أَسڒْمذ ن سِيذِيثْنغ عِيْسَى لْكِتَاب ن مَتَّى 5:19 - ثريفيث 2020

¹⁹ مَارَّا ؤُو غَا يحَرْفن يجّن ن ڒُوْصِيّث ذ ثَمزْيَانْت زِي شَّرِيعَا، سّنِّي اَذ يسڒْمذ إِ يِوْذَان خ مِين يتݣّ نتَّا، أَتَاف اَذ يِيڒِي ذ اَمزْيَان س وَاطَّاس ذِي ڒْمُلْك وجنَّا. وَلَكِن ونِّي غَا يطَاعن إِ شَّرِيعَا يݣَّا زَّايس، سّنِّي اَذ يسڒْمذ إِ يِوْذَان اَذ ݣّن اَم نتَّا، أَتَاف اَذ يِيڒِي ذ اَمقّْرَان س وَاطَّاس ذِي ڒْمُلْك وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:11

أَقَا تسْڒَام ڒْحَقّ: زِي مِين د جِّينْت ثمْغَارِين، وَار يدْجِي حَدّ ذ اَمقّْرَان زِي يَحْيَى، وَلَكِن ونِّي إِي يدْجَان ذ اَمزْيَان قَاع ذِي ڒْمُلْك ن وجنَّا نتَّا ذ اَمقّْرَان زِي يَحْيَى.

أَسڒْمذ ن سِيذِيثْنغ عِيْسَى لْكِتَاب ن مَتَّى 19:28

ينَّا-ٱسن عِيْسَى: "أَقَا تسْڒَام ڒْحَقّ: ذِي ثُوْذَارْث نّغْنِي خْمِي غَا يقِّيم مِّيس ن بْنَاذم خ لْعَرْش نّس ن لْعَظَمَا، ؤُڒَا ذ كنِّيو ذَايِي د يذْفَارن اَذ تقِّيمم خ ثنْعَاش ن لْعَرْشَاث حمَا اَذ تْحكْمم خ ثنْعَاش ن ثْقبَّاڒ ن أَيث-إِسْرَائِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 20:26

وَلَكِن مَانَاينِّي يتْخصَّا وَار يتِيڒِي شَا جَارَاوم. لَّا، ونِّي يرزُّوْن اَذ يذْوڒ ذ اَمقّْرَان جَارَاوم يتْخصَّا-يَاس اَذ يِيڒِي ذ اَخدَّام نْوم.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:20

سْڒمْذم-اَسن اَذ ݣّن مَارَّا مِينْزِي كنِّيو وصِّيغ. أَقَا نش اَكِذْوم يڒِيغ ڒبْدَا اَڒ غَا يفْنَا زْمَان!"

لوقا 1:15

مِينْزِي اَذ يِيڒي ذ اَمقّْرَان غَار سِيذِي أَربِّـي. أَذ تِيڒِي لَابُد عمَّارْص اَذ يسو اَمَان ن وضِيڒ نِغ ذ وَامَان ن يمنْدِي. أَذ يِيڒِي يعمَّر س اَرُّوح يقدّْسن حتَّا ذݣ وعدِّيس ن يمَّاس.

لوقا 11:42

يَا ڒفْضِيحث نْوم آ ڒْحِزب ن يفَرِّيسِيْين! تِيشّم ڒَعْشُوْر ؤُڒَا خ نَعْنَاع ذ ؤُوْرَام ذ مَارَّا ڒَاعْشُوْب، وَلَكِن وَار تهْتِيمِيم شَا زِي ڒْحَقّ ذ ڒمْحِبّث ن أَربِّـي. لَّا، ئِخصَّا-ٱوم اَذ تهْتَامم س مَانَايَا بْڒَا مَا تتُّوْم ڒَعْشُوْر.

لوقا 9:48

ينَّا-ٱسن: "ونِّي غَا يقبْڒن شَان وحنْجِير اَم وَانِيتَا عْلَاحْسَاب يسم ينُو، أَخْمِي ذ نش إِݣ يقْبڒ. ونِّي ذَايِي يقبّْڒن، أَتَاف يقْبڒ ونِّي ذَايِي د يسّكّن. مِينْزِي ونِّي يدْجَان زَّايْوم ذ اَمزْيَان قَاع، ذ نتَّا إِݣ يدْجَان ذ اَمقّْرَان."

ڒخذايم 1:1

آ سِي تَاوْفِيلُوْس، لْكِتَاب اَمزْوَارُو إِي ؤُرِيغ نش ذَايس مَارَّا مِين يݣَّا عِيْسَى ذ مِين يسڒْمَاذ اَڒ نْهَار نِّي وَامِي يتْوَارْفع. نتَّا قْبڒ مَا ٱذ يتْوَارْفع، ئِوصَّا س أَرُّوْح يقدّْسن اَرُّسُل إِي تُوْغَا يخْضَر ينَّا-ٱسن مِين غَا ݣّن.

أيث-روما 3:8

نِغ اَذ يِينِي شَان يِجّن: يَالَّاه أَ نݣّ ڒْبَاطڒ حمَا ٱزَّايس د يكّ ڒْخِير. أَمنِّي تَهَامن-اَنغ شَان يِوْذَان س ࢲُّوْر بلِّي نقَّار اَوَاڒ-أَ. ئِوْذَان-أَ نِثْنِي سْذَاهدْجن لْعِقَاب ن أَربِّـي!

أيث-روما 6:1

إِيوَا، مِين غَا نِينِي؟ مَا أَ نْسِيغِي ذِي ڒْمُعْصِيَاث حمَا ٱذ يكْثَار اَرْضَا ن أَربِّـي؟

أيث-روما 6:15

إِيوَا نشِّين مَا أَ نعْصَا أَربِّـي خْمِي اَقَانغ سْوَادَّاي ن اَرْضَا نّس وَار ندْجِي شَا سْوَادَّاي ن وفُوْس ن شَّرِيعَا؟ لَّا، عمَّارْص!

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

1 بطرس 5:4

خْمِي د غَا يمظْهَار ؤُمكْسَاو اَمقّْرَان اَتَاف اَذ تْقبْڒم يجّن ن تَّاج عمَّارْص اَذ يكْشف.

1 يوحنا 3:4

مَارَّا ونِّي يقِّيمن يعصَّا نتَّا يتْرزَّا ڒُوْصِيَاث. وَاه، ڒْمُعْصِيّث نتَّاث ذ ثَرزِّيث ن ڒُوْصِيَاث.

لواحي ن يوحنا 2:20

وَلَكِن عيّْبغ خَاش وَامِي ثجِّيذ إِزَابِيل ثَمْغَارْث تَارَّا يخف نّس ذ نَّبِـيَا. ثْخدّع لْعِبَاد ينُو، ثْسڒْمَاذ-يثن اَذ فسْذن، أَذ شّن زِي دْبِيحث يتْقدَّامن إِ لأَصْنَام.