أَسڒْمذ ن سِيذِيثْنغ عِيْسَى لْكِتَاب ن مَتَّى 5:9 - ثريفيث 2020

⁹ سَّعْذ نْسن إِ يِنِّي يصدْجْحن يوْذَان، أَقَا نِثْنِي اَثن سمَّان اَمشْنَاو ثَارْوَا ن أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:45

حمَا اَذ تِيڒِيم ذ ثَارْوَا ن بَابَاثْوم إِي يدْجَان ذݣ وجنَّا. ڒَاحقَّاش يتْسُوْمُّوْر-د ثْفُوْشْت خ يِنِّي يصبْحَانن ذ يِنِّي يعفَّانن. ئِتِيشّ اَنْࢲَار إِ يِنِّي يتݣّن ڒْخِير ذ يِنِّي يتݣّن شَّرّْ.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:48

إِڒِيث نِيشَان قَاع، أَمشْنَاو مَامش يدْجَا بَابَاثْوم ذݣ وجنَّا.

لوقا 20:36

وَار زمَّرن شَا اَذ مّْثن، أَذ يڒِين اَمشْنَاو لْمَلَائِكَاث. نِثْنِي ذ ثَارْوَا ن أَربِّـي، خڒْقن-د ذِي يُوْم لْقِيَامَا.

لوقا 6:35

وَلَكِن خْسث ڒْعَذْيَان نْوم، ݣّث ذَايْسن ڒْخِير. رضْڒث وَار تْرَاجَاث وَالُو. أُوْشَا اَغَارْوم يِيڒِي لْأَجَار ذ اَمقّْرَان، أَذ تِيڒِيم ذ ثَارْوَا ن أَربِّـي يُوْعْڒَان. مِينْزِي نتَّا ذ اَصبْحَان اَك يِنِّي وَار ث يتْشكَّرن شَا ذ يِنِّي يتݣّن شَّرّْ.

ڒخذايم 7:26

ثِيوشَّا نّس يُوْفَا ثْنَاين يسْرَائِيلِيْين تْمنْغَان جَارَاسن يخس اَثن يسْمصْڒَاح ينَّا-ٱسن: كنِّيو ذ اَوْمَاثن، مَايمِّي تْعدَّام خ وَايَاوْيَا؟

أيث-روما 12:18

عْلَاحْسَاب كنِّيو، مڒَا مُمْكن ݣّث اَذ تِيڒِيم ذِي ڒهْنَا اَك يِوْذَان مَارَّا.

أيث-روما 8:14

أُو يِنِّي يذفَّارن اَرُّوْح ن أَربِّـي، ذ يِنِّي إِي يدْجَان ذ ثَارْوَا ن أَربِّـي.

أيث-روما 8:16

يعْنِي اَرُّوْح ن أَربِّـي س يِيخف نّس إِݣ يصَّاحن ذِي اَرُّوْح نّغ بلِّي نشِّين ذ ثَارْوَا ن أَربِّـي.

أيث-روما 8:19

أَقَا مَارَّا مِين د يتْوَاخڒْقن ذَايْسن مزْڒِي ذ اَمقّْرَان تْرَاجَان اَذ ࢲرن ثْسَعَّات نِّي إِي ذِي د غَا بَانن ثَارْوَا ن أَربِّـي.

1 أيث-كورينث 6:6

وَلَكِن مَاشِي مْلِيح اَوْمَاثن تمْشَرَّاعن اَك وَايَاوْيَا زَّاث إِ يِنِّي وَار يُوْمِينن شَا.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

22 أيث-كورينث 5:20

فَلِهَاذَا نشِّين ذ لْمُبْشِرِين ن لْمَسِيح، أَربِّـي يسّكّ طَّلَاب نّس خ وفُوْس نّغ. نْطَلَاب-يكنِّيو عْلَاحْسَاب لْمَسِيح اَذ تمْصْڒَاحم اَك أَربِّـي.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-فيليـپـي 4:2

تتَّارغ إِ سُوْيْثْمَاثْنغ ثُوْدْيَا ذ ثِينْتِيشْيَا بَاش اَذ يِيڒِي اَرَّاي نْسنْت ذ يجّن اَك سِيذِيثْنغ.

أيث-كولوس 3:13

صْبَارث اَك وَايَاوْيَا. مڒَا شَان يِجّن زَّايْوم غَارس شَان لْمُشْكِل إِي زَّايس غَا يشثْشَا خ ونّغْنِي، ئِتْخصَّا يجّن اَذ يسْمح إِ ونّغْنِي. مَامّش ذَاوم يغْفَر أَربِّـي إِ كنِّيو، أَمنِّي إِي غَا ثْسمْحم إِ يِوْذَان.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.