أَسڒْمذ ن سِيذِيثْنغ عِيْسَى لْكِتَاب ن مَتَّى 7:13 - ثريفيث 2020

¹³ أَذْفث زِي ثوَّارْث يحْصَرن مِينْزِي ثَوَّارْث نِّي يتَاوِين غَار جَهنَّمَا ثِيرِيو اَطَّاس، أَبْرِيذ نّس يسْهڒ. أَطَّاس إِي زَّايس يعدُّوْن.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:13

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! تقّْنم ثَوَّارْث ن ڒْمُلْك وجنَّا خ يِوْذَان. كنِّيو وَار تِيذْفم، وَار تجِّيم وِي غَا يَاذْفن.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:41

ڒخْدّنِّي يِنِّي يدْجَان خ وࢲڒْمَاض اَذَاسن يِينِي ؤُزدْجِيذ: آ يِنِّي ينْعڒ أَربِّـي بعّْذم خَافِي! رُوْحم غَار ثْمسِّي إِي وَار يخسِّين عمَّارْص، ئِسْوجْذن إِ شِّيطَان ذ شَّيَاطِين نّس!

أَسڒْمذ ن سِيذِيثْنغ عِيْسَى لْكِتَاب ن مَتَّى 25:46

أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 3:2

ئِقَّار-اَسن: "تُوْبم، أَقَا يُوْذس-د ڒْمُلْك ن وجنَّا."

أَسڒْمذ ن سِيذِيثْنغ عِيْسَى لْكِتَاب ن مَتَّى 3:8

مڒَا ثْتُوْبم ذ صَّح، ݣّث ڒخْذَايم ثِصبْحَانِين.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:14

وَلَكِن ثَوَّارْث يحْصَرن ذ وبْرِيذ يقسْحن نِثْنِي تَاوْين غَار ثُوْذَارْث. ذْرُوْس إِي غَا يعْذُوْن سّنِّي.

لوقا 14:33

أَمنِّي عَاوذ وَار يزمَّر شَا ؤُڒَا ذ يجّن زَّايْوم اَذ يِيڒِي ذ اَمحْضَار ينُو إِلَّا مڒَا يسْمح ذِي مَارَّا مِين غَارس.

لوقا 9:33

وَامِي عَاذ ݣُّوْرن زَّايس يرْيَازن نِّي، ئِنْدق-د بُطْرُس ينَّا-ٱس إِ عِيْسَى: "آ سِيذِي، ذ اَصبْحَان اَكِذش نقِّيم ذَانِيتَا. نشِّين أَ نݣّ ثْڒَاثَا ن يقِيضَان، ئِجّن إِ شك، ئِجّن إِ مُوْسَى، ئِجّن إِ إِلْيَاس." بُطْرُس تُوْغَا يفَجَا، وَار يُوْفِي شَا مِين غَا يِينِي.

يوحنا 10:9

نش ذ ثَوَّارث، ونِّي زَّايي غَا يَاذْفن اَذ ينْجم. أَذ يِيڒِي اَمشْنَاو يجّن ن وحُوْڒِي يتَاذف يتفّغ يتَاف مِين غَا يشّ.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

ڒخذايم 3:19

س مَانَايَا تُوْبث، ذوْڒث غَار أَربِّـي حمَا اَذ تْوَاكّْسنْت ڒْمُعْصِيَاث نْوم. حمَا اَذ د تَاس ثْسَعَّات ن لْفَرَج زِي سِيذِي أَربِّـي، أَذ د يسّكّ لْمَسِيح إِي تُوْغَا ذَاوم يتْوَاخْضَرن زِي قْبڒ يعْنِي عِيْسَى.

أيث-روما 9:22

أَمنِّي إِݣ يݣَّا أَربِّـي. وَامِي يخس اَذ د يسْمظْهَار اَغْضَاب نّس اَذ د يسْبيّن جّْهذ إِي غَارس، ئِصبَّار اَطَّاس خ يِنِّي إِي خف يغْضب، يعْنِي يغرَّافن نِّي وجْذن اَذ تْوَارْزن.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

22 أيث-كورينث 6:17

خ مَانَايَا يقَّار سِيذِي أَربِّـي: فّْغم-د زِي ڒْوسْط نْسن عزْڒث يخف نْوم، وَار تْحَاذَاث شَا مِين يدْجَان حَرَام. أُوْشَا نش اَكنِّيو قبْڒغ،

أيث-ݣلاطيا 5:24

أُو يِنِّي يدْجَان ن عِيْسَى لْمَسِيح صَافِي صلّْبن طَّبِيعَا نِّي ثَعفَّانْت نْسن اَكذ شّهْوث ذ ڒْخَاضَر ن طَّبِيعَا-يَا.

أيث-فيليـپـي 3:19

أَنݣَّارُو نْسن اَذ يتْوَامْحَا. أَربِّـي نْسن نتَّا ذ اَعدِّيس نْسن. سمْغَارن يخف نْسن س ڒفْضَايح نْسن. ڒَعْقُوْڒَاث نْسن نُّوْغن ذِي ثْمسْڒَايِين ن دُّنشْت-أَ.

1 يوحنا 5:19

نسّن إِلَّا نشِّين زِي أَربِّـي، نسّن عَاوذ مَارَّا دُّنشْت-أَ اَقَات سْوَادَّاي إِ ثْزمَّار ن لْمُفْسِيد.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

لواحي ن يوحنا 20:15

ونِّي وَار غَار ؤُفِين شَا يسم نّس يزمّم ذِي لْكِتَاب ن ثُوْذَارْث قَا يمنْضَار-د ذِي ڒبْحَر ن ثْمسِّي.

لواحي ن يوحنا 20:3

ئِنْضَر-يث ذِي ڒَادْجغ بْڒَا ڒَاحدّ، ئِبلّع خَاس ثَوَّارْث يشمّع-يت بَاش سّنِّي اَڒ ثْسَاونْت وَار يخدّع شَا ڒݣْنُوْس اَڒ غَا كمّْڒن اَڒَاف ن يسݣّْوُوْسَا نِّي. منْبَعْد إِ مَانَاينِّي لَابُد اَذ يتْوَاضْڒق شْوَايْت ن ڒْوقْث.