أَسڒْمذ ن سِيذِيثْنغ عِيْسَى لْكِتَاب ن مَتَّى 2:4 - ثريفيث 2020

⁴ ئِسْمُوْن مَارَّا اَرُّوْيَاس ن ڒْفُقَهَا ن أَيث-إِسْرَائِيل ذ يمْسڒْمَاذن ن شَّرِيعَا يسّقْسَا-ثن ينَّا-ٱسن: "مَانِي د غَا يخْڒق لْمَسِيح؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 2:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:52

ينَّا-ٱسن: "كُڒ اَمسڒْمَاذ ن شَّرِيعَا ن مُوْسَى إِݣ يفهْمن ڒْمُلْك وجنَّا نتَّا اَم يِجّن ن بَاب ن ثدَّارْث إِݣ يسُوْفُوْغن ثِمسْڒَايِين ثِقْذِيمِين نِغ ذ جْذِيذ زِي مَانِي يخْزن ڒْكنْز نّس."

أَسڒْمذ ن سِيذِيثْنغ عِيْسَى لْكِتَاب ن مَتَّى 2:3

وَامِي يسْڒَا وزدْجِيذ هِيرُوْدُس مَانَايَا، ئِخيّق ييْسِي يجّن ن ومْنُوْس ذ اَمقّْرَان نتَّا ذ يمزْذَاغ ن لْقُدْس.

أَسڒْمذ ن سِيذِيثْنغ عِيْسَى لْكِتَاب ن مَتَّى 2:5

أَرِّين خَاس نَّان-اَس: "ذِي بَيْت لَحْم ذِي ثْمُوْرْث ن يَهُوْذِيَا، مَامّش يُوْرَا نَّبِي مِيخَا ذݣ يِجّن ن زْمَان:

أَسڒْمذ ن سِيذِيثْنغ عِيْسَى لْكِتَاب ن مَتَّى 21:15

عصّْبن اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا وَامِي ࢲْرِين عِيْسَى لْمُعْجِزَاث إِي يݣَّا، ذ يحنْجِيرن طَّارْف إِ ثمْزِيذَا ثَمقّْرَانْت تْڒَاغَان س جّْهذ قَّارن: "لْعَظَمَا إِ مِّيس ن أَيث-دَاود!"

أَسڒْمذ ن سِيذِيثْنغ عِيْسَى لْكِتَاب ن مَتَّى 21:23

يُوْذف عِيْسَى ذِي ثمْزِيذَا ثَمقّْرَانْت يسڒْمَاذ ذِنِّي. قَارّْبن-د غَارس اَرُّوْيَاس ن ڒْفُقَهَا ذ يمقّْرَانن زِي أَيث-إِسْرَائِيل نَّان-اَس: "شك مَانِيس ذَاش د ثكَّا سُّلْطَا نِّي إِي زِي تݣّذ ثِمسْڒَايِين-أَ؟ وِي ذَاش يُوْشِين سُّلْطَا نِّي؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 26:3

سّنِّي مُوْنن اَرُّوْيَاس ن ڒْفُقَهَا ذ يمقّْرَانن ن أَيث-إِسْرَائِيل ذِي ثدَّارْث ن اَرَّايس ن ڒْفُقَهَا ونِّي ؤُمِي قَّارن قِيَافَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:47

يَالَّاه عِيْسَى يسَّاوَاڒ يُوْوض-د يَهُوْذَا، ئِجّن زِي ثنْعَاش نِّي ن اَرُّسُل نّس. يُوْوِي-د اَكِذس ڒْغَاشِي اَطَّاس يْسِين ڒسْيُوْف ذ يدبُّوْزن. سّكّن-ثن-د اَرُّوْيَاس ن ڒْفُقَهَا ذ يمقّْرَانن ن أَيث-إِسْرَائِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:1

وَامِي يصْبَح ڒْحَاڒ، مَارَّا اَرُّوْيَاس ن ڒْفُقَهَا ذ يمقّْرَانن ن أَيث-إِسْرَائِيل مْشَاوَارن جَارَاسن حمَا اَذ نْغن عِيْسَى.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:29

مِينْزِي غَارس سُّلْطَا إِي زِي يسڒْمَاذ، وَار يدْجِي بُو اَمشْنَاو يمْسڒْمَاذن نْسن ن شَّرِيعَا.

مرقس 8:31

ئِبْذَا يسڒْمَاذ-يثن ينَّا-ٱسن: "أَقَا مِّيس ن بْنَاذم يتْخصَّا-يَاس اَذ يتْوَاعدّب خ وَاطَّاس ن ثْمسْڒَايِين، أَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يكَّر زِي ڒْموْث."

لوقا 20:19

ڒخْدّنِّي يمْسڒْمَاذن ن شَّرِيعَا ذ اَرُّوْيَاس ن ڒْفُقَهَا رزُّوْن اَذ طّْفن عِيْسَى، فهْمن بلِّي يسَّاوَاڒ خَاسن س ڒْمَعْنَا-يَا وَلَكِن ݣّْوْذن زِي شَّعْب.

لوقا 23:10

أَرُّوْيَاس ن ڒْفُقَهَا ذ يمْسڒْمَاذن ن شَّرِيعَا بدّن ذِنِّي تَهَامن-ث اَطَّاس.

يوحنا 18:3

صَافِي، يُوْسَا-د يَهُوْذَا غَار جَرْدَا نِّي يُوْوِي-د اَكِذس ڒْعَسْكَار، تْوَاسّكّن اَكِذس عَاوذ شَان ن يعسَّاسن زݣ يفَرِّيسِيْين أُو زِي اَرُّوْيَاس ن ڒْفُقَهَا. ؤُسِين-د س ڒفْنَارَاث ذ يصْفضَاون ذ ڒسْنَاح.

يوحنا 3:10

يَارَّا خَاس عِيْسَى ينَّا-ٱس: "إِيوَا ثْسڒْمَاذذ شك أَيث-إِسْرَائِيل وَار ثْفهِّيمذ شَا مَانَايَا؟

يوحنا 7:32

أَرِّين-د ڒخْبَار يفَرِّيسيْين بلِّي ڒْغَاشِي تْوشْوِيشن خَاس خ ثْمسْڒَايِين نِّي. أُوْشَا كَّرن اَرُّوْيَاس ن ڒْفُقَاهَا ذ يفَرِّيسيْين سّكّن يعسَّاسن بَاش اَث طّْفن.

يوحنا 8:3

منْبَعْد يمْسڒْمَاذن ن شَّرِيعَا ؤُڒَا ذ يفَرِّيسِيْين ؤُوِين-اَس-د يجّن ن ثمْغَارْث ؤُفِين-ت ثْخدّع اَرْيَاز نّس، سْبدّن-تث زَّاثْسن.

ڒخذايم 23:9

ئِوْقع يجّن ن سّْدَع يمْغَار، كَّرن ڒبْعَاض زݣ يمْسڒْمَاذن ن شَّرِيعَا نِثْنِي ذ يفَرِّيسِيْين تمْنَاقَارن س جّْهذ قَّارن: "نشِّين وَار ذَاس نْتِيف بُو شَان لْغَالط ذِي بْنَاذم-أَ، يمْكن يسِّيوڒ اَكِذس شَان ن جّنّ نِغ ذ شَان ن لْمَلَائِكَا."

ڒخذايم 4:5

ثِيوشَّا نّس مُوْنن ذِي لْقُدْس يمقّْرَانن ن أَيث-إِسْرَائِيل ذ اَرُّوْيَاس نْسن ذ يمْسڒْمَاذن ن شَّرِيعَا.

ڒخذايم 6:12

وَامِي سْعصّْبن يوْذَان ؤُڒَا ذ يمقّْرَانن ن أَيث-إِسْرَائِيل ذ يمْسڒْمَاذن ن شَّرِيعا، طّْفن سْتِيفَان ؤُوِين-ث غَار جْمَاعث ن لْحُكَّام ن أَيث-إِسْرَائِيل.