لوقا 9:51 - ثريفيث 2020

⁵¹ عِيْسَى وَامِي د تُوْوض ڒْوقْث نّس إِي ذِي غَا يتْوَارْفع غَار وجنَّا، ئِكَّر يوجّه اَغمْبُوْب نّس بَاش اَذ يرَاح غَار ثنْدِينْت ن لْقُدْس.

لوقا 9:51 ပူးပေါင်းရင်းမြစ်များ

مرقس 16:19

ئِسِّيوڒ اَكِذْسن سِيذِيثْنغ عِيْسَى سّنِّي يتْوَارْفع غَار وجنَّا يقِّيم خ وفُوْسِي ن أَربِّـي.

لوقا 12:50

ئِتْخصَّا-ٱيِي اَذ تْوَاعَدّْبغ، خيّْقغ اَطَّاس حتَّا اَڒ غَا عْذُوْغ مَانَاينِّي.

لوقا 13:22

ئِكَّا عِيْسَى خ يبِيلَاجن ذ ڒدْشُوْرَاث، ئِسڒْمَاذ يݣُّوْر غَار ثنْدِينْت ن لْقُدْس.

لوقا 17:11

عِيْسَى ذݣ وبْرِيذ غَار ثنْدِينْت ن لْقُدْس، ئِكَّا خ وبْرِيذ مَانِي تْحدَّا ثْمُوْرْث ن سَامَارْيَا ذ ثْمُوْرْث ن لْجَلِيل.

لوقا 18:31

ئِرُوْح عِيْسَى يُوْوِي ثنْعَاش نِّي ن يمحْضَارن نّس وَاحذْسن ينَّا-ٱسن: "أَقَا نتْݣَعَّاذ غَار لْقُدْس مَانِي إِي غَا يكمّڒ مَارَّا مِين ؤُرِين لْأَنْبِيَا خ مِّيس ن بْنَاذم.

لوقا 19:11

وَامِي تسْڒَان إِ مَانَايَا، ئِسِّيوڒ اَكِذْسن عِيْسَى س يِجّن ن ڒْمَعْنَا نّغْنِي ڒَاحقَّاش تُوْغَاث يُوْذس غَار ثنْذِينْت ن لْقُدْس. عَاوذ تْغِير-اَسن ڒْمُلْك ن أَربِّـي اَذ د يمظْهَار ڒخْدّنِّي.

لوقا 19:28

عِيْسَى وَامِي ينَّا اَوَاڒ-أَ يكَّر نتَّا يݣُّوْر بَاش اَذ يݣَعّذ غَار ثنْدِينْت ن لْقُدْس.

لوقا 24:51

وَامِي ثن يتْبَرَاك، ئِتْݣَعَّاذ خَاسن يتْوَارْفع غَار وجنَّا.

لوقا 9:57

وَامِي ݣُّوْرن خ وبْرِيذ، يُوْسَا-د يجّن ينَّا-ٱس إِ عِيْسَى: "نش اَش ذْفَارغ مَانِي مَا ثْرُوْحذ."

يوحنا 13:1

قْبڒ إِ ڒْعِيذ اَمقّْرَان، نتَّا عِيْسَى يسّن قَا ڒْوقْث نّس ثُوْوض-د اَذ يمُوْتِّي زِي دُّنشْت-أَ غَار بَابَاس. نتَّا يحِبّ يِنِّي يدْجَان اَكِذس ذِي دُّنشْت، ئِحِبّ-يثن اَڒ ونݣَّارُو.

يوحنا 16:28

فّْغغ-د زِي بَابَا وْضغ-د غَار دُّنشْت-أَ. أَذ ؤُيُوْرغ زِي دُّنشْت-أَ اَذ عقْبغ عَاوذ غَار بَابَا."

يوحنا 16:5

ڒخُّو نش اَذ رَاحغ غَار ونِّي إِي ذَايِي د يسّكّن، وَلَكِن كنِّيو ؤُڒَا ذ يجّن زَّايْوم وَار ذَايِي يسّقْسِي مَانِي غَا رَاحغ.

يوحنا 17:11

وَار تْغِيمِيغ شَا نش ذِي دُّنشْت، أَذ قِّيمن نِثْنِي ذَايس أُو نش ݣُّوْرغ-د غَارش. آ بَابَا اَمْقدّس، حْضَا-ثن س يِيسم نّش إِي ذَايِي ثُوْشِيذ حمَا اَذ يڒِين ذ يجّن اَم نشِّين.

يوحنا 6:62

ئِي مڒَا ثࢲْرِيم مِّيس ن بْنَاذم يتْوَارْفع غَار مَانِي يقِّيم ذ اَمزْوَارُو؟

ڒخذايم 1:9

غِير يكمّڒ عِيْسَى اَوَاڒ نّس، ئِتْوَارْفع غَار وجنَّا. قِّيمن تْخزَّرن ذَايس أُوْشَا يودَّار-اَسن ذݣ وسيْنُو.

أيث-ؤفسوس 1:20

إِݣ يݣَّا ذِي لْمَسِيح وَامِي ثِيذ يسكَّر زِي ڒْموْث يسْغِيم-يث خ وفُوْسِي نّس ذݣ يجنَّاثن.

أيث-فيليـپـي 3:14

تْحَاوَاڒغ خ مَانَاينِّي إِي خف رزُّوْغ بَاش اَذ ربْحغ لْجَائِزَا نِّي إِي زِي ذَايِي د يڒَاغَا أَربِّـي غَارس غَار وجنَّا س عِيْسَى لْمَسِيح.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

يعيبرانيين 6:20

ذݣ ومْشَان نِّي يُوْذف عِيْسَى ذِنِّي ذ اَمزْوَارُو عْلَاحْسَاب نشِّين، ئِذْوڒ ذ ڒفْقِي اَمقّْرَان إِ ڒبْدَا اَمشْنَاو لْفِرْقَا نِّي ن ڒفْقِي ؤُمِي قَّارن مَلِكِيصَادِق.

1 بطرس 3:22

ذ نتَّا يݣَعّْذن غَار وجنَّا اَقَاث خ وفُوْسِي ن أَربِّـي، يَارَّا لْمَلَائِيكَاث سْوَادَّاي ن لْحُكم نّس ذ يِنِّي يحكّْمن ذ يِنِّي يجهْذن.