أَسڒْمذ ن سِيذِيثْنغ عِيْسَى لْكِتَاب ن مَتَّى 17:2 - ثريفيث 2020

² ذِنِّي زَّاث إِ ثِيطَّاوِين نْسن يذْوڒ اَم يِجّن ن نُّوْر، أَغمْبُوْب نّس يتْشعْشِيع اَم ثْفُوْشْت. ئِذْوڒ وَارُّوْض نّس ذ اَشمْڒَاڒ يرقّ اَم ثْفَاوْث.

أَسڒْمذ ن سِيذِيثْنغ عِيْسَى لْكِتَاب ن مَتَّى 17:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:1

ثعْذُو ستّييَّام، عِيْسَى يُوْوِي اَكِذس بُطْرُس ذ يَعْقُوْب ذ وُوْمَاس يُوْحَنَّا، يُوْوِي-ثن وَاحذْسن غَار يِجّن ن وذْرَار يُوْعْڒَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 17:3

ئِمظْهَار-اَسن-د ذِنِّي نَّبِي إِلْيَاس ذ نَّبِي مُوْسَى. تْوَاڒَان-ثن سَّاوَاڒن اَك عِيْسَى.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:3

ؤُذم نّس يتْشعْشِيع س نُّوْر اَم وَاسَّام، أَرُّوْض نّس نتَّا ذ اَشمْڒَاڒ اَمشْنَاو اَذْفڒ.

مرقس 9:3

ئِذْوڒ وَارُّوْض نّس ذ اَشمْڒَاڒ يرقّ، وَار يزمَّر ؤُڒَا ذ يجّن خ ثْمُوْرْث اَذ يَرّ اَرُّوْض ذ اَشمْڒَاڒ اَم ونِّي.

لوقا 9:29

وَامِي يࢲُّوْدْج، ئِبدّڒ وغمْبُوْب نّس يذْوڒ ذَايس نُّوْر، يذْوڒ وَارُّوْض نّس ذ اَشمْڒَاڒ يتْشعْشِيع.

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 17:24

آ بَابَا، يِيْنَا ذَايِي ثُوْشِيذ خْسغ اَذ يڒِين اَكِذِي مَانِي مَا دْجِيغ نش حمَا اَذ ࢲرن لْعَظَمَا ينُو إِي ذَايِي ثُوْشِيذ مِينْزِي شك ثْحِبّذ-اَيِي قْبَڒ مَا ٱذ تِيڒِي دُّنشْت.

أيث-روما 12:2

وَار تݣّم شَا مِين تݣّن يِوْذَان ذِي ڒْوقْث-أَ ثَانِيتَا. ئِتْخصَّا اَغَارْوم يِيڒِي يجّن ن ڒَعْقڒ ذ جْذِيذ حمَا اَذ تْوَابدّْڒم، سّنِّي اَذ تسّْنم كنِّيو مِين يخس أَربِّـي، يعْنِي مِين يصبْحَان ذ مِين ذَاس يتعْجِيبن وَار ذَايس بُو وخطِّي.

لواحي ن يوحنا 10:1

ࢲْرِيغ يجّن ن لْمَلَاك نّغْنِي يجهْذ يهْوَا-د زݣ وجنَّا، ئِنّض-اَس-د وسيْنُو. خ وزدْجِيف نّس يجّن ن ثسْڒِيث ن ونْࢲَار، أَغمْبُوْب نّس يݣَّا اَم ثْفُوْشْت، ئِضَارن نّس ݣِّين اَم يـپِــيلَارن ن ثْمسِّي.

لواحي ن يوحنا 20:11

ࢲْرِيغ يجّن ن لْعَرْش ذ اَشمْڒَاڒ ذ اَمقّْرَان. ونِّي خَاس يقِّيمن ثَرْوڒ زَّايس ثْمُوْرْث ذ وجنَّا وَار ذَاسن يقِّيم بُو ومْشَان.