لوقا 9:27 - ثريفيث 2020

²⁷ أَقَا تسْڒَام ڒْحَقّ: ڒبْعَاض زݣ يِنِّي يدْجَان ذَا اَكِذِي وَار تْمتِّين شَا اَڒ غَا ࢲرن ڒْمُلْك ن أَربِّـي."

لوقا 9:27 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:28

أَقَا تسْڒَام ڒْحَقّ: ڒبْعَاض زݣ يِنِّي يدْجَان ذَا اَكِذِي وَار تْمتِّين شَا اَڒ غَا ࢲرن مِّيس ن بْنَاذم يُوْسَا-د ذِي ڒْمُلْك نّس."

مرقس 14:25

أَقَّا تسْڒَام ڒْحَقّ: زِي سَّا اَڒ ثْسَاونْت وَار سسّغ شَا زݣ وَامَان-أَ وضِيڒ حتَّا اَڒ نْهَار نِّي إِي ثن غَا سْوغ زِي جْذِيذ ذِي ڒْمُلْك ن أَربِّـي."

مرقس 9:1

ينَّا-ٱسن عِيْسَى: "أَقَا تسْڒَام ڒْحَقّ: ڒبْعَاض زݣ يِنِّي يدْجَان ذَا اَكِذِي وَار تْمتِّين شَا اَڒ غَا ࢲرن ڒْمُلْك ن أَربِّـي يُوْسَا-د س جّْهذ."

لوقا 2:26

تُوْغَا نتَّا يخْبَر-يث أَرُّوْح يقدّْسن وَار يتْمتِّي شَا اَڒ غَا يࢲر لْمَسِيح ن سِيذ أَربِّـي.

لوقا 22:18

أَقَا قَّارغ-اَوم: زِي سَّا اَڒ ثْسَاونْت وَار سسّغ شَا زݣ وَامَان-أَ ن وضِيڒ اَڒ د غَا يَاس ڒْمُلْك ن أَربِّـي."

يوحنا 14:2

ثَدَّارْث ن بَابَا ذَايس اَطَّاس ن يخَّامن. مَعْلِيك وَار يدْجِي شَا اَمنِّي، إِڒِي نِّيغ-اَوم-ت. أَذ رَاحغ نش اَذَاوم سْوجْذغ اَمشَان.

يوحنا 16:7

أَقَا تسْڒَام ڒْحَقّ: حْسن إِ كنِّيو اَذ رَاحغ. مڒَا وَار رُوْحغ شَا، أَتَاف وَار غَارْوم د يتِيس شَا لْمُعَاوِن نِّي. وَلَكِن مڒَا رُوْحغ، أَتَاف اَذَاوم ثِيذ سّكّغ.

يوحنا 8:59

كَّرن يسْرَائِيلِيْين نِّي يْسِين يزْرَا حمَا اَث رجْمن، وَلَكِن عِيْسَى ينسْڒث يفّغ زِي ثمْزِيذَا ثَمقّْرَانْت.

يعيبرانيين 2:9

وَلَكِن عِيْسَى وَاه، نتْوَاڒَا-ث ڒخُّو س تَّاج نّس ن ڒُوقَّار ذ وَاطَّاس ن شَّان. مَايمِّي؟ لِأَنَّا عِيْسَى ذݣ يِجّن ن ڒْوقْث تُوْغَا يسهْوَا-ث-يذ أَربِّـي شْوَايْت سْوَادَّاي إِ لْمَلَائِكَاث يعْنِي وَامِي يصْبَر إِ ڒَعْذَاب ن ڒْموْث. بَاش نتَّا س اَرْضَا ن أَربِّـي اَذ يقَّاس ڒْموْث، ڒْموْث نِّي اَذ تِيڒِي ن مَارَّا يوْذَان.