أَسڒْمذ ن سِيذِيثْنغ عِيْسَى لْكِتَاب ن مَتَّى 2:6 - ثريفيث 2020

⁶ أَربِّـي ينَّا: <ؤُڒَا ذ شم، آ بَيْت لَحْم ذِي ثْمُوْرْث ن يَهُوْذِيَا، وَار ثدْجِيذ بُو ذ ثَمزْيَانْت جَار ثْندَّام ن يَهُوْذِيَا. زَّايم إِي د غَا يفّغ يجّن ن لْحَاكم إِي غَا يندْهن شَّعْب ينُو ن أَيث-إِسْرَائِيل.>"

أَسڒْمذ ن سِيذِيثْنغ عِيْسَى لْكِتَاب ن مَتَّى 2:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 2:1

وَامِي د يخْڒق عِيْسَى ذݣ وبِيلَاج ن بَيْت لَحْم ذِي ثْمُوْرْث ن يَهُوْذِيَا ذِي ڒْوقْث ن وزدْجِيذ هِيرُوْدُس، ؤُسِين-د شَان يِوذَان زݣ يِنِّي يقَّارن لْعِلم ن يِثْرَان زِي شَّرْق غَار ثنْدِينْت ن لْقُدْس.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:18

ئِقَارّب-د غَارْسن عِيْسَى يسِّيوڒ اَكِذْسن ينَّا-ٱسن: "ثمُّوْش-اَيِي مَارَّا سُّلْطَا ذݣ وجنَّا ذ ثْمُوْرْث.

يوحنا 21:16

ينَّا-ٱس عِيْسَى وِيس مَرّْثَاين: "آ سِمْعَان آ مِّيس ن يُوْحَنَّا، مَا تْحِبِّيذ-اَيِي؟" ينَّا-ٱس سِمْعَان: "وَاه آ سِيذِي، شك ثسّْنذ قَا نش تخْسغ-ش." ينَّا-ٱس عِيْسَى: "ٱرْوس يحُوْڒِيْين ينُو."

يوحنا 7:42

ينَّا لْكِتَاب اَقَا لْمَسِيح اَذ د يَاس زِي دُّوْرِّيث ن دَاود، يعْنِي زِي بَيْت لَحْم زِي دْشَار مَانِيس د يُوْسَا دَاود."

أيث-ؤفسوس 1:22

يݣَّا أَربِّـي عَاوذ مَارَّا ثِمسْڒَايِين سْوَادَّاي يضَارن نّس يݣِّي-ث ذ اَزدْجِيف إِي يتْرَايَّان خ مَارَّا ثِمسْڒَايِين ذِي جْمَاعث ن ڒْمُوْمِنِين.

أيث-كولوس 1:18

ذ نتَّا إِي يدْجَان ذ اَزدْجِيف ن دَّات يعْنِي ن جْمَاعث ن ڒْمُوْمِنِين. ذ نتَّا إِݣ يدْجَان ذ اَمزْوَارُو، ذ نتَّا إِݣ يدْجَان ذ اَمنْزُو زݣ يمتِّينن بَاش ذ نتَّا إِي غَا يِيڒِين ذ اَمزْوَارُو ذِي ثِمسْڒَايِين قَاع.

يعيبرانيين 7:14

لِأَنَّا نسّن سِيذِيثْنغ يُوْسَا-د زِي ثقْبِيڒْث ن أَيث-يَهُوْذَا. عمَّارْص مَا ينَّا مُوْسَى اَذ د فّْغن ڒْفُقَهَا زِي ثقْبِيڒْث نِّي.

لواحي ن يوحنا 11:15

ثكَّر لْمَلَائِكَا وِيس سبْعَا ثْصُوْض ذِي زَّمَّار نّس، أُوْشَا ثِمِيجَّاوِين ذݣ وجنَّا قَّارنْت س جّْهذ: "ئِذْوڒ ڒحْكَام ن دُّنشْت-أَ ذݣ يفَاسّن ن سِيذِي أَربِّـي نّغ ذ لْمَسِيح نّس، اَذ يحْكم إِ ڒبْدَا ن ڒبْدَاث."

لواحي ن يوحنا 7:17

ڒَاحقَّاش يزْمَار إِي يدْجَان ذِي ڒْوسْط ن لْعَرْش اَثن يَرْوس، اَثن يَاوِي اَكِذس غَار مَانِي دْجَان ڒَعْنَاصر ن وَامَان ن ثُوْذَارْث. أَربِّـي اَذ يمْسح كُڒ اَمطَّاو زِي ثِيطَّاوِين نْسن."