أَسڒْمذ ن سِيذِيثْنغ عِيْسَى لْكِتَاب ن مَتَّى 5:30 - ثريفيث 2020

³⁰ مڒَا فُوْس نّش اَفُوْسِي يتْسبَّاب-اَش ذِي شَان ڒفْضِيحث، قسّ-يث زَعْمَا نْضَر-يث خَاك. حْسن إِ شك اَذ تخْسَرذ يجّن ن طَّارْف زِي دَّات نّش زِي مڒَا ثْرُوْح دَّات نّش اَمن-ثكْمَاڒ ذِي جَهنَّمَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:30 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:6

سَّعْذ ن يِنِّي وَار ذَايِي يتْشكِّين شَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 13:21

وَامِي وَار يُوْوْثِي بُو يࢲوْرَان مْلِيح ذغْيَا تْنقْڒَاعن. خْمِي د تَاسنْت شَان ڒمْحَاين نِغ ذ شَان وعدّب خ سَّبَاب ن وَاوَاڒ ن أَربِّـي، ذغْيَا يتفّغ اَبْرِيذ.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:23

وَلَكِن عِيْسَى ينقْڒب-د غَار بُطْرُس ينَّا-ٱس: "أَݣّْوج خَافِي غَار ذفَّار آ شِّيطَان! شك اَم يِجّن ن وزْرُو ذݣ وبْرِيذ ينُو تْنقْڒَاذغ ذَايس. شك وَار تْفكَّرذ شَا اَمشْنَاو أَربِّـي؛ لَّا، شك تْفكَّرذ اَمشْنَاو بْنَاذم."

أَسڒْمذ ن سِيذِيثْنغ عِيْسَى لْكِتَاب ن مَتَّى 17:27

وَلَكِن يتْخصَّا وَار نسْخيّق حَدّ. رُوْح غَار ڒبْحَر نْضَر ثِصنَّارْث ذݣ وَامَان، أَسْڒم نِّي إِي غَا ثطّْفذ ذ اَمزْوَارُو، رْزم-اَس اَقمُّوْم اَذَايس ثَافذ يجّن ن ثْپـيَّاسْت ن نُّقَارْث. يْسِي-ت ؤُش-اَسن-ت، خدْجس خَاش ذ خَافِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:8

شك فُوْس نّش نِغ ضَار نّش مڒَا يتْسبَّاب-اَش ذِي شَان ڒْمُعْصِيّث، قسّ-يث زَعْمَا نْضَر-يث. حْسن إِ شك اَذ تَاذْفذ جّنّث س يِجّن ن وفُوْس نِغ س يِجّن ن وضَار زِي مڒَا قِّيمن غَارك ثْنَاين ن يفَاسّن نِغ ثْنَاين ن يضَارن اَذ تْمنْضَارذ ذِي ثْمسِّي إِي وَار يخسِّين شَا عمَّارْص.

أَسڒْمذ ن سِيذِيثْنغ عِيْسَى لْكِتَاب ن مَتَّى 22:13

أُوْشَا ينَّا-ٱسن وزدْجِيذ إِ يخدَّامن نّس: شَرْفم-ث زݣ يضَارن ذ يفَاسّن نْضَرم-ث بَارَّا غَار ثَادْجسْت مَانِي غَا يڒِين يمطَّاون ذ وغࢲَّاࢲ ن ثغْمَاس."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:20

ئِقَارّب-د ونِّي ؤُمِي يُوْشَا خمْسَاڒَاف ن ڒُوْزْنَاث، يَرْنِي-يَاس اَكِذْسنْت خمْسَاڒَاف نّغْنِي. ينَّا-ٱس إِ سِيذس: آ سِيذِي، ثُوْشِيذ-اَيِي شك خمْسَاڒَاف ن ڒُوْزْنَاث، نش ؤُوِيغ-د خمْسَاڒَاف نّغْنِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:31

ينَّا-ٱسن عِيْسَى إِ يمحْضَارن نّس: "دْجِيڒث-أَ ثَانِيتَا اَذَايِي ثْسمْحم مَارَّا إِذْوم مِينْزِي يقَّار لْكِتَاب: أَذ ؤُوْثغ ونِّي يرَاسّن يحُوْڒِيْين، كُڒ يجّن زِي ثْحِيمرْث مَانِي غَا يَرْوڒ.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:22

وَلَكِن نش قَّارغ-اَوم: مَارَّا ؤُو غَا يعَصْبن خ وُوْمَاس اَتَاف اَذ يتْوَاحْكم. ونِّي غَا يِينِين إِ وُوْمَاس: آي اَغْيُوْڒ، أَتَاف اَذ يتْوَاحْكم ذِي لْمَحْكَامَا ثَمقّْرَانْت. ذ ونِّي غَا يِينِين إِ وُوْمَاس: آي اَفْغُوْڒ، أَتَاف يسْذَاهدْج اَذ يرَاح غَار ثْمسِّي ن جَهنَّمَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:29

مڒَا ثِيطّ نّش ثَفُوْسِيث تْسبَّاب-اَش ذِي شَان ڒفْضِيحث، قْڒع-يت زَعْمَا نْضَر-يت خَاك. حْسن إِ شك اَذ تخْسَرذ يجّن ن طَّارْف زِي دَّات نّش زِي مڒَا ثْمنْضَار دَّات نّش اَمن-ثكْمَاڒ ذِي جَهنَّمَا.

مرقس 9:43

شك فُوس نّش مڒَا يتْسبَّاب-اَش ذِي شَان ڒفْضِيحث، قسّ-يث زَعْمَا. حْسن إِ شك اَذ تَاذْفذ جّنّث س يِجّن ن وفُوْس زِي مڒَا قِّيمن غَارك ثْنَاين ن يفَاسّن اَذ تْمنْضَارذ ذِي جَهنَّمَا غَار ثْمسِّي إِي وَار يخسِّين شَا عمَّارْص.

لوقا 12:5

لَّا، أَذَاوم ينِيغ وِي زِي غَا ثݣّْوْذم: ݣّْوْذث زِي ونِّي إِي غَا ينْغن دَّات نْوم منْبَعْد اَغَارس يِيڒِي جّْهذ بَاش اَذ يݣّ كْتَار، أَت ينْضَر ذِي جَهنَّمَا. وَاه، قَّارغ-اَوم: ونِّي ݣّْوْذم-ث.

لوقا 17:2

نتَّا، مڒَا شدّن يجّن ن وزْرُو ن ثْسِيرْث س وسْغُوْن غَار يِيرِي نّس اَث نْضَرن ذِي ڒبْحَر، أَتَاف حْسن إِ نتَّا زِي مڒَا يُوْوِي يجّن زݣ يمزْيَانن-أَ غار ڒْمُعْصِيّث.

أيث-روما 9:33

مَامّش يقَّار لْكِتَاب: <أَقَا ݣِّيغ ذِي ثنْدِينْت ن لْقُدْس يج ن تِّيرْشث إِي ذِي تنْقْڒَاظن يِوْذَان، ذ يِجّن ن وزْرُو إِي ثن يغطّْڒن. ونِّي إِي زَّايس غَا يَامْنن، عمَّارْص اَث خيّْبغ.>

1 أيث-كورينث 8:13

خ مَانَايَا مڒَا لْمَكْلَا ينُو ثْغطّڒ ؤُمَا ذِي ڒْمُعْصِيّث، أَتَاف عمَّارْص اَذ شّغ اَيْسُوْم عَاوذ حمَا وَار غطّْڒغ شَا ؤُمَا.

أيث-ݣلاطيا 5:11

آي أَيثْمَا، نش مَعْلِيك عَاذ سڒْمَاذغ طَّهَارث ن مُوْسَى زَعْمَا، إِيوَا مَايمِّي عَاذ ذَايِي تْعدَّابن نِثْنِي؟ مَعْلِيك لَابُد طَّهَارث-أَ، أَتَاف صَافِي وَار يتِيڒِي بُو وحݣَّار ن صَّلِيب.

1 بطرس 2:8

أُو عَاوذ يقَّار: <ئِج ن تِّيرْشث إِي ذِي تنْقْڒَاضن يِوْذَان، ذ يجّن ن وزْرُو إِي ثن يغطّْڒن.> قَا تنْقْڒَاضن ذَايس مِينْزِي عصَّان اَوَاڒ نّس، أَمنِّي إِي خَاسن يُوْرَا.