أَسڒْمذ ن سِيذِيثْنغ عِيْسَى لْكِتَاب ن مَتَّى 4:13 - ثريفيث 2020

¹³ وَلَكِن وَار يقِّيم شَا ذِي نَاصِرَا، ئِرُوْح اَذ يزْذغ ذݣ يِجّن ن وبِيلَاج قَّارن-اَس كَفرْنَاحُوْم إِݣ يدْجَان خ طَّارْف ن ڒبْحَر ن لْجَلِيل، جِّهث ن ثْمُوْرْث ن زَفُلُوْن ذ نَفْتَالِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:23

ئِي شك آي اَبِيلَاج ن كَفرْنَاحُوْم! مَا تْغِير-اَش اَذ تݣَعّْذذ غَار وجنَّا؟ لَّا، قَا شك اَذ تهْوِيذ غَار لْجَحِيم. ڒَاحقَّاش لْمُعْجِزَاث نِّي إِي ذَايش يوقْعن، مْڒِي وقْعنْت ذِي ثنْدِينْت ثَعفَّانْت نِّي ن سَادُوْم، إِڒِي عَاذ اَقَات ذ ثَنْدِينْت اَڒ نْهَارَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 17:24

وَامِي يُوْوض عِيْسَى ذ يمحْضَارن نّس غَار وبِيلَاج ن كَفرْنَاحُوْم، ؤُسِين-د يِنِّي يجمّْعن ضَّرِيبَا إِ ثمْزِيذَا ثَمقّْرَانْت. قَارّْبن غَار بُطْرُس نَّان-اَس: "مَا وَار يتْخدْجِيس شَا لْمُعَلِّم نْوم ضَّرِيبَا ن ثمْزِيذَا ثَمقّْرَانْت؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 4:14

أَمنِّي يكمّڒ وَاوَاڒ نِّي إِي ينَّا سِيذِي أَربِّـي إِ نَّبِي ؤُمِي قَّارن إِشَعْيَا ذݣ يِجّن ن زْمَان:

أَسڒْمذ ن سِيذِيثْنغ عِيْسَى لْكِتَاب ن مَتَّى 4:15

<ثَمُوْرْث ن زَفُلُوُن ذ ثْمُوْرْث ن نَفْتَالِي، ثِنِّي ؤُمِي قَّارن ثَمُوْرْث ن لْجَلِيل، خ وبْرِيذ ن ڒبْحَر ذِي شَّرْق ن يِغْزَار ن لْأُرْدُن، مَانِي إِي زدّْغن ؤُڒَا ذ يِنِّي وَار يدْجِين زِي أَيث-إِسْرَائِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:1

ئِنْيَا عِيْسَى ذِي ثْغَرَّابُوْت، ئِقْضع ڒبْحَر يروّح غَار دْشَار نّس.

مرقس 1:21

ؤُذْفن غَار وبِيلَاج ن كَفرْنَاحُوْم. ذِي نْهَار ن سّبْث ن لْعِبَادَا يُوْذف عِيْسَى ذِي ثمْزِيذَا ن أَيث-إِسْرَائِيل يبْذَا يسڒْمَاذ ذِنِّي.

مرقس 2:1

منْبَعْد إِ شَان وُوْسَّان، ئِذْوڒ-د عِيْسَى عَاوذ غَار وبِيلَاج ن كَفرْنَاحُوْم سْڒِين يوْذَان بلِّي اَقَاث ذِي ثدَّارْث.

لوقا 10:15

ئِي شك، آي اَبِيلَاج ن كَفرْنَاحُوْم! مَا تْغِير-اَش اَذ تْݣَعّْذذ غَار وجنَّا؟ لَّا، قَا شك اَذ تهْوِيذ غَار لْجَحِيم."

لوقا 4:23

ينَّا-ٱسن عِيْسَى: "بْڒَا شّكّ اَذَايِي ثِينِيم ڒْمَعْنَا-يَا: شك آي اَضْبِيب مْڒِي ثدَّاوِيذ، إِڒِي ثدَّاوِيذ يخف نّش. أَذَايِي ثِينِيم عَاوذ قَا مِين نسْڒَا يوقْعن ذݣ وبِيلَاج ن كَفرْنَاحُوْم، ڒخُّو مَانَاينِّي اݣّ-يث ؤُڒَا ذَانِيتَا ذِي ثْمُوْرْث نّش."

يوحنا 2:12

منْبَعْد إِ مَانَايَا يهْوَا غَار وبِيلَاج ن كَفرْنَاحُوْم، نتَّا ذ يمَّاس ذ أَيْثْمَاس ذ يمحْضَارن نّس، قِّيمن ذِنِّي ذْرُوْس ن وُوْسَّان.

يوحنا 4:46

يُوْسَا-د عَاوذ غَار وبِيلَاج ن قَانَا ذِي ثْمُوْرْث ن لْجَالِيل مَانِي تُوْغَا يَارَّا اَمَان عَادِي ذ اَمَان ن وضِيڒ. أُو ذݣ وبِيلَاج ن كَفرْنَاحُوْم ذِنِّي يِجّن زݣ يمْخَازْنِيْين ن وزدْجِيذ يهْڒش مِّيس.

يوحنا 6:17

نْيِين ذِي ثْغَرَّابُوْت رَاحن اَذ قضْعن ڒبْحَر غَار وبِيلَاج ن كَفرْنَاحُوْم. ثُوْوض-د دْجِيڒث أُو عِيْسَى نتَّا عَاذ وَار غَارْسن د يُوْسِي.

يوحنا 6:24

وَامِي ڒْغَاشِي نِّي وَار ࢲْرِين شَا عِيْسَى ذِنِّي ؤُڒَا ذ يمحْضَارن نّس، نْيِين ؤُڒَا ذ نِثْنِي ذِي ثْغَرُّوْبَا ؤُيُوْرن سّنِّي رُوْحن غَار كَفرْنَاحُوْم رزُّوْن خ عِيْسَى.

يوحنا 6:59

مَانَايَا ينَّا-ث عِيْسَى ذِي ثمْزِيذَا وَامِي تُوْغَا يسڒْمَاذ ذݣ وبِيلَاج ن كَفرْنَاحُوْم.