أَسڒْمذ ن سِيذِيثْنغ عِيْسَى لْكِتَاب ن مَتَّى 5:14 - ثريفيث 2020

¹⁴ كنِّيو ذ ثْفَاوث ن دُّنشْت. ئِجّن ن ثنْدِينْت إِي يدْجَان خ وذْرَار وَار ثْزمَّر اَذ تقِّيم ثْنُوْفَّر.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:14 ပူးပေါင်းရင်းမြစ်များ

يوحنا 12:36

خْمِي عَاذ غَارْوم نُّوْر، أَمْنث زِي نُّوْر-أَ حمَا كنِّيو اَذ تْذوْڒم ذ ثَارْوَا ن نُّوْر." وَامِي ينَّا مَانَايَا عِيْسَى يُوْيُوْر ينُّوْفَّر زَّايسن.

يوحنا 5:35

يَحْيَى يُوْسَا-د ذ ڒفْنَار يرقَّان يتشْرِيقن، كنِّيو ثخْسم اَذ تْفَرْحم شَان ڒِيَّام س نُّوْر نّس.

يوحنا 8:12

ئِسِّيوڒ غَارْسن عَاوذ عِيْسَى ينَّا-ٱسن: "نش ذ نُّوْر ن دُّنشْت. ونِّي ذَايِي غَا يذْفَارن عمَّارْص اَذ يُوْيُوْر ذِي ثَادْجسْت، أَغَارس يِيڒِي نُّوْر ن ثُوْذَارْث."

يوحنا 9:5

مَدَامَا عَاذ دْجِيغ ذِي دُّنشْت، نش ذ نُّوْر ن دُّنشْت."

22 أيث-كورينث 6:14

وَار تݣّث خَاوم ثْزَايْڒُوْت اَك يِنِّي وَار يُوْمِينن شَا، وَار تِيڒِيث شَا ذ ثِيُوْيَا اَكِذْسن. مَا ذِنِّي شَا ن ڒْحَاجث إِݣ يشَرّش ڒْحَقّ اَك ڒْبَاطڒ؟ لَّا. مِين يشَرّش نُّوْر اَك ثَادْجسْت؟ وَالُو.

أيث-فيليـپـي 2:15

أَمُّو اَذ تِيڒِيم بَرِئِن بْڒَا ڒْعِيب ذِي ڒْوسْط ن يِوْذَان ن ڒْوقْث-أَ يعوّْجن يخَروْضن. ذَايْسن إِي ثْرقّم اَم يِيثْرَان ذِي دُّنشْت-أَ خْمِي ذَاسن تْقدَّامم اَوَاڒ ن ثُوْذَارْث. أَمنِّي اَذ فْتَخَرغ ذِي نْهَار نِّي ن لْمَسِيح نش وَار ؤُزِّيڒغ شَا وَار خْذِيمغ شَا ذِي ڒْخَاوِي وَاهَا.

1 أيث-سلونيك 5:5

لَّا، كنِّيو مَارَّا ذ ثَارْوَا ن ثْفَاوْث ذ يحنْجِيرن ن نْهَار. وَار ندْجِي شَا ذ ثَارْوَا ن دْجِيڒث نِغ ن ثَادْجسْت.

لواحي ن يوحنا 1:20

مِين يعْنَا ڒْمَعْنَا ينُوْفّرن ن سبْعَا ن يِيثْرَان نِّي إِي ثࢲْرِيذ ذݣ وفُوْس ينُو اَفُوْسِي ذ سبْعَا نِّي ن ڒقْنَاذڒ؟ سبْعَا نِّي ن يِيثْرَان، يعْنِي نِثْنِي ذ سبْعَا ن لْمَلَائِكَاث ن ثْجُمَاع ن ڒْمُوْمِنِين. سبْعَا نِّي ن ڒقْنَاذڒ، يعْنِي نِثْنِي ذ سبْعَا ن ثْجُمَاع ن ڒْمُوْمِنِين."

لواحي ن يوحنا 2:5

فكَّر مشْحَاڒ ثْغلْطذ، تُوْب، اݣّ ڒخْذَايم نّش ثِمزْوُوْرَا. مڒَا ثُوْݣِيذ اَذ تُوْبذ، أَذ د اَسغ غَارك اَذ يْسِيغ ڒْقنْدِيڒ نّش زݣ ومْشَان نّس.