لوقا 9:44 - ثريفيث 2020

⁴⁴ "صنّْطث مْلِيح إِ وَاوَاڒ-أَ إِي ذَاوم غَا ينِيغ: مِّيس ن بْنَاذم عْڒَاين اَذ يتْوَاسلّم غَار يفَاسّن ن يِوْذَان."

لوقا 9:44 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:21

سّنِّي يبْذَا عِيْسَى يسْفهَّام إِ يمحْضَارن نّس بلِّي لَابُد اَذ يرَاح نتَّا غَار ثنْدِينْت ن لْقُدْس اَذ يتْوَاعدّب خ وَاطَّاس ن ثْمسْڒَايِين خ وفُوْس ن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْمُوْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:2

"ثسّْنم بلِّي ڒْعِيذ اَمقّْرَان ن أَيث-إِسْرَائِيل يقِّيم-اَس يُوْمَاين. ذَايس إِي غَا يتْوَاسلّم مِّيس ن بْنَاذم اَذ يتْوَاصلّب."

مرقس 8:31

ئِبْذَا يسڒْمَاذ-يثن ينَّا-ٱسن: "أَقَا مِّيس ن بْنَاذم يتْخصَّا-يَاس اَذ يتْوَاعدّب خ وَاطَّاس ن ثْمسْڒَايِين، أَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يكَّر زِي ڒْموْث."

مرقس 9:31

مِينْزِي يرزُّو اَذ يسڒْمَاذ إِ يمحْضَارن نّس. ينَّا-ٱسن: "مِّيس ن بْنَاذم اَذ يتْوَاسلّم غَار يفَاسّن ن يِوْذَان. أَث نْغن، نْهَار وِيس ثڒْتِيَّام منْبَعْد إِ ڒْموْث نّس اَذ د يكَّر."

لوقا 1:66

مَارَّا ؤُݣ يتسْڒَان خ ثْمسْڒَايِين-أَ قّارن ذݣ وُوْڒَاون نْسن، مِين غَا يذْوڒ وحنْجِير-أَ؟ مِينْزي فُوْس ن سِيذِي أَربِّـي اَقَاث اَكِذس.

لوقا 18:31

ئِرُوْح عِيْسَى يُوْوِي ثنْعَاش نِّي ن يمحْضَارن نّس وَاحذْسن ينَّا-ٱسن: "أَقَا نتْݣَعَّاذ غَار لْقُدْس مَانِي إِي غَا يكمّڒ مَارَّا مِين ؤُرِين لْأَنْبِيَا خ مِّيس ن بْنَاذم.

لوقا 2:19

أَمَّا مَرْيَم، ثْخمّڒ مَارَّا ثِمسْڒَايِين-أَ ذݣ وُوْڒ نّس تْخمَّام ذَايْسنْت.

لوقا 2:51

ئِذْوڒ-د اَكِذْسن غَار نَاصِرَا يتݣّ-اَسن اَرَّاي. يمَّاس تْخمَّام ذِي مَارَّا مَانَايَا ذݣ وُوْڒ نّس.

لوقا 24:44

ينَّا-ٱسن: "ذ وَا ذ اَوَاڒ إِي زِي كِذْوم سِّيوْڒغ وَامِي عَاذ تُوْغَا دْجِيغ اَكِذْوم، يعْنِي لَابُد اَذ يكمّڒ مَارَّا مِين خَافِي يُوْرِين ذِي شَّرِيعَا ن مُوْسَى ذ لْكُتُب ن لْأَنْبِيَا ذ زَّبُوْر."

لوقا 9:22

ينَّا-ٱسن إِ يمحْضَارن نّس: "مِّيس ن بْنَاذم لَابُد اَذ يتْوَاعدّب خ وَاطَّاس ن ثْمسْڒَايِين، اَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْموْث."

يوحنا 16:31

ئِنْدق-د عِيْسَى ينَّا-ٱسن: "ڒخُّو إِي ثُوْمْنم نِغ؟

يوحنا 16:4

قَا نِّيغ-اَوم ثِمسْڒَايِين-أَ ڒخُّو بَاش مڒْمِي د غَا ثَاس ڒْوقْث، أَذ تْعَقْڒم بلِّي نِّيغ-اَوم-ثنْت نش. ذݣ ومزْوَارُو وَار ذَاوم نِّيغ شَا ثِمسْڒَايِين-أَ مِينْزِي نش اَقَايِي اَكِذْوم.

يوحنا 19:11

ئِنْدق-د عِيْسَى ينَّا-ٱس: "وَار غَارك بُو جّْهذ خَافِي إِلَّا مڒَا يمُّوْش-اَش زِي أَربِّـي. عْلَاحْسَاب مَانَايَا، ونِّي إِي ذَايِي د يُوْوِين غَارش، غَارس دّْنُوْب كْتَار زَّايك."

ڒخذايم 2:23

ئِي كنِّيو مِين ذَاس ثݣِّيم؟ وَامِي يتْوَاسلّم عْلَاحْسَاب مَامّش يخس أَربِّـي ذ مَامّش تُوْغَا يسّن نتَّا، كنِّيو ثْصلّْبم-ث ثنْغِيم-ث س يفَاسّن ن لْكُفَّار.

يعيبرانيين 2:1

خ مَانَايَا لَابُد أَ د نَارّ ڒْبَاڒ نّغ إِ مِين نتْسْڒَا بَاش وَار نْتفّغ شَا اَبْرِيذ.