لوقا 9:5 - ثريفيث 2020

⁵ مڒَا وَار كنِّيو قْبِيڒن شَا ذِي شَان ثنْدِينْت، فّْغم سّنِّي مسْحث ثَعجَّاشْت زݣ يضَارن نْوم اَم شَا ن شْهَاذث خَاسن."

لوقا 9:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:18

أَكنِّيو جَرّن غَار لْحُكَّام ذ يزدْجِيذن عْلَاحْسَاب يسم ينُو حمَا اَخَافِي ثْشهْذم غَار نِثْنِي ذ يِنِّي زِي ڒݣْنُوْس.

مرقس 6:11

مڒَا وَار كنِّيو قْبِيڒن شَا ذِي شَان ومْشَان نِغ وَار خْسن شَا اَغَارْوم صنّْطن، فّْغم سّنِّي مسْحث ثَعجَّاشْت زݣ يضَارن نْوم اَم شَا ن شْهَاذث خَاسن."

مرقس 9:37

"ونِّي غَا يقبْڒن شَان وحنْجِير اَم وَانِيتَا عْلَاحْسَاب يسم ينُو، أَخْمِي ذ نش إِݣ يقْبڒ. ونِّي ذَايِي غَا يقبْڒن، مَاشِي ذ نش إِݣ يقْبڒ؛ لَّا، يقْبڒ ونِّي ذَايِي د يسّكّن."

لوقا 10:16

ينَّا-ٱسن عِيْسَى إِ يمحْضَارن نّس: "ونِّي يتْسْڒَان إِ وَاوَاڒ نْوم، أَتَاف يتْسْڒَا-يَايِي إِ نش. ونِّي وَار كنِّيو يقْبِيڒن شَا، أَتَاف ؤُڒَا ذ نش وَار ذَايِي يقْبِيڒ شَا. ونِّي وَار ذَايِي يقْبِيڒن شَا نش، أَتَاف وَار يقْبِيڒ شَا ونِّي ذَايِي د يسّكّن."

لوقا 5:14

ئِوصَّا-ث ينَّا-ٱس: "وَار تْخبَّر حَدّ." ينَّا-ٱس: "رُوْح غَار ڒفْقِي سظْهَار-اَس يخف نّش. اݣّ صّذْقث نِّي إِي زِي يوصَّا مُوْسَى حمَا اَغَارْسن ثِيڒِي شْهَاذث خ مين يوقْعن."

لوقا 9:4

خْمِي غَا ثَاذْفم غَار شَان ثدَّارْث، قِّيمم ذِنِّي اَڒ غَا ثُوْيُوْرم سّنِّي.

لوقا 9:48

ينَّا-ٱسن: "ونِّي غَا يقبْڒن شَان وحنْجِير اَم وَانِيتَا عْلَاحْسَاب يسم ينُو، أَخْمِي ذ نش إِݣ يقْبڒ. ونِّي ذَايِي يقبّْڒن، أَتَاف يقْبڒ ونِّي ذَايِي د يسّكّن. مِينْزِي ونِّي يدْجَان زَّايْوم ذ اَمزْيَان قَاع، ذ نتَّا إِݣ يدْجَان ذ اَمقّْرَان."

ڒخذايم 13:51

كَّرن بُوْلُس ذ بَرْنَابَا مسْحن ثَعجَّاشْت زݣ يضَارن نْسن اَم يِجّن ن شْهَاذث خَاسن، رُوْحن غَار ثنْدِينْت ن إِكُوْنْيَا.

ڒخذايم 18:6

وَامِي بْذَان تْعَارَّاضن-اَس تْبُوْصَارن خَاس، ئِمْسح اَرُّوْض نّس اَم يِجّن ن شْهَاذث خَاسن ينَّا-ٱسن: "ئِذَامّن نْوم خ يِيڒَاون نْوم، قَا نش تْبرِّيغ اَزدْجِيف ينُو زَّايْوم. سَّا ٱڒ ثْسَاونْت اَذ رَاحغ غَار يِنِّي وَار يدْجِين شَا زِي أَيث-إِسْرَائِيل."