أَسڒْمذ ن سِيذِيثْنغ عِيْسَى لْكِتَاب ن مَتَّى 18:8 - ثريفيث 2020

⁸ شك فُوْس نّش نِغ ضَار نّش مڒَا يتْسبَّاب-اَش ذِي شَان ڒْمُعْصِيّث، قسّ-يث زَعْمَا نْضَر-يث. حْسن إِ شك اَذ تَاذْفذ جّنّث س يِجّن ن وفُوْس نِغ س يِجّن ن وضَار زِي مڒَا قِّيمن غَارك ثْنَاين ن يفَاسّن نِغ ثْنَاين ن يضَارن اَذ تْمنْضَارذ ذِي ثْمسِّي إِي وَار يخسِّين شَا عمَّارْص.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:27

وَلَكِن يتْخصَّا وَار نسْخيّق حَدّ. رُوْح غَار ڒبْحَر نْضَر ثِصنَّارْث ذݣ وَامَان، أَسْڒم نِّي إِي غَا ثطّْفذ ذ اَمزْوَارُو، رْزم-اَس اَقمُّوْم اَذَايس ثَافذ يجّن ن ثْپـيَّاسْت ن نُّقَارْث. يْسِي-ت ؤُش-اَسن-ت، خدْجس خَاش ذ خَافِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:41

ڒخْدّنِّي يِنِّي يدْجَان خ وࢲڒْمَاض اَذَاسن يِينِي ؤُزدْجِيذ: آ يِنِّي ينْعڒ أَربِّـي بعّْذم خَافِي! رُوْحم غَار ثْمسِّي إِي وَار يخسِّين عمَّارْص، ئِسْوجْذن إِ شِّيطَان ذ شَّيَاطِين نّس!

أَسڒْمذ ن سِيذِيثْنغ عِيْسَى لْكِتَاب ن مَتَّى 25:46

أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."

لوقا 14:33

أَمنِّي عَاوذ وَار يزمَّر شَا ؤُڒَا ذ يجّن زَّايْوم اَذ يِيڒِي ذ اَمحْضَار ينُو إِلَّا مڒَا يسْمح ذِي مَارَّا مِين غَارس.

لوقا 16:24

ئِڒَاغَا-يَاس ينَّا-ٱس: آ بَابَا بْرَاهِيم رحْم-اَيِي، سكّ-د لِعَازَر حمَا اَذ يسُوْفّ يجّن ن ثِيشّط ن وضَاض ن وفُوْس نّس ذݣ وَامَان بَاش اَزَّايس سمْضغ يڒس ينُو مِينْزِي نش تْعدَّابغ ذِي ثْمسِّي-يَا.

أيث-روما 13:12

دْجِيڒث اَقَا ثعْذُو، نْهَار اَقَا يُوْوض-د. خ مَانَايَا لَابُد أَ نكّس ڒحْوَايج ن ثَادْجسْت، أَ نݣّ اَرُّوْض ن نُّور ن ڒحْذِيذ.

لواحي ن يوحنا 14:10

أَتَاف اَذ يسو زݣ وَامَان ؤُضِيڒ يقسْحن إِݣ يدْجَان ذ اَغْضَب ن أَربِّـي يعْنِي ذ ڒْكَاس ن لْعِقَاب نّس. أَذ يعدّب س ثْمسِّي ذ ڒكْبْرِيْيث زَّاث إِ لْمَلَائِكَاث يصْفَان ذ يِزْمَار.

لواحي ن يوحنا 20:15

ونِّي وَار غَار ؤُفِين شَا يسم نّس يزمّم ذِي لْكِتَاب ن ثُوْذَارْث قَا يمنْضَار-د ذِي ڒبْحَر ن ثْمسِّي.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."