أَسڒْمذ ن سِيذِيثْنغ عِيْسَى لْكِتَاب ن مَتَّى 5:10 - ثريفيث 2020

¹⁰ سَّعْذ نْسن إِ يِنِّي يتْوَاعدَّابن خ سَّبَاب ن مِين يدْجَان نِيشَان، أَقَا ڒْمُلْك ن وجنَّا إِ نِثْنِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:10 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:23

مڒَا عَدّْبن-كنِّيو ذِي شَان ثنْدِينْت، اَروْڒم غَار ثْنّغْنِي. أَقَا تسْڒَام ڒْحَقّ: أَذ د يَاس مِّيس ن بْنَاذم، أَتَاف كنِّيو عَاذ وَار ثْكمّْڒم خ مِين كنِّيو وصِّيغ ذِي ثْندَّام ن أَيث-إِسْرَائِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 19:14

ئِكَّر عِيْسَى ينَّا-ٱسن: "اجّم يحنْجِيرن يمزْيَانن اَغَارِي د اَسن. وَار ذَاسن تْعَارَّاضم شَا ڒَاحقَّاش ڒْمُلْك وجنَّا يتِيڒِي غَار يِنِّي إِي يدْجَان اَم يِيْنَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:3

"سَّعْذ نْسن إِ يِنِّي يدْجَان ذ ڒْمُسَاكِين ذݣ اَرُّوْح نْسن، أَقَا ڒْمُلْك وجنَّا إِ نِثْنِي.

مرقس 10:14

يࢲْرَا عِيْسَى مَانَايَا، وَار ذَاس يعْجِيب بُو ڒْحَاڒ ينّا-اَسن: "جّم يحنْجِيرن يمزْيَانن اَغَارِي د اَسن وَار ذَاسن تْعَارَّاضم شَا ڒَاحقَّاش ڒْمُلْك ن أَربِّـي يتِيڒِي غَار يِنِّي إِي يدْجَان اَم يِيْنَا.

مرقس 10:30

أَتَاف اَغَارس ثِيڒِي مِيَّا ن ثْسقَّار زِي ثُوْذْرِين ذ أَيثْمَاس ذ سُوْيْثْمَاس ذ يمَّاس ذ ثَارْوَا نّس ذ يمَرْجعِيون نّس. أَغَارس يِيڒِي وعدّب ذي زْمَان-أَ، وَلَكِن ذِي زْمَان إِي د غَا يَاسن اَغَارس ثِيڒِي ثُوْذَارْث ن ڒبْدَا.

لوقا 21:12

قْبڒ إِ مَارَّا مَانَايَا اَكنِّيو طّْفن، أَكنِّيو عدّْبن، أَكنِّيو سلّْمن إِ ثمْزِيذَاوِين نْسن. أَكنِّيو حبْسن، أَكنِّيو جَرّن غَار يزدْجِيذن ذ لْحُكَّام عْلَاحْسَاب يسم ينُو.

لوقا 22:29

مَامش ذَايِي يُوْشَا بَابَا يجّن ن ڒْمُلْك إِ نش، ؤُڒَا ذ نش اَذَاوم ؤُشغ يجّن ن ڒْمُلْك.

لوقا 6:20

ئِيْسِي ثِيطَّاوِين نّس عِيْسَى غَار يمحْضَارن نّس ينَّا-ٱسن: "سَّعْذ نْوم آ ڒْمُسَاكِين، أَقَا ڒْمُلْك ن أَربِّـي إِ كنِّيو.

لوقا 6:22

سَّعْذ نْوم مڒَا تْعِيفَّان-كنِّيو يِوْذَان، وَار كنِّيو قبْڒن سَّاوَاڒن ذَايْوم س ڒْعِيب، تْزَوَرن-كنِّيو عْلَاحْسَاب مِّيس ن بْنَاذم.

يوحنا 15:20

فكَّرث ذݣ وَاوَاڒ إِي ذَاوم نِّيغ يعْنِي اَخدَّام وَار يدْجِي شَا ذ اَمقّْرَان زݣ ؤُوقَّاف نّس. مڒَا عدّْبن-اَيِي، أَتَاف اَكنِّيو عدّْبن. مڒَا سْڒِين إِ وَاوَاڒ ينُو، أَتَاف اَذ سْڒن عَاوذ إِ وَاوَاڒ نْوم.

ڒخذايم 5:40

سْڒِين يِوْذَان نِّي غَار ݣَامْلِيل. ؤُوِين-د اَرُّسُل عَانّن-اَسن اَعْمُوْذ نَّان-اَسن: "قَا عمَّارْص اَذ تْعَاوْذم اَذ تسِّيوْڒم عْلَاحْسَاب يسم ن عِيْسَى." ڒخْدّنِّي ضڒْقن-اَسن.

ڒخذايم 8:1

وَامِي نْغِين سْتِيفَان، ئِجّن قَّارن-اَس شَاوُل اَقَاث ذِنِّي يحْضَار يتَافق اَكِذْسن. نْهَار نِّي بْذَان تْعدَّابن جْمَاعث ن ڒْمُوْمِنِين ذِي ثنْدِينْت ن لْقُدْس. مسْفْرَاقن مَارَّا ڒْمُوْمِنِين رُوْحن غَار جْوَايه ن يَهُوْذِيَا ذ سَامَرْيَا كُڒ يجّن مَانِي يرُوْح، وَار يقِّيم حَدّ ذِي لْقُدْس إِلَّا اَرُّسُل.

22 أيث-كورينث 4:17

شُوْف، ڒمْحَاين نّغ فْسُوْسنْت تْرَاحنْت تَاسنْت-يد ذغْيَا، سوْجَاذنْت-اَنغ غَار يِجّن ن لْعَظَمَا ذ ثَمقّْرَانْت بْڒَا ڒقْيَاس.

أيث-فيليـپـي 1:28

عَاوذ وَار تݣّْوْذم شَا قَاع زݣ يِنِّي إِي ذَاوم يتْعَارَّاضن. مَانَايَا إِي تݣّم اَغَارْسن ثِيڒِي ذ يجّن ن لْعَلَامَا إِي د يسْبيَّانن مْلِيح نِثْنِي اَذ فْنَان كنِّيو اَذ تْنجْمم. مَارَّا مَانَايَا اَذ د يَاس زِي أَربِّـي.

2 تيموتاوس 2:12

مڒَا نصْبَر، أُوْشَا أَ نحْكم اَكِذس. مڒَا ننْكَر-يث، أَوْشَا عَاوذ نتَّا اَذَانغ ينْكَر.

2 تيموتاوس 3:11

ذ وعدّب ينُو ذ تَمَارَا ينُو. ثسّْنذ مِين ذَايِي يوقْعن ذِي ثنْدِينْت ن وَانْطَاكْيَا ذ إِكُوْنْيَا ذ لِيْسْتْرَا ذ مِين تْوَاعدّْبغ ذݣ يمُوْشَان نِّي. إِنَّمَا، ئِسفْڒث-اَيِي-د سِيذِيثْنغ زِي مَارَّا مَانَاينِّي.

ثبرات غار يعقوب 1:12

سَّعْذ ن ونِّي يصْبَارن خ ڒمْحَاين اَتَاف خْمِي غَا ينْجح اَذ ييْسِي تَّاج ن ثُوْذَارْث ونِّي إِي زِي يعَاهذ أَربِّـي يِنِّي إِي ث يتْحِبَّان.

ثبرات غار يعقوب 5:11

أَقَا ثسّْنم يِنِّي يصْبَارن نْتحْسَاب-يثن غَارْسن سَّعْذ. كنِّيو ثسْڒِيم خ صّْبَار نِّي ن نَّبِي أَيُوْب، ثسّْنم مَامّش ث يبَرك سِيذِي أَربِّـي ذݣ ونݣَّارُو مِينْزِي سِيذِي أَربِّـي نتَّا ذ اَحْنِين ذ اَرَحِيم.

1 يوحنا 3:12

مَاشِي أَ نِيڒِي اَم قَبِيل يدْجَان زِي لْمُفْسِيد نِّي يرُوْح ينْغَا ؤُمَاس. مَايمِّي إِي ث ينْغَا؟ ڒَاحقَّاش ڒخْذَايم نّس نتَّا ذ ثِعفَّانِين، ڒخْذَايم ن وُوْمَاس ذ ثِصبْحَانِين.

لواحي ن يوحنا 2:10

وَار تݣّْوذ شَا زِي مَامّش إِي غَا تْوَاعدّْبذ. أَقَا إِبْڒِيس اَذ يسِيذف ڒبْعَاض زَّايْوم غَار ڒحْبس حمَا اَذ تْوَاجَرّْبم. أَذ تْسعْذُوْم ڒمْحَاين ذي عشْرَايَّام. اَرْنِي ذِي لْإيْمَان نّش وَاخَّا اَش نْغن، نش اَذَاش ؤُشغ تَّاج ن ثُوْذَارْث.