ڒفْعَايڒ نْسن. نِثْنِي تْوَاعِيفّن، وَار تْطِيعِين شَا، وَار نفّْعن شَا ؤُڒَا ذݣ يِجّن ن ڒْخذْمث ذ ثَصبْحَانْت.

يعيبرانيين 13:21

أَذَاوم يذبَّر أَربِّـي مَارَّا ثِمسْڒَايِين ثِصبْحَانِين بَاش اَذ تݣّم ڒْخَاضَر نّس. أَذَايْنغ يخْذم مِين ذَاس يتعْجِيبن زَّاثس، س سِيذِيثْنغ عِيْسَى لْمَسِيح إِي غَار غَا ثِيڒِي لْعَظَمَا إِ ڒبْدَا ن ڒبْدَاث. آمِين.

يعيبرانيين 4:6

إِذن عَاذ قِّيمن ڒبْعَاض ن يِوْذَان اَذ اَذْفن ذِي اَرَّاحث-أَ ن سِيذِي أَربِّـي، يِنِّي يتْوَابشَّرن زِي قْبڒ وَار ؤُذِيفن شَا ذِنِّي لِأَنَّا وَار ؤُمِينن شَا.

ثبرات غار يعقوب 1:22

فَا مَاشِي اَذ تسْڒم إِ وَاوَاڒ ن أَربِّـي أُو صَافِي؛ ئِتْخصَّا-كنِّيو اَزَّايس ثْخدّْمم حمَا وَار ثْخدّْعم شَا يخف نْوم.

1 بطرس 2:15

لِأَنَّا مَانَايَا ذ ڒْخَاضَر ن أَربِّـي يعْنِي مڒَا ثݣِّيم مِين يدْجَان ذ اَصبْحَان اَتَاف اَذ تقْضَام خ وَاوَاڒن يجَهْڒن ن يرْيَازن نِّي إِي ذِي ثدْجَا ثُوْبُّوْهْڒِيَا أُو صَافِي.

1 بطرس 4:2

خ مَانَايَا نْهُوْرَاث نِّي إِي ذَاوم يتْغِيمَان ذِي دَّات نْوم مَاشِي اَثن ثْسعْذُوْم عْلَاحْسَاب شّهَاوَاث ن بْنَاذم؛ لَّا، سعْذُوْم-ثن عْلَاحْسَاب ڒْخَاضَر ن أَربِّـي.

لواحي ن يوحنا 22:14

سَّعْذ ن يِنِّي يتْصبَّانن يتْشَامِّيرن نْسن، حمَا اَغَارْسن يِيڒِي ڒْحَقّ ذِي ثْشجَّارْث ن ثُوْذَارْث اَذ اَذْفن ثَنْدِينْت زِي ثوُّوْرَا نّس.

لواحي ن يوحنا 3:5

ونِّي غَا يربْحن اَذَاس ݣّن اَرُّوْض ذ اَشمْڒَاڒ. نش عمَّارْص اَذ مسْحغ يسم نّس زِي لْكِتَاب ن ثُوْذَارْث، أَخَاس شهْذغ زَّاث إِ بَابَا ذ لْمَلَائِكَاث نّس.