أَسڒْمذ ن سِيذِيثْنغ عِيْسَى لْكِتَاب ن مَتَّى 13:23 - ثريفيث 2020

²³ وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم شَان بْنَاذم إِݣ يتْسْڒَان إِ وَاوَاڒ ن أَربِّـي، ئِفهّم-اَس يتَارو. ئِجّن يتَارو مِيَّا، ئِجّن ستِّين، ئِجّن ثْڒَاثِين."

أَسڒْمذ ن سِيذِيثْنغ عِيْسَى لْكِتَاب ن مَتَّى 13:23 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:33

مڒَا ثَشجَّارْث ذ ثَصبْحَانْت، أَتَاف اَذ تَارو مِين يدْجَان ذ اَصبْحَان. مڒَا ثَشجَّارْث ذ ثَعفَّانْت، أَتَاف اَذ تَارو مِين يدْجَان ذ اَعفَّان. ثَشجَّارْث ثْظهَّار-د س مِين تَارو.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:8

وَلَكِن شَان زَّرِّيعث ثوْضَا خ ثْمُوْرْث ثَصبْحَانْت، ثݣَّا ثِيْذرِين. ڒبْعَاض ݣِّينْت مِيَّا، ڒبْعَاض ݣِّينْت ستِّين، ڒبْعَاض ݣِّينْت ثْڒَاثِين.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:10

أَقَا شَاقُوْر يوْجذ حمَا اَذ يقسّ يࢲوْرَان ن ڒْشجُّوْر. مْكُڒ ثَشجَّارْث إِي وَار يتِيرْون شَا مِين يدْجَان ذ اَصبْحَان اَتَاف اَذ تْوَاقسّ اَذ تْمنْضَار ذِي ثْمسِّي.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:8

مڒَا ثْتُوْبم ذ صَّح، ݣّث ڒخْذَايم ثِصبْحَانِين.

مرقس 10:15

أَقَا تسْڒَام ڒْحَقّ: لَابُد إِ بْنَاذم اَذ يَامن س ڒْمُلْك ن أَربِّـي مَامْش زَّايس يتَامن وحنْجِير اَمزْيَان. مڒَا لَّا، أَتَاف بْنَاذم نِّي عمَّارص اَذ يَاذف ذِي ڒْمُلْك ن أَربِّـي."

مرقس 4:20

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث تَارْون. ڒبْعَاض تَارْون ثْڒَاثِين، ڒبْعَاض ستِّين، ڒبْعَاض مِيَّا."

لوقا 13:9

مڒَا ثُوْرو-د ثَازَارْث ذݣ وسݣّْوَاس-أَ إِي د غَا يَاسن، أَتَاف مْلِيح. مڒَا عَاذ وَالُو، أَتَاف صَافِي قسّ-يت."

لوقا 8:15

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث س وُوْڒ نْسن اَصبْحَان ذ اَشمْڒَاڒ، صبَّارن حمَا اَذ اَرْون.

لوقا 8:8

شَان زَّرِّيعث ثوْضَا خ ثْمُوْرْث ثَصبْحَانْت. ثُوْڒِي-د ثمْغَار ثݣَّا ثِيذرِين كُڒ يشْتن ثُوْرو مِيَا." وَامِي يكمّڒ وَاوَاڒ-أَ ينَّا س جّْهذ: "صنّط مْلِيح آ ونِّي يتْسْڒَان."

يوحنا 15:16

مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو.

يوحنا 8:47

ونِّي يدْجَان ن أَربِّـي اَتَاف نتَّا يتسْڒَا إِ وَاوَاڒن ن أَربِّـي. كنِّيو وَار تسْڒِيم شَا مِينْزِي كنِّيو وَار ثدْجِيم شَا ن أَربِّـي."

ڒخذايم 16:14

أَكِذْسنْت ذِنِّي يجّن ن ثمْغَارْث ثسْڒَا-يَانغ قَّارن-اَس لِيدْيَا. نتَّاث زِي ثنْدِينْت ن ثِيَاتْرَا ثزْنُوْزَا ثْشُوْقّت نِّي إِي يغْڒَان لُّوْن نّس ذ لِّيلَا، ثْعبّذ أَربِّـي. يرْزم-اَس سِيذِي أَربِّـي ؤُڒ نّس بَاش اَذ تْصنّط إِ وَاوَاڒ ن بُوْلُس.

ڒخذايم 17:11

أَيث-بِيرْيَا نِثْنِي حْسن زݣ اَيث-سَالُوْنِيك، قبّْڒن اَوَاڒ ن أَربِّـي ذغْيَا س ڒفْرَاحث. قَّارن ذِي لْكُتُب كُڒ نْهَار بَاش اَذ سّْنن اَوَاڒ نِّي إِي قَّارن بُوْلُس ذ سِيلَاس مَا ذ صَّح نِغ لَّا.

22 أيث-كورينث 9:10

ونِّي إِݣ يفرّْقن زَّرِّيعث إِ وفدْجَاح نِّي إِݣ يزرّْعن ئِتِيشّ-اَس عَاوذ ؤُڒَا ذ اَغْرُوْم إِي غَا يشّ، أَتَاف نتَّا عَاوذ اَذَاوم يَرْنِي ذِي زَّرِّيعث نِّي إِي ثْزرّْعم اَذ يسمْغَار مِين ثْمجَّارم زِي صَّذَاقَا-يَا نْوم.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

أيث-فيليـپـي 4:17

وَلَكِن نش وَار رزُّوْغ شَا اَذَايِي ثُوْشم شَا ن ڒْحَاجث، نش رزُّوْغ مِين غَا يَرْنِين ذِي لْأَجَار نْوم اَك أَربِّـي.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

1 أيث-سلونيك 4:1

فَا آي أَيثْمَا عْلَاحْسَاب ثِمسْڒَايِين نّغْنِي، كنِّيو قَا ثْقبْڒم زَّايْنغ مَامش إِي غَا ثْعِيشم بَاش اَخَاوم يَارْضَا أَربِّـي؛ أَمنِّي عَاوذ إِي تْعِيشم. ڒخُّو ذِي عِيْسَى لْمَسِيح نتْحشَّام-يكنِّيو نتْوصَّا-كنِّيو بَاش اَذ تݣّم عَاذ كْتَار.

2 أيث-سلونيك 2:10

ذ مَارَّا يبْرِيذن ن شَّرّْ إِي زِي تْوَاشمَّاثن يِنِّي يفنَّان. نِثْنِي اَذ فْنَان مِينْزِي وَار قْبِيڒن شَا اَذ تخْسن لْحَقِيقَا بَاش اَثن يسنْجم أَربِّـي.

يعيبرانيين 4:2

لِأَنَّا ڒخْبَار-أَ ن ڒْخِير إِي ذَانغ د يتْوَابشَّرن إِ نشِّين، ؤُڒَا ذ ڒجْذُوْذ نّغ تْوَابشَّرن زَّايس. وَلَكِن وَار سْتنْفِيْعن شَا زَّايس وَامِي ؤُݣِين اَزَّايس اَمْنن.

يعيبرانيين 6:7

شُوْف، مڒَا ثَمُوْرْث يشَّاث خَاس ونْࢲَار اَطَّاس نتَّاث ثْسسّ تِيشّ ثَفدْجَاحْث، أَتَاف اَذ تَاوِي يجّن ن لْبَرَكَا زِي أَربِّـي.

يعيبرانيين 8:10

ذ وَانِيتَا ذ ڒْعَهذ إِي غَا ݣّغ اَك أَيث-إِسْرَائِيل منْبَعْد إِ ڒْوقْث نِّي، يقَّار-يث سِيذِي أَربِّـي. أَذَاسن سِيذْفغ ڒُوْصِيَاث ينُو ذِي ڒَعْقُوْڒَاث نْسن، أَغَارْسن يڒِينْت ذ ثِيْرَا خ وُوْڒَاون نْسن. أَذ يڒِيغ ذ أَربِّـي نْسن اَذ يڒِين ذ شَّعْب ينُو.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.