أَسڒْمذ ن سِيذِيثْنغ عِيْسَى لْكِتَاب ن مَتَّى 24:7 - ثريفيث 2020

⁷ دُّوْلَا اَذ تهْجم خ دُّوْلَا، لْممْلَكَا اَذ تهْجم خ لْممْلَكَا. أَذ يِيڒِي جُّوْع اَذ يوْقع زِّنْزَال ذݣ وَاطَّاس ن يمُوْشَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:7 ပူးပေါင်းရင်းမြစ်များ

لوقا 21:11

أَذ يوْقع زِّنْزَال يمْغَر ذݣ وَاطَّاس ن يمُوشَان. أَذ يِيڒِي جُّوْع ذ ڒهْڒَاشَاث ذ وَاطَّاس ن ثْمسْڒَايِين يسَݣّْوَاذن، ذ لْعَلَامَاث ذ ثِمقّْرَانِين ذݣ وجنَّا.

ڒخذايم 11:28

ئِكَّر يجّن زَّايْسن قَّارن-اَس غَابُوْس، ئِخْبَر إِ ڒْمُوْمِنِين ذِنِّي س مِين ذَاس ينَّا أَرُّوْح ن أَربِّـي. ينَّا-ٱسن قَا ٱذ يوْقع يجّن ن بُوْهيُّوْف ذ اَمقّْرَان خ ثْمُوْرْث مَارَّا (أُو ذ صَّح يوْقع مَانَاينِّي ذِي ڒْوقْث ن لْمَلِك قَيْصَار كْلُوْدْيُوْس).

ڒخذايم 2:19

أَذ ݣّغ ڒَعْجَايب ذݣ وجنَّا ذ لْعَلَامَاث ذِي ثْمُوْرْث، أَذ يڒِين يذَامّن ذ ثْمسِّي ذ وَاطَّاس ن دّخَّان.

يعيبرانيين 12:27

أَوَاڒ نِّي نّس يعْنِي <عَاذ اَذ د تَاس يجّن ن ڒْوقْث> اَتَاف نتَّا يسَّاوَاڒ خ شَا ن ثْمسْڒَايِين يتنْهزَّان اَذ تْوَاكّْسنْت يعْنِي ذ ثِمسْڒَايِين نِّي إِي د يتْوَاخڒْقن بَاش ثِمسْڒَايِين نِّي إِي وَار يتنْهزِّين شَا اَتَاف اَذ قِّيمنْت.

لواحي ن يوحنا 6:12

ࢲْرِيغ يزْمَار نِّي وَامِي يرْزم اَشمَّاع وِيس ستَّا، ڒخْدّنِّي يوْقع يجّن ن زِّنْزَال ذ اَمقّْرَان. ثْفُوْشْت ثذْوڒ ذ ثَبرْشَانْت اَم ڒفْحَم، ثَزِيرِي ثذْوڒ اَم يذَامّن.

لواحي ن يوحنا 6:5

ئِزْمَار نِّي وَامِي يرْزم اَشمَّاع وِيس ثْڒَاثَا، سْڒِيغ إِ لْمخْلُوْق وِيس ثْڒَاثَا يقَّار: "أَرَاح-د!" وَامِي خْزَرغ، تْوَاڒِيغ يجّن ن ؤُيِيْس ذ اَبرْشَان، ونِّي خَاس ينْيِين غَارس ڒْمِيزَان ذݣ وفُوْس نّس.

لواحي ن يوحنا 6:6

ثُمَّا سْڒِيغ اَمشْنَاو يجّن ن ثْمِيجَّا ثُوْسَا-د زِي جِّهث ن اَرْبعَا ن لْمخْلُوْقَاث نِّي ثقَّار: "كِيلُو ن يِرْذَان يسݣّْوَا نْهَار وفدْجَاح. عَاوذ ثْڒَاثَا كِيلُو ن يمنْدِي يسݣّْوَا نْهَار وفدْجَاح. وَلَكِن زّشْت ذ وَامَان وضِيڒ وَار ثن تْضيَّاع شَا."

لواحي ن يوحنا 6:8

وَامِي خْزَرغ، تْوَاڒِيغ يجّن ن ؤُيِيْس ذ اَوْرَاغ، ونِّي خَاس ينْيِين سمَّان-ث ڒْموْث، ثذْفَار-يث لْأَخِرَا. ثمُّوْش-اَسن سُّلْطَا اَذ نْغن اَرْبَع ن يمزْذَاغ ن ثْمُوْرْث س سِّيف ذ جُّوْع ذ طَّاعُوْن ذ ڒُحُوُش ن ثْمُوْرْث.