أَسڒْمذ ن سِيذِيثْنغ عِيْسَى لْكِتَاب ن مَتَّى 4:23 - ثريفيث 2020

²³ ئِݣُّوْر عِيْسَى ذِي لْإِقْلِيم ن لْجَلِيل مَارَّا، ئِسڒْمَاذ ذِي ثمْزِيذَاوِين ن أَيث-إِسْرَائِيل يتْبشَّر-يثن س لْإِنْجِيل ن ڒْمُلْك ن أَربِّـي يسْݣنْفَا مَارَّا ڒهْڒَاشَاث ذ دِّعَان ن دَّات ذݣ يِوْذَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:23 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:5

ئِضَرْغَاڒن تْوَاڒَان، ئِزحَّافن ݣُّوْرن، يِنِّي إِي ذِي يدْجَا جْذَام ݣنْفَان، ئِذهْشُوْرن تسْڒَان، يِنِّي يمُّوْثن تْنكَّرن-د، ڒْمُسَاكِين تْوَابشَّارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:9

يُوْيُور سّنِّي عِيْسَى، يُوْذف غَار يِجّن ن ثمْزِيذَا ن أَيث-إِسْرَائِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:19

ئِجّن يتْسْڒَا إِ وَاوَاڒ خ ڒْمُلْك وجنَّا وَار ث يتفْهِيم شَا. يعْنِي نتَّا اَم زَّرِّيعث نِّي إِݣ يوْضَان خ وبْرِيذ. ئِتْرَاح وعفَّان نِّي ن إِبْڒِيس، يتكّس اَوَاڒ نِّي يتْوَازرْعن ذَايس ذݣ وُوْڒ.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:54

ئِذْوڒ غَار ثْمُوْرْث نّس يبْذَا يسڒْمَاذ ذِي ثمْزِيذَا نْسن. تْعجّْبن ذَايس نَّان: "مَانِي يُوْفَا ڒفْهَامث-أَ إِي ذَاس يمُّوْشن ذ لْمُعْجِزَاث-أَ؟

أَسڒْمذ ن سِيذِيثْنغ عِيْسَى لْكِتَاب ن مَتَّى 14:14

وَامِي د يضْرَا عِيْسَى زِي ثْغَرَّابُوْت يُوْفَا قَاع اَنشْت نِّي ن يِوْذَان، قّْسن-اَس يسْݣنْفَا يمهْڒَاش نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:14

لْإِنْجِيل ن ڒْمُلْك ن أَربِّـي اَخَاس حدّْثن يِوْذَان ذِي مَارَّا ثِمُوْرَا ن دُّنشْت حمَا اَغَارْسن ثِيڒِي شْهَاذث خَافِي. ڒخْدّنِّي إِي د غَا يَاس ڒفْنَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:2

ئِقَّار-اَسن: "تُوْبم، أَقَا يُوْذس-د ڒْمُلْك ن وجنَّا."

أَسڒْمذ ن سِيذِيثْنغ عِيْسَى لْكِتَاب ن مَتَّى 9:35

يُوْيُوْر عِيْسَى ذِي مَارَّا ثِندَّام ذ ڒدْشُوْر، ئِسڒْمَاذ ذِي ثمْزِيذَاوِين ن أَيث-إِسْرَائِيل يتْحدَّاث يتْبشَّار س ڒْمُلْك ن أَربِّـي. ئِسْݣنْفَا مَارَّا ڒهْڒَاشَاث ذ دِّيعَان ن دَّات.

مرقس 1:14

وَامِي حبّْسن يَحْيَى، يُوْيُوْر عِيْسَى يرُوْح غَار ثْمُوْرْث ن لْجَلِيل، ئِتْبشَّر ذِنِّي س لْإِنْجِيل ن أَربِّـي.

مرقس 1:21

ؤُذْفن غَار وبِيلَاج ن كَفرْنَاحُوْم. ذِي نْهَار ن سّبْث ن لْعِبَادَا يُوْذف عِيْسَى ذِي ثمْزِيذَا ن أَيث-إِسْرَائِيل يبْذَا يسڒْمَاذ ذِنِّي.

مرقس 1:39

ئِرُوْح يتْحدَّاث ذِي ثمْزِيذَاوِين ن أَيث-إِسْرَائِيل ذِي مَارَّا ثَمُوْرْث ن لْجَلِيل يسُوْفُوْغ جْنُوْن.

مرقس 3:10

مِينْزِي نتَّا تُوْغَا يسْݣنْفَا اَطَّاس ن يِوْذَان اَڒ وَامِي مَارَّا يِنِّي ذِي يدْجَا ڒحْرِيق مْزَاحَامن خَاس، خْسن اَث حَاذَان.

مرقس 6:2

نْهَار ن سّبْث ن لْعِبَادَا، ئِبْذَا يسڒْمَاذ ذِي ثمْزِيذَا نِّي. مَارَّا يِنِّي ذَاس يتْسْڒَان قِّيمن تْعجّْبن ذَايس نَّان: "مَانِي يُوْفَا مَانَايَا؟ مِين ثعْنَا ڒفْهَامث-أَ إِي ذَاس يمُّوْشن؟ مَامّش يݣَّا لْمُعْجِيزَاث-أَ إِݣ يوقْعن خ يفَاسّن نّس؟

مرقس 6:6

يتْعجّب ڒَاحقَّاش لإِيمَان نْسن ذ وقْلِيل. سّنِّي يݣُّوْر يسڒْمَاذ زِي دْشَار غَار دْشَار إِي ث يُوْذْسن ذِنِّي.

لوقا 10:9

سْݣنْفَام يمهْڒَاش نْسن إِنِيم-اَسن قَا ڒْمُلْك ن أَربِّـي يُوْذس-د غَارْوم.

لوقا 13:10

تُوْغَا عِيْسَى يسڒْمَاذ ذݣ يِجّن ن ثمْزِيذَا ن أَيث-إِسْرَائِيل ذِي نْهَار ن سّبْث ن لْعِبَادَا.

لوقا 16:16

شَّرِيعَا ن مُوْسَى ذ وسڒْمذ ن لْأَنْبِيَا تُوْغَا دْجَان اَڒ وَامِي د يُوْسَا يَحْيَى. زِي ڒْوقْث ن يَحْيَى سّنِّي اَڒ ثْسَاونْت يبْذَا يتْوَابشَّار ڒْمُلْك ن أَربِّـي، كُڒ يجّن يتمْذحَّاس حمَا اَذَايس يَاذف.

لوقا 20:1

ئِجّن ن نْهَار ذݣ وُوْسَّان نِّي، عِيْسَى اَقَاث ذِي ثمْزِيذَا ثَمقّْرَانْت يسڒْمَاذ يوْذَان يتْبشَّار-يثن، ؤُسِين-د غَارس اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا ذ يمقّْرَانن ن أَيث-إِسْرَائِيل.

لوقا 4:14

ئِذْوڒ عِيْسَى غَار ثْمُوْرْث ن لْجَلِيل س جّْهذ ن أَرُّوْح يقدّْسن، ئِتنْتَاشَر ڒخْبَار نّس مَارَّا ذِي جْوَايه نِّي.

لوقا 5:17

ئِجّن ن نْهَار تُوْغَا عِيْسَى يسڒْمَاذ يوْذَان. قِّيمن ذِنِّي جَارَاسن ڒبْعَاض زِي ڒْحِزب ن يفَرِّسِيْين ذ يمْسڒْمَاذن ن شَّرِيعَا، ؤُسِين-د زِي مَارَّا ڒدْشُوْرَاث ن لْجَلِيل ذ يَهُوْذِيَا ذ لْقُدْس. جّْهذ ن سِيذِي أَربِّـي اَقَاث اَك عِيْسَى بَاش اَذ يسْݣنْفَا يمهْڒَاش.

لوقا 6:17

ئِهْوَا-د عِيْسَى يبدّ ذݣ يِجّن ن ومْشَان ذ ڒوْضَا. ذِنِّي اَطَّاس ن يمحْضَارن نّس ذ وَاطَّاس ن يِوْذَان زِي ثْمُوْرْث ن يَهُوْذِيَا ثكْمَاڒ، زِي لْقُدْس، عَاوذ زِي صُوْر ذ صَيْدَا إِݣ يدْجَان خ وغزْذِيس ن ڒبْحَر.

لوقا 6:6

يجّن ن نْهَار ن سّبْث ن لْعِبَادَا نّغْنِي، يُوْذف عِيْسَى غَار يِجّن ن ثمْزِيذَا ن أَيث-إِسْرَائِيل يبْذَا يسڒْمَاذ. ذِنِّي يجّن ن ورْيَاز فُوْس نّس اَفُوْسِي يمُّوْث.

لوقا 7:21

ذِي ڒْوقْث نِّي يسْݣنْفَا عِيْسَى اَطَّاس ن يمهْڒَاش ذ يِنِّي ذِي يدْجَا ڒحْڒِيق ذ يِنِّي ذِي دْجَان جْنُوْن ذ يعفَّانن. عَاوذ يَارَّا اَطَّاس ن يضَرْغَاڒن تْوَاڒَان.

لوقا 7:22

ينَّا-ٱسن عِيْسَى: "عقْبث غَار يَحْيَى عَاوْذم-اَس مِين تْوَاڒَام ذ مِين تسْڒَام: ئِضَرْغَاڒن تْوَاڒَان، ئِزحَّافن ݣُوْرن، يِنِّي إِي ذِي يدْجَا جْذَام ݣنْفَان، ئِذهْشُوْرن تسْڒَان، يِنِّي يمُّوْثن تْنكَّرن-د، ڒْمُسَاكِين تْوَابشَّارن.

لوقا 8:1

منْبَعْد إِ مَانَايَا يݣُّوْر عِيْسَى زِي دْشَا غَار دْشَار زݣ وبِيلَّاج غَار وبِيلَاج يتحدَّاث يتْبشَّار س ڒْمُلْك ن أَربِّـي. أَكِذس ثنْعَاش ن يمحْضَارن نّس

لوقا 9:11

وَامِي ڒْغَاشِي سّْنن مَانَايَا ذْفَارن-ث. نتَّا يسْتقْبڒ-يثن يبْذَا يسَّاوَاڒ اَكِذْسن خ ڒْمُلْك ن أَربِّـي يسْݣنْفَا يِنِّي يخْسن اَذ ݣنْفَان.

لوقا 9:60

ينَّا-ٱس عِيْسَى: "يِنِّي يمُّوْثن اجّ-يثن اَذ نضْڒن يمتِّينن نْسن. شك اَرْوَاح اَذ تْبشَّرذ س ڒْمُلْك ن أَربِّـي."

يوحنا 18:20

ينَّا-ٱس عِيْسَى: "تْبشَّارغ زَّاث إِ يِوْذَان، سْڒْمَاذغ-ثن ڒبْدَا ذِي ثمْزِيذَاوِين ؤُڒَا ذِي ثمْزِيذَا ثَمقّْرَانْت مَانِي تْمُوْنن يسْرَائِيلِيْين مَارَّا. وَار سِّيوِيڒغ وَالُو س ثنُوْفْرَا.

يوحنا 6:59

مَانَايَا ينَّا-ث عِيْسَى ذِي ثمْزِيذَا وَامِي تُوْغَا يسڒْمَاذ ذݣ وبِيلَاج ن كَفرْنَاحُوْم.

يوحنا 7:1

منْبَعْد إِ مَانَايَا عِيْسَى يݣُّوْر زݣ ومْشَان غَار ومْشَان ذِي ثْمُوْرْث ن لْجَالِيل. ئِتْبعَّاذ زِي ثْمُوْرْث ن يَهُوْذِيَا مِينْزِي يسْرَائِيلِيْين نِّي رزُّوْن خَاس اَث نْغن.

ڒخذايم 18:4

مْكُڒ نْهَار ن سّبْث ن لْعِبَادَا بُوْلُس يتمْنَاقَاش اَك أَيث-إِسْرَائِيل ذ ييُوْنَانِيْين ذِي ثمْزِيذَا بَاش اَثن يسقْنع.

ڒخذايم 20:25

ڒخُّو كنِّيو ؤُمِي بشَّرغ س ڒْمُلْك ن أَربِّـي سّْنغ نش بلِّي ؤُڒَا ذ يجّن زَّايْوم مَا ٱذ يࢲر اَغمْبُوْب ينُو سَّا ٱڒ ثْسَاونْت.

ڒخذايم 28:31

ئِتْحدَّاث-يثن س ڒْمُلْك ن أَربِّـي، ئِسڒْمَاذ خ سِيذِيثْنغ عِيْسَى لْمَسِيح س يِجّن ن زْعَامث ذ لْحُرِّيَا.

أيث-روما 10:15

أُو مَامّش غَا ݣّن اَذ حدّْثن مڒَا وَار ذَاسن د يسّكّ حَدّ؟ أَقَا يقَّار لْكِتَاب: <مشْحَاڒ صبْحَان يضَارن ن يِنِّي يتْبشَّارن س لْإِنْجِيل.>