لوقا 9:60 - ثريفيث 2020

⁶⁰ ينَّا-ٱس عِيْسَى: "يِنِّي يمُّوْثن اجّ-يثن اَذ نضْڒن يمتِّينن نْسن. شك اَرْوَاح اَذ تْبشَّرذ س ڒْمُلْك ن أَربِّـي."

لوقا 9:60 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 4:23

ئِݣُّوْر عِيْسَى ذِي لْإِقْلِيم ن لْجَلِيل مَارَّا، ئِسڒْمَاذ ذِي ثمْزِيذَاوِين ن أَيث-إِسْرَائِيل يتْبشَّر-يثن س لْإِنْجِيل ن ڒْمُلْك ن أَربِّـي يسْݣنْفَا مَارَّا ڒهْڒَاشَاث ذ دِّعَان ن دَّات ذݣ يِوْذَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:22

ينَّا-ٱس عِيْسَى: "ذْفَار-اَيِي-د." ينَّا-ٱس: "يِنِّي يمُّوْثن اجّ-يثن اَذ نضْڒن يمْتِّينن نْسن."

لوقا 15:32

ڒخُّو يتْخصَّا-ٱنغ أَ نْفَرح أَ نزْهُو اَطَّاس مِينْزِي ؤُمَاش تُوْغَا يمُّوْث، ڒخُّو يدَّر. تُوْغَا يودَّار، ڒخُّو يتْوَاف."

1 أيث-كورينث 9:16

وَلَكِن مڒَا تْبشَّارغ، وَار زمَّرغ اَذ فْتَخْرغ لِأَنَّا يتْخصَّا-ٱيِي أُو لَابُد اَذ بشَّرغ. يَا تَمَارَا خَافِي نش مَعْلِيك وَار تْبشَّارغ شَا!

أيث-ؤفسوس 2:1

فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ دّْنُوْب نْوم.

أيث-ؤفسوس 2:5

ئِسدَّر-اَنغ اَك لْمَسِيح وَاخَّا نشِّين س وُوْڒَاون نّغ نمُّوْث عْلَاحْسَاب ڒْمُعْصِيَاث نّغ. إِيوَا س اَرْضَا ن سِيذِي أَربِّـي إِي زِي ننْجم.

1 تيموتاوس 5:6

وَلَكِن ثنِّي يتْعِيشن ذِي شّهْوث وَاهَا، قَا نتَّاث ثمُّوْث وَاخَّا ثدَّر.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

2 تيموتاوس 4:5

شك اَرّ-د ڒْبَاڒ نّش ذِي مَارَّا ثِمسْڒَايِين، صْبَر إِ تَمَارَا، اݣّ ڒْخذْمث اَم ونِّي يتْبشَّارن، اݣّ لْوَاجِب ن ڒْخذْمث نّش.

لواحي ن يوحنا 3:1

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سَرْدِيس، إِنِي-يَاس قَا ونِّي غَار دْجَان سبْعَا ن اَرُّوْحَاث ن أَربِّـي ذ سبْعَا ن يِيثْرَان، ئِقَّار-اَش: نش سّْنغ ڒخْذَايم نّش. قَّارن قَا شك ثدَّرذ وَلَكِن لَّا شك ثمُّوْثذ.