أَسڒْمذ ن سِيذِيثْنغ عِيْسَى لْكِتَاب ن مَتَّى 24:4 - ثريفيث 2020

⁴ ئِجَاوب-يثن عِيْسَى ينَّا-ٱسن: "حْضَام يخف نْوم حمَا وَار كنِّيو يخدّع حَدّ.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:4 ပူးပေါင်းရင်းမြစ်များ

مرقس 13:22

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن إِڒِي خذْعن ؤُڒَا ذ يِنِّي يخْضَر أَربِّـي.

لوقا 21:8

ينَّا-ٱسن: "حْضَام يخف نْوم حمَا وَار كنِّيو يخدّع حَدّ. أَطَّاس إِي د غَا يَاسن س يِيسم ينُو زَعْمَا اَذ ينِين قَا نش ذ لْمَسِيح! عَاوذ اَذَاوم ينِين قَا ڒْوقْث ثُوْوض-د! وَلَكِن كنِّيو يتْخصَّا وَار ثن تذْفِيرم شَا.

أيث-ݣلاطيا 6:3

شُوْف، مڒَا شَان ن بْنَاذم يتْفكَّار اَذ يفْتَخَر س يِيخف نّس وَلَكِن نتَّا وَار ذَايس وَالُو، أَتَاف يخدّع يخف نّس.

أيث-ؤفسوس 4:14

أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

أيث-ؤفسوس 5:6

وَار تجَّاث شَان حَدّ اَكنِّيو يشْمث س وَاوَاڒن نّس يخْوَان. لِأَنَّا خ سَّبَاب ن ثْمسْرَايِين-أَ إِ د يهوَّا وغْضَاب ن أَربِّـي خ يِنِّي إِي ث يعصَّان.

أيث-كولوس 2:18

وَار تجَّام ؤُڒَا ذ يجّن ن بْنَاذم اَكنِّيو يسْبطّڒ خ لْجَائِزَا. نتَّا بْنَاذم نِّي ذ ونِّي إِݣ يسمْغَارن مِين يقسْحن ذِي دِّين، ئِسمْغَار عَاوذ لْعِبَادَا نِّي إِي زِي عبّْذن لْمَلَائِكَاث. ئِسَّاوَاڒ اَطَّاس ثَا س ثَا خ مِين يࢲْرَا زَعْمَا ذِي شَا ن لْوَاحِي نّس. ڒْعَقڒ نّس يُوْفّ يمْغَر س تَّكبُّر. وَار ذِنِّي بُو أَرُّوْح يقدّْسن، ذِنِّي لْأَفْكَار نّس يخْوَان وَاهَا.

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

2 أيث-سلونيك 2:3

لَّا، وَار تجَّام حَدّ اَكنِّيو يشْمث س وَالُو. أَتَاف وَار يزمَّر يُوْم نِّي اَذ د يَاس قْبڒ مَا ٱذ سمْحن اَطَّاس اَطَّاس ن يِوْذَان ذ اَمزْوَارُو ذِي أَربِّـي اَذ د يمظْهَار لْمسْخُوْط مِّيس ن ڒفْنَا.

1 يوحنا 4:1

آي يمْعِيزّن ينُو، وَار تِيقِّيم شَا ذِي مَارَّا اَرُّوْحَاث، جَرّْبم-ثن بَاش اَذ تسّْنم مَا زِي أَربِّـي مَا لَّا. قَا فّْغن-د اَطَّاس ن يثَرَّاسن غَار دُّنشْت-أَ تَارَّان يخف نْسن ذ لْأَنْبِيَا.