أَسڒْمذ ن سِيذِيثْنغ عِيْسَى لْكِتَاب ن مَتَّى 10:3 - ثريفيث 2020

³ ذ فِيلِيپَّـاس، ذ بَرْتُلُمَاي، ذ تُوْمَا، ذ مَتَّى زݣ يعشَّارن، ذ يَعْقُوْب مِّيس ن حَلْفَى، ذ تَدِّي،

أَسڒْمذ ن سِيذِيثْنغ عِيْسَى لْكِتَاب ن مَتَّى 10:3 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 18:17

وَلَكِن مڒَا يُوْݣِي اَغَارْسن يصنّط، ئِنِي-ث إِ جْمَاعث ن ڒْمُوْمِنِين. أُو مڒَا يُوْݣِي اَغَارْسن يصنّط، حْسب-يث ذ ڒْكَافر نِغ ذ اَخدَّاع.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:56

ذَايْسنْت مَرْيَم ثَمَݣْدَلِيث، ذ مَرْيَم يمَّاس ن يَعْقُوْب اَمزْيَان ذ يُوْسف، ذ يشْتن نّغْنِي نتَّاث ذ يمَّاس ن ثَارْوَا ن زَبَادِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:9

وَامِي يُوْيُوْر سّنِّي عِيْسَى، يُوْفَا يجّن ن ورْيَاز قَّارن-اَس مَتَّى يقِّيم ذݣ ومْشَان مَانِي جمّْعن ضَّرِيبَا. ينَّا-ٱس عِيْسَى: "ذْفَار-اَيِي-د!" أُوْشَا يكَّر مَتَّى يذْفَار-يث.

مرقس 15:40

ذِنِّي شَان ن ثمْغَارِين خزَّرنْت-يد زِي ڒݣّْوَاج، ذَايْسنْت مَرْيَم ثَمَݣْدَالِيث، ذ سَالُوْمِي، ذ مَرْيَم يمَّاس ن يَعْقُوْب اَمزْيَان ذ يُوْسِيس.

مرقس 2:14

وَامِي يعْذُو سّنِّي، يُوْفَا لَاوِي مِّيس ن حَلْفَى يقِّيم غَار مِيسَّا ذݣ ومْشَان مَانِي جمّْعن ضَّرِيبَا. ينَّا-ٱس عِيْسَى: "ذْفَار-اَيِي-د." أُوْشَا يكَّر يذْفَار-يث.

مرقس 3:18

ذ أَنْدْرُوْس، ذ فِيلِيـپَّـاس، ذ بَارْتُوْلُوْمَاي، ذ مَتَّى، ذ تُوْمَا، ذ يَعْقُوْب مِّيس ن حَلْفَى، ذ تَدِّي، ذ سِمْعَان ؤُمِي قَّارن <لْمُنَاضِل>،

لوقا 18:10

"ئِجّن ن نْهَار رُوْحن يجّن ن ثْنَاين ن يرْيَازن غَار ثمْزِيذَا ثَمقّْرَانْت ن أَيث-إِسْرَائِيل حمَا اَذ ࢲَّادْجن، ئِجّن زِي ڒْحِزب ن يفَرِّيسِيْين، ئِجّن يجمّع ضَّرِيبَا.

لوقا 18:11

ئِبدّ وفَرِّيسِي نِّي يتْࢲَدْجَا ذِي نّفْس نّس ينَّا: يَا أَربِّـي تْشكَّرغ-شك، مِينْزِي وَار دْجِيغ شَا اَم يِوْذَان نّغْنِي يدْجَان ذ يخوَّانن نِغ ذ يِنِّي وَار يدْجِين شَا نِيشَان نِغ ذ يِنِّي يزنَّان نِغ اَم وَانِيتَا إِݣ يجمّْعن ضَّرِيبَا!

لوقا 18:13

وَلَكِن ونِّي يجمّْعن ضَّرِيبَا يبدّ غَار ڒݣّْوَاج. وَار يزْعِيم حتَّا اَذ ييْسِي ثِيطَّاوِين نّس غَار وجنَّا، ئِشَّاث ذݣ وُوْڒ نّس ينَّا: يَا أَربِّـي، رْحم-اَيِي نش ذ لْعَاصِي!

لوقا 19:2

ذِنِّي يجّن ن ورْيَاز ذ تَّاجَر زݣ يمقّْرَانن ن يعشَّارن قَّارن-اَس زَكِي.

لوقا 5:27

منْبَعد يرُوْح عِيْسَى يُوْفَا يجّن يجمّع ضَّرِيبَا قَّارن-اَس لَاوِي، ئِقِّيم ذݣ ومْشَان مَانِي جمّْعن ضَّرِيبَا. ينَّا-ٱس عِيْسَى: "ذْفَار-اَيِي-د."

يوحنا 1:48

ينَّا-ٱس نَاثْنَاهِيل إِ عِيْسَى: "مِينْزِي ذَايِي ثسّْنذ؟" ينَّا-ٱس عِيْسَى: "ࢲْرِيغ-ش سْوَادَّاي إِ ثْشجَّارْث ن ثَازَارث، قْبڒ مَا ش د يڒَاغَا فِيلِيپَّـاس."

يوحنا 11:16

تُوْمَا يعْنِي ونِّي ؤُمِي قَّارن أَشْنِيو ينَّا-ٱسن إِ يمحْضَارن إِي يدْجَان ذ يمدُّوْكَاڒ نّس: "أَكِس نُوْيُوْر ؤُڒَا ذ نشِّين اَكِس نمّث."

يوحنا 14:22

ينَّا-ٱس يَهُوْذَا (مَاشِي يَهُوْذَا إِسْخَرْيُوْطِي): "آ سِيذِي، مَايمِّي غَا د ثْسظْهَارذ يخف نّش إِ نشِّين، دُّنشْت لَّا؟"

يوحنا 14:5

ينَّا-ٱس تُوْمَا: "آ سِيذِي، وَار نسِّين شَا مَانِي غَا ثْرَاحذ، مَامّش غَا نسّن اَبْرِيذ؟"

يوحنا 14:9

ينَّا-ٱس عِيْسَى: "قَاع ڒْوقْث-أَ إِي كِوم كِّيغ عَاذ وَار ذَايِي ثسِّينذ شَا آ فِيلِيپَّـاس؟ ونِّي إِي ذَايِي يࢲْرِين، يࢲْرَا بَابَا. مَايمِّي ذَايِي ثتَّارذ اَذَاوم د سْمظْهَارغ بَابَا؟

يوحنا 21:2

مُوْنن ذِنِّي ڒبْعَاض ن يمحْضَارن نّس: سِمْعَان بُطْرُس ذ تُوْمَا ونِّي ؤُمِي قَّارن <أَشْنِيو>، ذ نَاثْنَاهِيل نتَّا زݣ وبِيلَاج ن قَانَا ذِي ثْمُوْرْث ن لْجَالِيل، ذ ثَارْوَا ن زَبَادِي، ذ ثْنَاين نّغْنِي.

ڒخذايم 1:13

وَامِي ؤُوْضن، ݣَعّْذن غَار ثْغُوْرْفَات مَانِي تِيڒِين: بُطْرُس ذ يُوْحَنَّا ذ يَعْقُوْب ذ أَنْدْرُوْس، ذ فِيلِيپَّـاس ذ تُوْمَا، ذ بَارْتُوْلُوْمَاي ذ مَتَّى، ذ يَعْقُوْب مِّيس ن حَلْفَى ذ سِمْعَان لْمُنَاضِل، ذ يَهُوْذَا مِّيس ن يَعْقُوْب.

ڒخذايم 12:17

ئِقَّار-اَسن س وفُوْس سْتُوْكَاث، سّنِّي يعَاوذ-اَسن مَامّش إِي ث يسُوْفغ سِيذِي أَربِّـي زِي ڒحْبس. ينَّا-ٱسن: "خبَّرم يَعْقُوْب ذ اَيثْمَاثْنغ س مِين يوقْعن." ئِفّغ يرُوْح غَار يِجّن ن ومْشَان نّغْنِي.

ڒخذايم 15:13

وَامِي كمّْڒن اَوَاڒ نْسن، ئِنْدق-د يَعْقُوْب ينَّا-ٱسن: "آي اَيثْمَا، صنّْطم غَارِي مْلِيح!

ڒخذايم 21:18

ثِيوشَّا نّس يُوْذف اَكِذْنغ بُوْلُس غَار اَرَّسُوْل يَعْقُوْب، حْضَارن ذِنِّي مَارَّا يمقّْرَانن ن جْمَاعث ن ڒْمُوْمِنِين.

أيث-ݣلاطيا 1:19

نش ذِنِّي وَار ࢲْرِيغ ؤُڒَا ذ يجّن ن اَرَّسُوْل نّغْنِي غِير يَعْقُوْب ؤُمَاس ن سِيذِيثْنغ.

أيث-ݣلاطيا 2:9

يَعْقُوْب ذ بُطْرُس ذ يُوْحَنَّا يتْوَاحْسَابن ذ يمقّْرَانن ذِي جْمَاعث نِّي، فهْمن اَرْضَا إِي ذَايِي يُوْشَا أَربِّـي سدْجْمن خَانغ نش ذ بَرْنَابَا س وفُوْس اَفُوْسِي نْسن اَمْعَاشَر. قبْڒن-اَنغ نشِّين أَ نْرَاح أَ نْبشَّر إِ يِنِّي يدْجَان ذ ييُوْنَانِيْين، نِثْنِي اَذ بشَّرن إِ يِنِّي يدْجَان زِي أَيث-إِسْرَائِيل.

ثبرات غار يعقوب 1:1

نش ذ يَعْقُوْب ذ ڒْعَبْذ ن أَربِّـي ذ ڒْعَبْذ ن سِيذِيثْنغ عِيْسَى لْمَسِيح، تْسدْجَامغ خ ثنْعَاش ن ثْقبَّاڒ ن ڒْمُوْمِنِين إِي يتمْزدْجَاعن خ ثْمُوْرَا.

ثبرات زي يهوذا 1:1

نش ذ يَهُوْذَا ذ اَخدَّام ن عِيْسَى لْمَسِيح، نش ذ ؤُمَاس ن يَعْقُوْب. تَارِيغ ثَبْرَات-أَ إِ يِنِّي إِي د يتْوَارَاغَان، ئِتْحِبَّا-ثن أَربِّـي بَابَاثْنغ، ئِحطَّا-ثن عِيْسَى لْمَسِيح.