أَسڒْمذ ن سِيذِيثْنغ عِيْسَى لْكِتَاب ن مَتَّى 6:2 - ثريفيث 2020

² عْلَاحْسَاب مَانَايَا، خْمِي غَا ثْصدّْقذ إِ شَان ن يِجّن، وَار زَّايس تْبرَّاح شَا ذِي ڒْبُوْق اَمشْنَاو مَامّش تݣّن لْمُنَافِقِين ذِي ثمْزِيذَاوِين ذ زْنَاقِي بَاش اَزَّايسن سمْغَارن يِوْذَان. أَقَا تسْڒَام ڒْحَقّ: وَار غَارْسن يتِيڒِي بُو لْأَجَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:7

آ لْمُنَافِقِين! قَا نَّبي إِشَعْيَا ينَّا ڒْحَقّ وَامِي خَاوم يسِّيوڒ ذݣ يِجّن ن زْمَان:

أَسڒْمذ ن سِيذِيثْنغ عِيْسَى لْكِتَاب ن مَتَّى 16:3

غَار ڒفْجَر ثقَّارم: نْهَارَا اَذ يِيڒِي ونْࢲَار ذ وَاجَّاج ڒَاحقَّاش اَجنَّا ذ اَزݣّْوَاغ ذَايس اَسيْنُو ذ اَبرْشَان. لْحَالَا ن وجنَّا ثسّْنم اَت تْشرّْحم. وَلَكِن لْعَالَامَاث ن زْمَان-أَ لَّا، وَار ثْزمَّرم اَثنْت تْشرّْحم.

أَسڒْمذ ن سِيذِيثْنغ عِيْسَى لْكِتَاب ن مَتَّى 22:18

ئِسّن عِيْسَى يخَرْوِيضن نِّي إِي ذَايْسن ينَّا-ٱسن: "آ لْمُنَافِقِين، مَايمِّي ذَايِي ثْسوْجَاذم ثَخْشبْث؟

أَسڒْمذ ن سِيذِيثْنغ عِيْسَى لْكِتَاب ن مَتَّى 23:5

مَارَّا مِين تݣّن حمَا اَغَارْسن خْزَرن يِوْذَان: تݣّن ڒحْرُوْز ذ يمقّْرَانن، اَرنِّين ثِيشْڒُوڒِين إِ يزدْجَابن نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:6

تخْسن يمُوْشَان يمزْوُوْرَا ذِي ڒفْرُوْح ذ ثمْزِيذَاوِين.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:51

أَث يقسّ ذ يوزْوِيزن اَث ينْضَر ذݣ ومْشَان ن لْمُنَافِقِين، ذِنِّي إِي غَا يڒِين يمطَّاون ذ وغࢲَّاࢲ ن ثغْمَاس.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:18

أَقَا تسْڒَام ڒْحَقّ: وَار يتكّس يجّن ن ڒْحَرْف نِغ ذ يجّن ن ثْنقِّيط زِي شَّرِيعَا اَڒ غَا يتْوَاكّس وجنَّا ذ ثْمُوْرْث أَڒ غَا يتْوَاكمّڒ كُڒْشِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:16

خْمِي غَا ثْࢲُوْمّم، وَار تݣّم شَا اَمشْنَاو مَامّش تݣّن لْمُنَافِقِين. تْخيَّاقن حمَا مَارَّا يوْذَان اَثن سّْنن بلِّي ࢲُوْمّن. أَقَا تسْڒَام ڒْحَقّ: أَتَاف وَار غَارْسن يتِيڒِي بُو لْأَجَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:3

وَلَكِن شك خْمِي غَا ثْصدّْقذ إِ شَان ن يِجّن، ئِتْخصَّا فُوْس نّش اَࢲڒْمَاض وَار يتسّن مِين يتِيشّ فُوْس اَفُوْسِي نّش.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:5

خْمِي غَا ثࢲَّادْجم، وَار تِيڒِيم شَا اَم لْمُنَافِقِين إِي تخْسن اَذ ࢲَّادْجن اَمن بدّن ذِي ثمْزِيذَاوِين ذ ثْغمُّوْرَا ن زْنَاقِي حمَا اَثن ࢲرن يِوْذَان. أَقَا تسْڒَام ڒْحَقّ: وَار غَارْسن يتِيڒِي بُو لْأَجَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:5

آ لْمُنَافِق، كّس ذ اَمزْوَارُو اَكشُّوْض زِي ثِيطّ نّش. عَاذ إِي غَا ثتْوَاڒِيذ مْلِيح حمَا اَذ تكّْسذ ڒُوْم زِي ثِيطّ ن وُوْمَاش.

مرقس 12:39

تخْسن اَذ قِّيمن ذݣ يمُوْشَان يمزْوُوْرَا ذِي ثمْزِيذَاوِين ذ ڒفْرُوْح.

مرقس 7:6

ينَّا-ٱسن عِيْسَى: "آ لْمُنَافِقِين! قَا نَّبي إِشَعْيَا ينَّا ڒْحَقّ وَامِي خَاوم يسِّيوڒ ذݣ يِجّن ن زْمَان: <شَّعْب-أَ يتْوقَّار-اَيِي س ؤُقمُّوْم وَاهَا، مَاشَا ؤُڒ نّس يݣّْوج خَافِي.

لوقا 11:41

صدّْقم مِين ذَايْوم غَار ذَاخڒ، أَتَاف مَارَّا اَذ يذْوڒ يسِيرذ إِ كنِّيو.

لوقا 11:43

يَا ڒفْضِيحث نْوم آ ڒْحِزب ن يفَرِّيسِيْين! مِينْزِي تخْسم يمُوْشَان يمزْوُوْرَا ذِي ثمْزِيذَاوِين، ئِتعْجِيب-اَوم اَخَاوم سدْجْمن يِوْذَان ذِي ڒسْوَاق.

لوقا 12:33

زنْزث اَݣْڒَا نْوم، صدّْقم-ث. ݣّث ثِشمُّوْسِين ن تْمنْيَاث إِي وَار يفنِّين شَا نِثنْتِي ذ يجّن ن ڒْكنْز ذݣ وجنَّا وَار يقطِّين شَا. وَار يتْقَارِّيب شَا ذِنِّي وشفَّار، ثِكشَّاوِين وَار ث تتّنْت شَا.

لوقا 12:56

ينَّا-ٱسن: "آ لْمُنَافِقِين! لْحَالَا ن وجنَّا ذ ثْمُوْرْث ثسّْنم اَثن تْشَرّْحم مَامش دْجَان. مَايمِّي وَار ثْزمَّرم شَا اَذ تْشَرّْحم لْحَالَا ن زْمَان-أَ إِي ذِي ندْجَا ڒخُّو؟"

لوقا 13:15

ينَّا-ٱس سِيذِيثْنغ: "آ لْمُنَافِقِين، مَا وَار ثْضدْجْقم شَا يفُوْنَاسن ذ يغْيَاڒ نْوم زِي ڒْكُوْرِي ذِي نْهَار ن لْعِبَادَا حمَا اَثن ثْسسّْوم؟

لوقا 20:46

"حْضَام يخف نْوم زݣ يمْسڒْمَاذن ن شَّرِيعَا. نِثْنِي تخْسن اَذ ؤُيُوْرن س يسڒْهَامن نِّي نْسن، تخْسن اَخَاسن سدْجْمن ذِي ڒسْوَاق، تخْسن اَذ قِّيمن ذݣ يمُوْشَان يمزْوُوْرَا ذِي ثمْزِيذَاوِين ذ ڒفْرُوْح.

لوقا 6:24

وَلَكِن، يَا ڒفْضِيحث نْوم آ تْوَاجَر، مِينْزِي ثْعِيشم مِين ثْعِيشم.

لوقا 6:42

مَامّش تݣّذ ثْزعّْمذ اَذ تِينِيذ إِ وُوْمَاش: آي ؤُمَا، اجّ-اَيِي اَذَاش د كّْسغ ڒُوْم-أَ إِݣ يدْجَان ذِي ثِيطّ نّش، شك عَاذ تجِّيذ اَكشُّوْض ذِي ثِيطّ نّش؟ آ لْمُنَافِق، كّس ذ اَمزْوَارُو اَكشُّوْض نِّي زِي ثِيطّ نّش. عَاذ إِي غَا ثتْوَاڒِيذ مْلِيح حمَا اَذ تكّْسذ ڒُوْم إِݣ يدْجَان ذِي ثِيطّ ن وُوْمَاش!

يوحنا 13:29

تْغِيڒ-اَسن إِ ڒبْعَاض قَا ينَّا-ٱس اَذ يسغ مِين حْذَاجن ذِي ڒْعِيذ نِغ اَذ يصدّق خ يمسْعَان مِينْزِي يَهُوْذَا مْكلّف خ وشمُّوْس ن تْمنْيَاث.

يوحنا 5:41

وَار حْذِيجغ شَا اَذَايِي سمْغَارن يِوْذَان.

يوحنا 5:44

مَامّش غَا ثݣّم اَذ تَامْنم؟ إِيوَا كنِّيو تخْسم لْعَظَمَا ن وَايَاوْيَا، وَار ثْرزُّوْم شَا خ لْعَظَمَا ن أَربِّـي اَوحْذَانِي.

يوحنا 7:18

ونِّي يسَّاوَاڒن زِي غَارس يرزُّو لْعَظَمَا إِ يِيخف نّس. ونِّي يرزُّون لْعَظَمَا ن ونِّي إِي ثِيذ يسّكّن، قَا نتَّا ذَايس لْحَقِيقَا وَار ذَايس بُو ڒْغشّ.

ڒخذايم 10:2

ذَايس دِّين يتݣّْوذ أَربِّـي، نتَّا ذ مَارَّا اَيثْبَاب ن ثدَّارْث نّس. ئِتݣّ ڒْخِير اَطَّاس ذݣ يِنِّي يحْذَاجن، وَار يخطِّي شَا ثْࢲَادْجِيث نّس.

ڒخذايم 10:31

ئِقَّار-اَيِي-د: آ كُوْرْنِينْيُوْس! قَا أَربِّـي يسْتَاجب-اَش إِ ثْࢲَادْجِيث نّش، صَّذَقَا نّش يفكَّر ذَايس.

ڒخذايم 10:4

ئِخْزَر ذَايس كُوْرْنِينْيُوْس مْلِيح يݣّْوذ ينَّا-ٱس: "آ سِيذِي، مِين ثْرزُّوْذ؟" ينَّا-ٱس لْمَلَاك نِّي: "قَا ثْࢲَادْجِيث نّش ذ صَّذَقَا نّش اَقَا يقْبڒ-يثنْت زَّايك أَربِّـي، نتَّا قَا يفْقذ-يشك.

ڒخذايم 11:29

كَّرن يمحْضَارن تَافْقن جَارَاسن كُڒ يجّن زَّايْسن اَذ سّكّن شْوَايْت ن لْمُعَاوَنَا عْلَاحْسَاب ثِزمَّار نْسن غَار اَيثْمَاثْسن إِݣ يزدّْغن ذِي يَهُوْذِيَا.

ڒخذايم 24:17

منْبَعْد إِ وَاطَّاس ن يسݣّْوُوْسَا عقْبغ-د غَار ثنْدِينْت ن لْقُدْس ؤُوِيغ-د شَان ن صَّذَقَا إ لْأُمَّا ينُو، قدّْمغ شَا ن دْبِيحَاث.

ڒخذايم 9:36

ذِي ثنْدِينْت ن يَافَا ذِنِّي يجّن ن ثْمحْضَارْث قَّارن-اَس طَابِيتَا (ڒْمَعْنَا ن يِيسم-أَ، <ثِيغِيت ن وزْغَار>). تݣّ ڒْخِير اَطَّاس تْعَاوَان يمسْعَان.

أيث-روما 12:8

ئِجّن مڒَا يتْشجَّاع، أُو لَابُد اَذ يشجّع. ئِجّن مڒَا يتْصدَّاق، أُو لَابُد اَذ يِيڒِي ذ اَسخَّاي. ئِجّن مڒَا يتْرَايَا، أُو لَابُد اَذ يرَاي س وُوْڒ نّس. ئِجّن مڒَا يرحّم، أُو لَابُد اَذ يرْحم س ڒفْرَاحث نّس.

1 أيث-كورينث 13:3

نش مَعْلِيك صدّْقغ مَارَّا مِين غَارِي ذ اَݣْڒَا، مَعْلِيك سلّْمغ يخف ينُو اَذ سْحرْقن دَّات-أَ، إِڒِي نش وَار ربْحغ وَالُو مڒَا وَار تْحِبِّيغ شَا.

أيث-ݣلاطيا 2:10

غِير تَّارن زَّايْنغ أَ نْفكَّار ذݣ يپُـوْبْرِيثن نْسن. مَانَاينِّي رزُّوْغ-ث نِّيث س وُوْڒ ينُو اَث ݣّغ.

أيث-ؤفسوس 4:28

ونِّي إِݣ يتَاشَارن لَابُد اَذ يبعّذ زِي ثُوْكَّارْذَا نِّي، أَذ يخْذم يجّن ن ڒْخذْمث ذ ثَصبْحَانْت س يفَاسّن نّس بَاش اَذ يعَاون زَّايس ونِّي يتحْذَاجن.

1 أيث-سلونيك 2:6

وَار نخْس شَا يرْيَازن اَذَانغ شهَّارن: لَّا كنِّيو، لَّا شَان يرْيَازن نّغْنِي. نشِّين تُوْغَا نْزمَّر اَخَاوم نْزيَّار س سُّلْطَا نّغ اَم اَرُّسُل.

1 تيموتاوس 6:18

تْوصَّا-ثن اَذ ݣّن ڒْخِير اَذ يڒِين ذ تْوَاجَر عْلَاحْسَاب لْحَسَانَاث اَذ يڒِين صَاخِيِين اَذ يڒِين وجْذن بَاش اَذ صدّْقن اَذ ذبَّرن.

ثبرات غار فليمون 1:7

آي ؤُمَا، ڒمْحِبّث إِي غَارش شك تِيشّ-اَيِي-د يجّن ن ڒفْرَاحث ذ ؤُشجَّع ذ اَمقّْرَان مِينْزِي شك ثْسِيْحمِّيذ ؤُڒَاون ن صَّالِحِين.

يعيبرانيين 13:16

أُو وَار تتُّوْث شَا اَذ تݣّم ڒْخِير اَذ تْشَرْشم اَك ينّغْنِي مِينْزِي س دْبِيحَاث-أَ اَم ثِيْنَا إِي ذَاس يتعْجِيبن إِ أَربِّـي.

1 بطرس 4:11

ونِّي ؤُمِي يمُّوْش اَذ يسِّيوڒ يتْخصَّا-يَاس اَذ يسِّيوڒ اَم ونِّي يسَّاوَاڒن اَوَاڒن ن أَربِّـي. ونِّي ؤُمِي يمُّوْش اَذ يخْذم يتْخصَّا-يَاس اَذ يخْذم اَم ونِّي يخدّْمن س جّْهذ إِݣ يتِيشّ أَربِّـي. حمَا س مَارَّا ثِمسْڒَايِين-أَ اَذ يتْوَاحْمذ أَربِّـي س وفُوْس ن عِيْسَى لْمَسِيح. أَغَارس ثِيڒِي لْعَظَمَا ذ ڒحْكَام إِ ڒبْدَا ن ڒبْدَاث. آمِين.